ព័ត៌មានជាតិ
ស្ត្រីម្នាក់ ឡាយលក់ឡេបង្ហាញភាពសិចស៊ីជ្រុល ត្រូវសមត្ថកិច្ចកោះហៅមកសុំទោសជាសាធារណៈ និងធ្វើកិច្ចសន្យា
ភ្នំពេញ ៖ ស្ត្រីម្នាក់ ឡាយលក់ឡេតាមគណនីហ្វេសបុកឈ្មោះ J No Cosmetic ដែលមានលក្ខណៈសិចស៊ីជ្រុល និងប្រើប្រាស់កាយវិការ ពាក្យសំដីអសីលធម៌មិនសមរម្យ ត្រូវបានសមត្ថកិច្ចកោះហៅមកបំភ្លឺ សុំទោសជាសាធារណៈ និងធ្វើកិច្ចសន្យា។
![](https://www.kampucheathmey.com/wp-content/uploads/2021/02/147333944_3526661780794132_6264199108614331094_o-768x1024.jpg)
ស្ត្រីខាងលើនេះមានឈ្មោះ ម៉ឹង ស្រីនួន ភេទស្រី អាយុ២៧ឆ្នាំ ជនជាតិខ្មែរ សញ្ជាតិខ្មែរ មុខរបរ អ្នកលក់អនឡាញ អាសយដ្ឋានបន្ទប់ជួល ក្រុមទី៥ សង្កាត់ទឹកថ្លា ខណ្ឌសែនសុខ រាជធានីភ្នំពេញ ប្រើប្រាស់គណនីហ្វេសបុកឈ្មោះ J No Cosmetic។
![](https://www.kampucheathmey.com/wp-content/uploads/2021/02/146482070_3526661887460788_8493759690607085174_o-768x1024.jpg)
ប្រភពព័ត៌មានបានឲ្យដឹងថា នៅថ្ងៃអង្គារទី០៩ ខែកុម្ភៈ ឆ្នាំ២០២១ វេលាម៉ោង ១៤និង០០នាទី សមត្ថកិច្ចជំនាញនៃការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានធ្វើការកោះហៅម្ចាស់គណនីហ្វេសបុកដែលមានឈ្មោះ J No Cosmetic និងមានម្ចាស់ឈ្មោះ ម៉ឹង ស្រីនួន ដែលបានឡាយលក់ផលិតផលដោយបង្ហាញភាពសិចស៊ីជ្រុលហួសហេតុ។
![](https://www.kampucheathmey.com/wp-content/uploads/2021/02/146165485_3526661927460784_6513928057503138129_o-768x1024.jpg)
ប្រភពព័ត៌មានបានបន្តទៀតថា ដោយអនុវត្តតាមការណែនាំជាប្រចាំរបស់ថ្នាក់ដឹកនាំត្រូវមានវិធានការណ៍ចំពោះបុគ្គលទាំងឡាយណា ដែលឡាយលក់ផលិតផល ដោយបានបង្ហាញភាពសិចស៊ីជ្រុល ប្រើប្រាស់កាយវិការ និងសំដីអសីលធម៌ដែលធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់ស្ត្រីខ្មែរ សមត្ថកិច្ចជំនាញនៃការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ នឹងធ្វើការកោះហៅមកបំភ្លឺសុំទោសជាសាធារណៈ និងធ្វើកិច្ចសន្យាបញ្ឈប់ការឡាយសិចស៊ីបន្តទៀត។
![](https://www.kampucheathmey.com/wp-content/uploads/2021/02/147645073_3526661700794140_8934924915993535380_o-1-644x1024.jpg)
ដោយបានទទួលស្គាល់អំពីកំហុសដែលខ្លួនបានធ្វើ និងធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូររបស់ស្ត្រីខ្មែរទូទៅ ម្ចាស់គណនីរូបនេះបានចូលខ្លួនមកទទួលស្គាល់កំហុស សុំទោសជាសាធារណៈ ជាពិសេសស្ត្រីខ្មែរទូទៅ និងបានធ្វើកិច្ចសន្យាឈប់ធ្វើសកម្មភាពឡាយវីដេអូបញ្ចេញរូបភាពអាសអាភាស កាយវិការ និងពាក្យសម្តីមិនសមរម្យទៀតហើយ។
បន្ទាប់ពីបានសារភាពទទួលស្គាល់កំហុស និងធ្វើកិច្ចសន្យារួច សមត្ថកិច្ចក៏បានអនុញ្ញាតឲ្យស្ត្រីរូបនេះត្រឡប់ទៅលំនៅឋានវិញ៕
ប្រភព ៖ ស្នងការដ្ឋាននគរបាលរាជធានីភ្នំពេញ
កែសម្រួលដោយ ៖ នាគព័ន្ធ
![](https://www.kampucheathmey.com/wp-content/uploads/2021/02/146717795_3526662020794108_2766301308432538174_o-718x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល