ព័ត៌មានជាតិ
លោក ជួន ណារិន្ទ៖ ករណីចោទប៉ូលីសស្តុបក្ដាន់ពីរ ផាកហើយតាមញ៉ែ ជារឿងប្រឌិត
លោក ជួន ណារិន្ទ ស្នងការនរគបាលរាជធានីភ្នំពេញ នៅល្ងាចថ្ងៃព្រហស្បត្តិ៍នេះ បានចេញមកបញ្ជាក់ថា ករណីចោទថាប៉ូលីសស្តុបក្ដាន់ពីរ ផាកពិន័យនារីម្នាក់ រួចតាមឆាតញ៉ែ គឺជារឿងប្រឌិត។
តាមទំព័រហ្វេសប៊ុក លោក ជួន ណារិន្ទ បានសរសេរដូច្នេះថា “ថ្ងៃនេះខ្ញុំបាទសូមជម្រាបជូន មហាជន មេត្តាជ្រាបថា ករណីម៉ូលីកា មិនមែនជាជនរងគ្រោះទេ ខាងលើ ជាការប្រឌិតរឿង( Fake Facebook account) មិនមែនជារឿងពិតទេ”។
តាមលោក ជួន ណារិន្ទ ករណីនេះ សម្រាប់ការឆាតឆ្លើយឆ្លងដែលផ្សព្វផ្សាយតាមបណ្ដាញសង្គមទាំងអស់នោះ គឺមានបុគ្គលផ្សេងជាអ្នករៀបចំ។ អគ្គស្នងការរងនគរបាលជាតិ លោក ជួន ណារិន្ទ បានអះអាងថា ករណីដែលបានផ្សព្វផ្សាយកាលពីពេលកន្លងមកមិនមែនជាការពិតឡើយ។
លោក ជួន ណារិន្ទ ក៏បានសុំឱ្យពលរដ្ឋដែលប្រើប្រាស់បណ្ដាញសង្គម មេត្តាកុំវាយប្រហារលើស្ថាប័ន ឬបុគ្គលណាម្នាក់ ទាំងមិនបានដឹងរឿងច្បាស់។ លោក បានលើកទឹកចិត្តឱ្យពលរដ្ឋតាមដានសិក្សាពីដើមចមនៃបញ្ហាឱ្យច្បាស់ មុននឹងវាយតម្លៃ រិះគន់ ពីព្រោះការរិះគន់ដោយមិនដឹងពីដើមចមនៃបញ្ហាគឺធ្វើឱ្យប៉ះពាល់ដល់កិត្តិយស បុគ្គល និងស្ថាប័នទាំងមូល។
ជុំវិញការប្រឌិតរឿង ធ្វើឱ្យប៉ះពាល់ដល់កិត្តិយស សេចក្ដីថ្លៃថ្នូររបស់សមត្ថកិច្ចនេះ លោក ជួន ណារិន្ទ ក៏បានឱ្យដឹងថា សមត្ថកិច្ចជំនាញកំពុងស្រាវជ្រាវរកជនដែលប្រឌិត បង្កើតសាច់រឿងនេះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ