ព័ត៌មានជាតិ

ប្រធានការិយាល័យភូមិបាលខណ្ឌច្បារអំពៅ ផ្ដល់ម៉ូតូ១១គ្រឿង សម្រាប់មន្ដ្រីចុះវាស់វែងដីជូនប្រជាពលរដ្ឋ

បានផុស

៥ years មុន

នៅ

ថ្ងៃសុក្រ ២៩ មករា ២០២១

ដោយ

លោក លឹម ពី ប្រធានការិយាល័យភូមិបាលខណ្ឌច្បារអំពៅ បានយកថវិកាផ្ទាល់ខ្លួនទិញម៉ូតូចំនួន១១គ្រឿង ដើម្បីផ្តល់ដល់មន្ត្រីរាជការក្នុងការិយាល័យចុះធ្វើការវាស់វែងដីធ្លីជូនប្រជាពលរដ្ឋ នៅខេត្តមណ្ឌលគីរីនាខែកុម្ភៈខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លឹម ពី បានឲ្យកម្ពុជាថ្មីដឹងថា ម៉ូតូដែលលោកទិញចំនួន១១គ្រឿងនេះ គឺយកទៅបម្រើការងារពេលចុះទៅវាស់វែងដីធ្លី នៅខេត្តមណ្ឌលគីរី ដែលត្រូវចេញដំណើទៅនៅថ្ងៃទី២២ ខែកុម្ភៈ ឆ្នាំ២០២១ខាងមុខនេះ។ ម៉ូតូទាំង១១គ្រឿងនេះ គឺទុកសម្រាប់ឲ្យមន្ត្រីរាជការនៃការិយាល័យភូមិបាលខណ្ឌច្បារអំពៅជិះទៅវាស់ដី ខណៈដែលពីមុនមកកម្លាំងយើងជិះរថយន្ត ប៉ុន្តែពេលខ្លះត្រូវចុះទៅតាមភូមិដាច់ស្រយាលហើយផ្លូវលំតូចចង្អៀត ដូច្នេះមានតែជិះម៉ូតូ។

លោក លឹម ពី មានប្រសាសន៍បន្តទៀតថា បើសិនធ្វើដំណើរដោយថ្មើរជើង ត្រូវចំណាយពេលយូរទម្រាំចុះទៅដល់ទីតាំង ដែលត្រូវវាស់វែង។ មន្ត្រីរាជការបម្រើការ ក្នុងការិយាល័យភូមិបាលខណ្ឌច្បារអំពៅ សូមសំដែងនូវការអរគុណដល់លោក លឹម ពី ប្រធានការិយាល័យភូមិបាលខណ្ឌច្បារអំពៅដែលខិតខំចំណាយថវិកាផ្ទាល់ខ្លួនរបស់លោកទិញម៉ូតូចំនួន១១គ្រឿងសម្រាប់ផ្តល់ដល់កម្លាំងចុះវាស់វែងដីធ្លីជូនប្រជាពលរដ្ឋនៅខេត្តមណ្ឌលគីរី ដោយឥតគិតថ្លៃនោះ៕

អត្ថបទ៖ នរា

សូមចុចអាន៖ ចាំតែស្ពានសង់រួច កោះនរា ហាងឆេងដី អាចហក់ដល់ ៣០០០ ដុល្លារក្នុងមួយម៉ែត្រការ៉េ

Related Topics:អំណោយ ខណ្ឌច្បារអំពៅ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា