ហង់ជួន ណារ៉ុន ណែនាំអនុវត្តកម្មវិធីផ្ដល់ប្រឹក្សាការសិក្សា និងទីផ្សារការងារតាមប្រព័ន្ធអេឡិចត្រូនិក
Connect with us
Helistar Cambodia - Helicopter Charter Services

ព័ត៌មានជាតិ

ហង់ជួន ណារ៉ុន ណែនាំអនុវត្តកម្មវិធីផ្ដល់ប្រឹក្សាការសិក្សា និងទីផ្សារការងារតាមប្រព័ន្ធអេឡិចត្រូនិក

Published

on

ក្រសួងអប់រំយុវជន និងកីឡា បានចេញសេចក្ដីណែនាំស្ដីពីការអនុវត្តកម្មវិធីត្រីវិស័យនៅតាមគ្រឹះស្ថានមធ្យមសិក្សា កាលពីថ្ងៃទី១៦ ខែកុម្ភៈ ឆ្នាំ២០២១។

លោក ហង់ជួន ណារ៉ុន លើកឡើងថា កម្មវិធីផ្ដល់ប្រឹក្សាតាមប្រព័ន្ធអេឡិចត្រូនិកដែលមានឈ្មោះថា “ត្រីវិស័យ” (TreyVisay) ក្នុងគោលបំណងឱ្យសិស្សស្វ័យវាយតម្លៃអំពីបុគ្គលិកលក្ខណៈមុខរបរ និងឈ្វេងយល់អំពីព័ត៌មានគ្រឹះស្ថានសិក្សា និងទីផ្សារការងារ។

លោកបន្តថា ដើម្បីឱ្យសិស្សអនុវត្តកម្មវិធី “ត្រីវិស័យ” នៅតាមគ្រឹះស្ថានសិក្សាប្រកបដោយប្រសិទ្ធិភាព សូមមន្ទីរអប់រំយុវជន និងកីឡារាជធានីខេត្តទាំងអស់ផ្សព្វផ្សាយឱ្យបានទូលំទូលាយដល់គ្រឹះស្ថានសិក្សាថ្នាក់ក្រោមឱវាទដើម្បីសិស្សានុសិស្សចូលប្រើប្រាស់កម្មវិធី “ត្រីវិស័យ” ប្រកបដោយប្រសិទ្ធភាព។ ត្រូវណែនាំគ្រឹះស្ថានមធ្យមសិក្សាក្រោមឱវាទរៀបចំផែនការអនុវត្តកម្មវិធី “ត្រីវិស័យ” ឱ្យបានគ្រប់កម្រិតថ្នាក់ និងត្រូវចូលរួមដោះស្រាយបញ្ហាប្រឈមផ្សេងៗជាមួយគ្រឹះស្ថានសិក្សាក្នុងការប្រើប្រាស់កម្មវិធី “ត្រីវិស័យ” ដោយស្មារតីទទួលខុសត្រូវខ្ពស់ និងកៀរគរធនធាន និងដៃគូសហការដើម្បីគាំទ្រដំណើរការការអនុវត្តកម្មវិធីត្រី “វិស័យ” ឱ្យមានប្រសិទ្ធភាព។

រដ្ឋមន្ត្រីក្រសួងអប់រំ បានបន្តការណែនាំដល់គ្រឹះស្ថានសិក្សា គឺត្រូវរៀបចំផែនការណែនាំការអនុវត្តកម្មវិធី “ត្រីវិស័យ” ដល់សិស្សានុសិស្សគ្រប់កម្រិតថ្នាក់។ ត្រូវចាត់តាំងឱ្យមានអ្នកទទួលខុសត្រូវក្នុងការណែនាំ និងប្រើប្រាស់កម្មវិធី “ត្រីវិស័យ” ដល់សិស្ស និងត្រូវចូលរួមដោះស្រាយបញ្ហាប្រឈមផ្សេងៗក្នុងការប្រើប្រាស់កម្មវិធីត្រីវិស័យដោយស្មារតីទទួលខុសត្រូវខ្ពស់ព្រមទាំងត្រូវកៀរគរធនធានដៃគូសហការដើម្បីគាំទ្រដំណើរការអនុវត្តកម្មវិធី “ត្រីវិស័យ” ឱ្យមានប្រសិទ្ធភាព។

លោក ហង់ជួន ណារ៉ុន​ បានបន្ថែមការណែនាំទៅដល់គ្រូទទួលបន្ទុកអនុវត្តកម្មវិធីត្រីវិស័យ គឺត្រូវរៀបចំផែនការប្រចាំឆ្នាំស្ដីពីការផ្សព្វផ្សាយ និងណែនាំការប្រើប្រាស់កម្មវិធី “ត្រីវិស័យ” ដល់សិស្សគ្រប់កម្រិតថ្នាក់ ត្រូវអនុវត្តផ្សព្វផ្សាយនិងណែនាំការប្រើប្រាស់កម្មវិធី “ត្រីវិស័យ” ត្រូវសម្របសម្រួលក្នុងការដំណើរការប្រើប្រាស់កម្មវិធី “ត្រីវិស័យ” ដល់សិស្ស ណែនាំសិស្សអំពីរបៀបដំឡើងកម្មវិធីត្រី “វិស័យ” ក្នុងទូរសព្ទឆ្លាតវៃ ឬកុំព្យូទ័របន្ទះ (Tablet) ពីក្នុង App Store ឬ Play Store។ ណែនាំរបៀបប្រើប្រាស់លម្អិតកម្មវិធីត្រីវិស័យ។

គួរបញ្ជាក់ថា កម្មវិធីផ្ដល់ប្រឹក្សាតាមប្រព័ន្ធអេឡិចត្រូនិកដែលមានឈ្មោះថា “ត្រីវិស័យ” (TreyVisay) ត្រូវបានសហការបង្កើតដោយ ក្រសួងអប់រំ ជាមួយអង្គការសកម្មភាពសម្រាប់ការអប់រំនៅកម្ពុជា (KAPE) ក្នុងគោលបំណងឱ្យសិស្សស្វ័យវាយតម្លៃអំពីបុគ្គលិកលក្ខណៈមុខរបរ និងឈ្វេងយល់អំពីព័ត៌មានគ្រឹះស្ថានសិក្សា និងទីផ្សារការងារ៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services