ព័ត៌មានជាតិ

គិតត្រឹមថ្ងៃទី២០ តុលានេះ ស្ថានភាពជំនន់ទឹកភ្លៀង ក្នុងខណ្ឌកំបូលមាន២សង្កាត់

បានផុស

១ year មុន

នៅ

ថ្ងៃសុក្រ ២០ តុលា ២០២៣

ដោយ

ភ្នំពេញ ៖ នៅក្នុងខណ្ឌកំបូល ទទួលរងនូវទឹកជំនន់ ប៉ះពាល់ជន់លិចផ្ទះសម្បែងប្រជាពលរដ្ឋ ផ្លូវថ្នល់ បើគិតត្រឹមល្ងាចថ្ងៃទី២០ ខែតុលា ឆ្នាំ២០២៣នេះ ស្ថានភាពទឹកនៅបន្តជន់លិច ចំនួន២សង្កាត់ គឺសង្កាត់ភ្លើងឆេះរទេះ ក្នុងភូមិជ័យឧត្តមទឹកជន់លិចផ្ទះពលរដ្ឋចំនួន២៨គ្រួសារ ក្នុងចំណោម២៣៧គ្រួសារ និង សង្កាត់បឹងធំ ទឹកជន់លិចចំនួន៣ភូមិ ក្នុងនោះភូមិដូនកុក ទឹកជន់លិចចំនួនផ្ទះចំនួន ៨៨ខ្នង ស្នើ១០៨គ្រួសារ មនុស្សចំនួន៥៥០នាក់ ស្រី២៤១នាក់ ។ ភូមិអន្លង់ស្វាយ ទឹកជន់លិចផ្ទះចំនួន១០៤ខ្នង ស្មើ១០៦គ្រួសារ ចំនួនមនុស្សមាន៤៩៥នាក់ ស្រី២៤៧នាក់។ ភូមិខ្ចៅ ទឹកជន់លិចផ្ទះចំនួន៣០១ខ្នង ស្មើ៣០១គ្រួសារ មនុស្សចំនួន១៣៣៩នាក់ ស្រី៧១៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតមកត្រឹមល្ងាចថ្ងៃនេះ ស្ថានភាពទឹក ជន់លិចទូទៅក្នុងភូមិទាំង៣ ក្នុងសង្កាត់បឹងធំ តែតាមផ្លូវបេតុងចូលភូមិ អាចនៅដើរបាន។

នៅទីតាំងសង្កាត់បឹងធំ មានកម្លាំងអាជ្ញាធរជាតិគ្រប់គ្រងគ្រោះមហន្តរាយ កម្លាំងអង្គភាព៧១១ កងពលតូចលេខ៧០ អាជ្ញាធរខណ្ឌ សង្កាត់ សមត្ថកិច្ច ប្រចាំការណ៍ ជួយសម្រួលដល់បងប្អូនប្រជាពលរដ្ឋ៕