ព័ត៌មានជាតិ
ACU អំពាវនាវឱ្យអ្នកជាប់កាតព្វកិច្ច ត្រូវប្រញាប់ មកប្រកាសទ្រព្យសម្បត្តិ ដែលសល់តែ១០ថ្ងៃទៀតប៉ុណ្ណោះ
នៅសល់១០ថ្ងៃទៀតប៉ុណ្ណោះ កាលបរិច្ឆេទនៃការប្រកាសទ្រព្យសម្បត្តិ និងបំណុល តាមរបប២ឆ្នាំម្ដង នឹងត្រូវបានបិទបញ្ចប់។ អង្គភាពប្រឆាំងអំពើពុករលួយ (ACU) បានអំពាវនាវដល់អ្នកជាប់កាតព្វកិច្ចប្រកាសទ្រព្យសម្បត្តិ និងបំណុល ប្រញាប់មកប្រកាសស្របតាមច្បាប់កំណត់ឱ្យបានរួសរាន់។
![](https://www.kampucheathmey.com/wp-content/uploads/2024/01/image-1292-1024x576.png)
កាលបរិច្ឆេទនៃការទទួលយកឯកសារប្រកាសទ្រព្យសម្បត្តិ និងបំណុល អនុវត្តតាមរបប២ឆ្នាំម្ដង សម្រាប់ឆ្នាំ២០២៤ ត្រូវបាននាយកដ្ឋានប្រកាសទ្រព្យសម្បត្តិ និងបំណុល នៃអង្គភាពប្រឆាំងអំពើពុករលួយ បើកទ្វារទទួលរយៈពេល១ខែពេញ ពោល គឺចាប់ពីថ្ងៃទី១ ដល់ថ្ងៃទី៣១ ខែមករា ឆ្នាំ២០២៤។ បើតាមទិន្នន័យបឋមពីក្រុមការងារនាយកដ្ឋានប្រកាសទ្រព្យសម្បត្តិ និងបំណុល គិតត្រឹមព្រឹកថ្ងៃអាទិត្យ ទី២១ ខែមករានេះ នាយកដ្ឋាន បានទទួលទិន្នន័យបឋមប្រមាណ៩៤.២០ ភាគរយហើយ នៃចំនួនត្រូវប្រកាសសរុប ១៨ ២៧៩រូប។
![](https://www.kampucheathmey.com/wp-content/uploads/2024/01/image-1293-1024x576.png)
តែយ៉ាងណាមិញ បើតាមនាយកដ្ឋានប្រកាសទ្រព្យសម្បត្តិ និងបំណុល គឺក្រុមការងារនៅតែរង់ចាំទទួលការប្រកាសទ្រព្យសម្បត្តិ និងបំណុល តាមការកំណត់របស់ច្បាប់រហូតដល់ថ្ងៃទី៣១ ខែមករា ឆ្នាំ២០២៤ ខាងមុខ ពោល គឺនៅសល់តែ រយៈពេល ១០ថ្ងៃទៀតប៉ុណ្ណោះ ដែលបុគ្គលជាប់កាតព្វកិច្ចតាមការកំណត់ដោយច្បាប់ ត្រូវមកប្រកាសទ្រព្យសម្បត្តិ និងបំណុល។
យោងមាត្រា៣៨ នៃច្បាប់ស្តីពីការប្រឆាំងអំពើពុករលួយ ការមិនប្រកាសទ្រព្យសម្បត្តិ និងបំណុល គឺប្រឈមនឹងការផ្តន្ទាទោសដាក់ពន្ធនាគារពី១ខែ ទៅ១ឆ្នាំ និងពិន័យជាប្រាក់ពី១សែនរៀល ទៅ ២លានរៀល។ គ្រប់បុគ្គលដែលមិនប្រកាស នឹងត្រូវបង្ខំឱ្យប្រកាសទ្រព្យសម្បត្តិជូនអង្គភាពប្រឆាំងអំពើពុករលួយ ហើយក្នុងករណីរឹងរូសមិនព្រមប្រកាសទៀត នឹងត្រូវផ្ដន្ទាទោសទ្វេដង៕
![](https://www.kampucheathmey.com/wp-content/uploads/2024/01/image-1294-1024x576.png)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ