ព័ត៌មានជាតិ
អង្គការអន្តរជាតិហ្វ្រង់កូហ្វូនី ចង់ពង្រឹងពង្រីកកិច្ចសហប្រតិបត្តិការជាមួយ កម្ពុជា
បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្ត្រីក្រសួងអប់រំ យុវជន និងកីឡា បានទទួលការជួបសម្ដែងការគួរសម ការងារជាមួយ លោក Edgar Doerig តំណាងរបស់ អង្គការអន្តរជាតិហ្វ្រង់កូហ្វូនី (ប្រទេសនិយាយភាសាបារាំង OIF) ប្រចាំតំបន់អាស៊ី-ប៉ាស៊ីហ្វិក ដើម្បីពិភាក្សាការងារ និងពិនិត្យមើលលទ្ធភាពដើម្បីបន្តពង្រឹងពង្រីកកិច្ចសហប្រតិបត្តិការឱ្យកាន់តែប្រសើរ។ បើតាមការផ្ដល់ព័ត៌មានពី ក្រសួងអប់រំ យុវជន និងកីឡា ជំនួបនេះ ធ្វើឡើង នៅព្រឹកថ្ងៃទី២២ ខែមីនា ឆ្នាំ២០២៤ នៅទីស្ដីការក្រសួង។
![](https://www.kampucheathmey.com/wp-content/uploads/2024/03/434188298_810818164404942_7008836125226387650_n-1024x576.jpg)
ក្នុងឱកាសនៃជំនួបនេះ ភាគី OIF បានលើកឡើងពីទម្រង់ នៃកិច្ចសហប្រតិបត្តិការរវាងកម្ពុជា និង OIF ដែលមានដូចជា ការលើកកម្ពស់ការរៀន និងបង្រៀនភាសាបារាំង ការលើកកម្ពស់សហគ្រិនភាពតាមរយៈកម្មវិធីបណ្តុះបណ្តាលវិជ្ជាជីវៈ។ នៅដំណាច់ខែសីហាខាងមុខ ក្រោមកិច្ចផ្តួចផ្តើមរបស់អង្គការ វេទិការយុវជនប្រចាំតំបន់អាស៊ី អាគ្នេយ៍ នឹងត្រូវរៀបចំ ហើយយុវជនកម្ពុជាក៏នឹងត្រូវបានអញ្ជើញចូលរួមក្នុងវេទិកានេះដែរ ដើម្បីចែករំលែកបទពិសោធន៍ និងពិភាក្សាពីដំណោះស្រាយផ្សេងៗពាក់ព័ន្ធនឹងការងារ។
![](https://www.kampucheathmey.com/wp-content/uploads/2024/03/434178695_810818187738273_173772867511149182_n-1024x576.jpg)
មួយវិញទៀត CREFAP ដែលជាប្រតិបត្តិកររបស់អង្គការ OIF ប្រចាំតំបន់ ក៏បានព្រាងសេចក្តីព្រមព្រាងមួយជាមួយនឹងប្រទេសជាសមាជិកក្នុងតំបន់ ដើម្បីលើកកម្ពស់កិច្ចសហប្រតិបត្តិការ ក្នុងការពង្រឹងសមត្ថភាពមន្ត្រីអប់រំ អធិការ ទីប្រឹក្សាគរុកោសល្យ និងគ្រូបង្រៀនភាសាបារាំង និងជាភាសាបារាំង និងកិច្ចការផ្សេងៗពាក់ព័ន្ធនឹងការពង្រឹងប្រព័ន្ធអប់រំនៅក្នុងបណ្តាប្រទេសជាសមាជិក។
![](https://www.kampucheathmey.com/wp-content/uploads/2024/03/434191681_810818171071608_6334048040904929414_n-1024x576.jpg)
ជាកិច្ចឆ្លើយតប បណ្ឌិតសភាចារ្យ ឧបនាយករដ្ឋមន្ត្រីបានលើកឡើងពីស្ថានភាព នៃការរៀន និងបង្រៀនភាសាបារាំងនៅកម្ពុជា ព្រមទាំងបានបង្ហាញពីសក្តានុពល និងឱកាសរបស់សិស្ស និងនិស្សិតដែលចេះភាសាបារាំងនៅកម្ពុជា ព្រមទាំងបានបង្ហាញពីគោលបំណងរបស់ក្រសួងអប់រំ យុវជន និងកីឡា ពាក់ព័ន្ធនឹងការពង្រឹង និងពង្រីកការរៀន និងបង្រៀនភាសាបារាំងនៅកម្ពុជា ដែលទាមទារជាចាំបាច់នូវការធ្វើឱ្យភាសាបារាំងកាន់តែមានភាពទាក់ទាញ ជាពិសេសក្នុងទីផ្សារការងារ ក៏ដូចជាក្នុងវិស័យសេដ្ឋកិច្ច។
![](https://www.kampucheathmey.com/wp-content/uploads/2024/03/434172388_810818137738278_8935728294435723198_n-1024x576.jpg)
គួររម្លឹកថា ក្នុងឱកាសចូលជួបសម្តែងការគួរសម និងពិភាក្សាការងារជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅទីក្រុងប៉ារីស ប្រទេសបារាំង កាលពីថ្ងៃទី១៥ ខែមករា ឆ្នាំ២០២៤ កន្លងទៅនេះ លោកជំទាវ ល្វីស មូស៊ីគីវ៉ាបូ (Louise MUSHIKIWABO) អគ្គលេខាធិការអង្គការអន្តរជាតិហ្វ្រង់កូហ្វូនី បានគាំទ្រប្រទេសកម្ពុជាធ្វើជាម្ចាស់ផ្ទះកិច្ចប្រជុំកំពូលហ្វ្រង់កូហ្វូនីនៅឆ្នាំ២០២៦។ ជាមួយគ្នានេះលោកស្រី បានស្នើកម្ពុជាចែករំលែកពិសោធន៍ពាក់ព័ន្ធការរក្សាស្ថេរភាព និងសុខសន្តិភាព។
![](https://www.kampucheathmey.com/wp-content/uploads/2024/03/photo_2024-01-16_09-00-25-782x1024.jpg)
គួរបញ្ជាក់ថា អង្គការអន្តរជាតិហ្រ្វង់កូហ្វូនី មានរដ្ឋសមាជិកចំនួន៨៨ និងរដ្ឋាភិបាលជាសមាជិកពេញ សិទ្ធិចំនួន៥៤ និងសមាជិកសហការីចំនួន៧ ព្រមទាំងរដ្ឋជាអ្នកសង្កេតការណ៍ ចំនួន២៧ ដោយបានរីករាលដាលពាសពេញទ្វីបចំនួន៥ និងមានអ្នកនិយាយភាសាបារាំង ចំនួន ៣២១ លាននាក់ ហើយកម្ពុជាក៏ជាសមាជិករបស់អង្គការអន្តរជាតិហ្រ្វង់កូហ្វូនី ផងដែរ ក្នុងនាមជាប្រទេសនិយាយភាសាបារាំង។ បេសកកម្មរបស់ Francophonie គឺដើម្បី៖ ១. ផ្សព្វផ្សាយភាសាបារាំង និងវប្បធម៌ និងភាពចម្រុះនៃភាសា ២. លើកកម្ពស់សន្តិភាព លទ្ធិប្រជាធិបតេយ្យ និងសិទ្ធិមនុស្ស ៣. គាំទ្រការអប់រំ ការបណ្តុះបណ្តាល ការអប់រំឧត្តមសិក្សានិងស្រាវជ្រាវ ៤. អភិវឌ្ឍកិច្ចសហប្រតិបត្តិការក្នុងការបម្រើការអភិវឌ្ឍប្រកបដោយចីរភាព និង សាមគ្គីភាព៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ