ព័ត៌មានជាតិ
ក្រសួងសុខាភិបាល ចុះពង្រឹងគុណភាពសេវាមណ្ឌលសុខភាព ក្នុងខេត្តក្រចេះ
ដោយទទួលបានការណែនាំពី សាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងមានការសម្របសម្រួលដឹកនាំផ្ទាល់ពី លោកស្រីវេជ្ជបណ្ឌិត ឱ វណ្ណឌីន ចាប់ពីថ្ងៃទី២៤ ដល់ថ្ងៃទី២៧ ខែធ្នូ ឆ្នាំ២០២៣ លោកស្រីឱសថការី លី គឹមអេង រដ្ឋលេខាធិការក្រសួងសុខាភិបាល រួមដំណេីរដោយ លោក ជូ ម៉េងចាន់ អនុរដ្ឋលេខាធិការ ទទួលបន្ទុកជួយពង្រឹងគុណភាពសេវាមណ្ឌលសុខភាពក្នុងខេត្តក្រចេះ បានចុះពិនិត្យមណ្ឌលសុខភាពចំនួន ១៥ទីតាំង នៅក្នុងរដ្ឋបាលខេត្តក្រចេះ។ នៅបើតាមការផ្ដល់ព័ត៌មានដោយក្រសួងសុខាភិបាល នៅរាត្រី ថ្ងៃទី២៩ ខែធ្នូ នេះ។
ការចុះពិនិត្យមណ្ឌលសុខភាពនេះ ក្នុងគោលបំណងជួយពង្រឹងគុណភាពសេវាឱ្យបានសមស្របទៅតាមស្តង់ដា នៃការទទួលស្គាល់គុណភាពសេវាមណ្ឌលសុខភាព នៃព្រះរាជាណាចក្រកម្ពុជា និងការកែលម្អគុណភាពសេវាសុខាភិបាលឱ្យកាន់តែប្រសើរឡើង។
ក្នុងឱកាសចុះពង្រឹង និងកែលម្អគុណភាពសេវាមណ្ឌលសុខភាព លោកស្រីរដ្ឋលេខាធិការ បានផ្តោតលើចំណុចសំខាន់ៗមួយចំនួនរួមមាន៖
១. ពង្រឹងការរៀបចំហេដ្ឋារចនាសម្ព័ន្ធរូបវ័ន្ត និងបរិស្ថានជុំវិញមណ្ឌលឱ្យមានអនាម័យល្អស្អាត ទាំងក្នុង ទាំងក្រៅ អគារ
២. ការគ្រប់គ្រងមន្ត្រី បុគ្គលិក ខិតខំបម្រើសេវាសុខភាពជូនប្រជាពលរដ្ឋប្រកបដោយគុណភាព និងប្រកាន់ខ្ជាប់ក្រមសីលធម៌វិជ្ជាជីវៈ
៣. ពង្រឹងការថែទាំ និងទុកដាក់ឧបករណ៍បរិក្ខារពេទ្យ និងឱសថ ឱ្យមានសណ្តាប់ធ្នាប់ អនាម័យ និងគុណភាព
៤. ពង្រឹងវិន័យការងារ និងការចាំបម្រើសេវាឱ្យមានវេនប្រចាំ ២៤ម៉/៧ថ្ងៃ
និង ៥. ខិតខំពង្រឹងសមត្ថភាពជំនាញវិជ្ជាជីវៈ និងបច្ចេកវិទ្យាព័ត៌មានវិទ្យាតាមរយៈការបណ្តុះបណ្តាលបំប៉នបន្ថែម។
គួរបញ្ជាក់ថា ដំណេីរចុះអភិបាលនេះ មានការសម្របសម្រួលពី លោក ងី ប៊ុនឡែន ប្រធានមន្ទីរសុខាភិបាល នៃរដ្ឋបាលក្រចេះ និងលោកប្រធានការិយាល័យសុខាភិបាលស្រុកប្រតិបត្តិក្រចេះ ឆ្លូង និងស្នួល ដែលចុះទៅដល់មណ្ឌលសុខភាពមួយចំនួនរួមមាន៖ អូរឬស្សី គោលាប់ ចង្ក្រង់រកាកណ្តាល បុសលាវ កញ្ជរ ព្រែកសាម៉ាន់ ជ្រោយថ្ម ពង្រ ខ្សាច់អណ្តែត ស្វាយជ្រះឃ្សឹម ស្នួល ២ធ្នូ និងក្បាលត្រាច៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង