Connect with us

ព័ត៌មានជាតិ

មន្ត្រី​នគរបាល​ជាតិ​៧៤​នាក់ មកពី​វៀតណាម​មាន​លទ្ធផល​តេស្ត​អវិជ្ជមាន​វីរុស​កូ​វីដ​១៩​ជា​លើក​ទី​១

បានផុស

នៅ

មន្ត្រី​នគរបាល​ជាតិ​៧៤​នាក់ ជា​សិក្ខាកាម​បញ្ចប់​វគ្គ​បណ្ដុះបណ្ដាល​ថ្នាក់​ជំនាញ​តម្រួត​និង​ពន្ធនាគារ​ដែល​ទើប​វិលត្រឡប់​មកពី​ប្រទេស​វៀត​ណាម​ត្រូវ​បាន​វិទ្យាស្ថាន​ប៉ាស្ទ័រ​កម្ពុជា​អះអាង​ថា ​មាន​លទ្ធផល​តេស្ត​អវិជ្ជមាន​វីរុស​កូ​វីដ​១៩​ជា​លើក​ទី​១​។

លោក វេជ្ជបណ្ឌិត កែ រដ្ឋា ប្រធាន​មន្ទីរ​សុខាភិបាល​ខេត្តស្វាយរៀង​បាន​ឲ្យ​ដឹង​នៅ​ព្រឹក​ថ្ងៃទី​៣១​មករា​នេះ​ថា ​ផ្អែក​តាម​លទ្ធផល​តេស្ត​ពី​វិទ្យាស្ថាន​ប៉ាស្ទ័រ​កម្ពុជា​មន្ត្រីនគរបាល​ជាតិ​ចំនួន​៧៤​នាក់​ដែល​ទើប​វិលត្រឡប់​មកពី​ប្រទេស​វៀតណាម​នោះ​មាន​លទ្ធផល​តេស្ត​អវិជ្ជមាន​វីរុស​កូ​វីដ​១៩​ជា​លើក​ទី​១​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បាន​បន្ត​ថា ​ប៉ុន្តែ​ពួកគាត់​ត្រូវ​យក​សំណាក​ម្តងទៀត​នៅ​ថ្ងៃទី​១៣​នៃ​ថ្ងៃ​ធ្វើ​ច​ត្តា​ឡី​ស័ក​ហើយ​បើ​លទ្ធផល​តេស្ត​នៅតែ​បន្ត​អវិជ្ជមាន​ទៀត​នោះ​ទើប​យើង​អនុញ្ញាត​ឲ្យ​វិលត្រឡប់​ទី​ផ្ទះ​វិញ​បាន​ខណៈ​ពួកគាត់​បានចាប់ផ្តើម​ចូលធ្វើ​ច​ត្តា​ឡី​ស័ក​នៅ​ថ្ងៃទី​២៨​មករា​កន្លងទៅ​។

យ៉ាងណាក៏ដោយ លោក​បាន​បន្ថែមថា ​បច្ចុប្បន្ន​ពួកគាត់​មាន​សុខ​ភាពល្អ​ធម្មតា​មិនមាន​អ្វី​គួរ​ឲ្យ​ព្រួយបារម្ភ​នោះ​ទ​ហើយ​កំពុង​អនុវត្ត​វិធាន​សុខាភិបាល​បានល្អ​នៅតាម​មណ្ឌល​ច​ត្តា​ឡី​ស័ក​បាវិត​ចំនួន​១៨​នាក់​នៅ​មណ្ឌល​ច​ត្តា​ឡី​ស័ក​នៅ​ស្វាយរៀង​ចំនួន​៥០​និង​២​នាក់​ទៀត​ធ្វើ​ច​ត្តា​ឡី​ស័ក​នៅ​មន្ទីរពេទ្យបង្អែក​ជម្ពូ​។

គួរ​បញ្ជាក់​ថា ​គិត​ត្រឹម​ព្រឹក​ថ្ងៃទី​៣១ ខែមករា ឆ្នាំ​២០២១​នេះ កម្ពុជា​រកឃើញ​អ្នក​ឆ្លង​កូ​វីដ​១៩ សរុប​ចំនួន ៤៦៥​នាក់ ក្នុងនោះ​អ្នក​ព្យាបាល​ជាសះស្បើយ​ចំនួន ៤៤៣​នាក់ និង​អ្នកជំងឺ​កំពុង​សម្រាក​ព្យាបាល​នៅ​មន្ទីរពេទ្យ​ចំនួន ២២​នាក់​៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៦ វិនាទី មុន

វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង

ព័ត៌មានជាតិ៤ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ៦ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

ព័ត៌មានជាតិ១៥ នាទី មុន

អគ្គនាយកអន្តោប្រវេសន៍ ប្រាប់មន្ត្រីជួយសម្រួលដល់ពលករដែលត្រឡប់ពីថៃឱ្យបានល្អ នាឱកាសចូលឆ្នាំខ្មែរ

ព័ត៌មានអន្ដរជាតិ២០ នាទី មុន

គ្រូពេទ្យភ្ញាក់ផ្អើល ក្រោយវះកាត់ឃើញដូងមួយផ្លែក្នុងរន្ធគូថបុរស តៃវ៉ាន់

Sokha Hotels

ព័ត៌មានពេញនិយម