Connect with us

ព័ត៌មានជាតិ

សម្តេចកិត្តិព្រឹទ្ធបណ្ឌិត ស្នើក្រសួងសុខាភិបាលដាក់គ្រូពេទ្យជំនាញបន្ថែមតាមមណ្ឌលសុខភាព

បានផុស

នៅ


សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានស្នើក្រសួងសុខាភិបាលដាក់គ្រូពេទ្យជំនាញបន្ថែមនៅតាមមណ្ឌលសុខភាពដើម្បីជួយពិនិត្យព្យាបាលជំងឺជូនប្រជាពលរដ្ឋប្រកបដោយប្រសិទ្ធភាព និងគុណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីជួបសំណេះសំណាល និងផ្តល់អំណោយមនុស្សធម៌ដល់កម្មករ-កម្មការិនីអនាម័យ និងបរិស្ថានចំនួនសរុប២៣៥៥នាក់ នៅទីស្នាក់ការកណ្តាលកាកបាទក្រហមកម្ពុជា កាលពីថ្ងៃថ្ងៃទី៣១ឧសភា ឆ្នាំ២០២៤ សម្តេចកិត្តិព្រឹទ្ធបណ្ឌិត បានមានប្រសាសន៍ថា «សំណូមពរពេទ្យទូទាំងប្រទេសពិសេសពេទ្យមូលដ្ឋានទទួលស្គាល់ថាពេទ្យកើតច្រើន សួរថាពេទ្យនីមួយៗមានពេទ្យជំនាញច្បាស់លាស់នៅឡើយទេ។ ស្នើឱ្យក្រសួងពិនិត្យតាមមណ្ឌលសុខភាពដើម្បីដាក់គ្រូពេទ្យជំនាញដើម្បីពិនិត្យព្យាបាលជំងឺជូនប្រជាពលរដ្ឋ។ បើកាលណាពេទ្យមិនមានជំនាញវានឹងធ្វើឱ្យប៉ះពាល់ដល់អ្នកជំងឺ ហើយបើទោះបីជាគ្រូពេទ្យច្រើនលើសលុបបានខិតខំព្យាបាលអ្នកជំងឺរាប់ម៉ឺននាក់បើមានពេទ្យម្នាក់មានបញ្ហាក៏ធ្វើឱ្យប៉ះពាល់ពេទ្យផ្សេងៗទៀតដែរ»។

ជាមួយគ្នានេះដែរ សម្តេចកិត្តិព្រឹទ្ធបណ្ឌិតក៏បានស្នើដល់ក្រសួងសុខាភិបាលជួយពិនិត្យមើលគ្រូពេទ្យមួយចំនួនតូចមិនមានក្រមសីលធម៌កាយវិកា និងនិយាយមិនសមរម្យដាក់អ្នកជំងឺហើយមានពេទ្យខ្លះសួរនាំរឿងលុយកាក់ជាមុនសិនទើបព្យាបាលតាមក្រោយដែលទង្វើនេះមានការប៉ះពាល់យ៉ាងខ្លាំងដល់អ្នកជំងឺដែលខំមករកពេទ្យជួយបែជាពេទ្យមានសំដីមិនសមរម្យធ្វើឱ្យជំងឺកាន់តែធ្ងន់ថែមទៀត។

យ៉ាងណាក៏ដោយសម្តេចកិត្តិព្រឹទ្ធបណ្ឌិតទទួលស្គាល់ថា បច្ចុប្បន្ននេះពេទ្យភាគច្រើនលើសលប់បានបំពេញតួតួនាទីបានល្អ និងបានគោរពក្រមសីលធម៌វិជ្ជាជីវៈជាគ្រូពេទ្យក្នុងការជួយសង្គ្រោះអាយុជីវិតអ្នកជំងឺ។ ទន្ទឹមនឹងនេះសម្តេចកិត្តិព្រឹទ្ធបណ្ឌិត បានណែនាំដល់ស្ត្រីមានផ្ទៃពោះទោះបីជាមានកិ្ចចការងាររវល់យ៉ាងម៉ិចក៏ដោយត្រូវទៅពិនិត្យផ្ទៃពោះឱ្យបានទៀងទាត់កុំខ្ជិលជូនកាលកូនទី១ទី២មិនមានបញ្ហា តែកូនទី៣មានបញ្ហាដោយសារមិនបានទៅពិនិត្យពោះទៀងទាត់នាំឱ្យមានបញ្ហាពេលសម្រាល ឬគ្រោះថ្នាក់ដល់ជីវិតម្តាយ។

សម្តេចកិត្តិព្រឹទ្ធបណ្ឌិតបានបញ្ជាក់ថា «ស្ត្រីត្រូវគិតពីអាយុជីវិតខ្លួនឯងគ្មាននរណាមកគិតជំនួសយើងទេ គឺមានតែខ្លួនយើងនឹងហើយដែលអាណិតអាសូរខ្លួនយើង។ បញ្ហាសុខភាពរបស់យើងកុំទៅសម្រាលឆ្មបបុរាណត្រូវសម្រាលនៅមន្ទីរពេទ្យ ឬមណ្ឌើសុខភាពដែលមានជំនាញច្បាស់លាស់និងមានឧបករណ៍គ្រប់គ្រាន់»៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ខេត្តបន្ទាយមានជ័យធ្វើយុទ្ធនាការផ្សព្វផ្សាយអប់រំច្បាប់ចរាចរណ៍ និងចែកមួកសុវត្ថិភាព

ព័ត៌មានអន្ដរជាតិ១៤ នាទី មុន

ប្រមុខ UN ព្រមានពីការប្រយុទ្ធគ្នាកាន់តែខ្លាំង រវាងអ៊ីស្រាអែលនិង ក្រុមហេសបូឡា

ព័ត៌មានជាតិ៤៩ នាទី មុន

បើកទំព័រប្រវត្តិសាស្ត្រថ្មី! កម្ពុជា-រុស្ស៊ី ចុះអនុស្សរណៈនៃការយោគយល់ ពង្រឹងកងទ័ពជើងគោកទ្វេភាគី

សន្តិសុខសង្គម២ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ២ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ២២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៥ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២០ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានជាតិ២០ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

Sokha Hotels

ព័ត៌មានពេញនិយម