ព័ត៌មានជាតិ
មន្ត្រីជាន់ខ្ពស់ ណែនាំក្រុមការងារប្រតិបត្តិការផ្ដល់ព័ត៌មានក្រសួងការងារ ត្រូវផ្តល់ព័ត៌មានជូនពលរដ្ឋឱ្យរហ័សច្បាស់លាស់
មន្ត្រីជាន់ខ្ពស់ នៃក្រសួងការងារ និង បណ្ដុះបណ្ដាលវិជ្ជាជីវៈ បានណែនាំដល់ក្រុមការងារប្រតិបត្តិការផ្ដល់ព័ត៌មាន ក្រសួងការងារ និងបណ្ដុះបណ្ដាលវិជ្ជាជីវៈ ត្រូវផ្ដល់ព័ត៌មានជូនសមាជិក និង សាធារណជន ឱ្យបានលឿន ឆាប់រហ័ស ទាន់ចិត្ត និង ច្បាស់លាស់ ដើម្បីជាប្រយោជន៍ប្រជាពលរដ្ឋ ក៏ដូចជាប្រយោជន៍របស់ស្ថាប័ន និង ប្រទេសជាតិទាំងមូល។
នៅក្នុងកិច្ចប្រជុំបូកសរុបលទ្ធផលការងារសម្រេចបានប្រចាំខែឧសភា និងលើកទិសដៅការងារអនុវត្តបន្តសម្រាប់ខែមិថុនា កាលពីរសៀលថ្ងៃទី ០៤ មិថុនា នៅអគារការិយាល័យកណ្តាល ប.ស.ស លោក កត្តា អ៊ន រដ្ឋលេខាធិការ នៃក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមការងារឆ្លើយតប និងផ្ដល់ព័ត៌មានពាក់ព័ន្ធនឹងសេវាសាធារណៈរបស់ក្រសួងការងារ និងបណ្ដុះបណ្ដាលវិជ្ជាជីវៈ បានកោតសរសើរចំពោះក្រុមការងារប្រតិបត្តិការផ្ដល់ព័ត៌មាន ប្រព័ន្ធ Call Center ១២៨៦ និង ១២៩៧ ដែលបានខិតខំបំពេញការងារយ៉ាងរលូន និងមានភាពល្អប្រសើរ ហើយការបំពេញការងារប្រកបដោយប្រសិទ្ធភាពនេះ បានធ្វើឱ្យមានការកោតសរសើរពីស្ថាប័ននានា ក្នុងនោះក្រុមការងារប្រតិបត្តិការផ្ដល់ព័ត៌មានត្រូវត្រៀមខ្លួនក្នុងការទទួលធ្វើទស្សនកិច្ចសិក្សាពីស្ថាប័ននានាផងដែរ។
លោក កត្តា អ៊ន បានផ្ដាំផ្ញើដល់ក្រុមការងារប្រតិបត្តិការផ្ដល់ព័ត៌មាន ត្រូវពង្រឹងស្មារតីប្រកបដោយភាពរីករាយ ទុកភាពសៅហ្មងមួយឡែក ដើម្បីទទួលមតិរិះគន់ ចម្ងល់ និងផ្តល់ព័ត៌មានត្រឡប់ទៅកាន់សមាជិក ក៏ដូចជាសាធារណជនឱ្យបានរហ័ស ច្បាស់លាស់ ដើម្បីជាប្រយោជន៍ប្រជាពលរដ្ឋ ក៏ដូចជាប្រយោជន៍របស់ស្ថាប័ន និងប្រទេសជាតិទាំងមូល។
បើតាមរបាយការណ៍របស់ លោក អ៊ុក សំអូន ប្រធានក្រុមការងារប្រតិបត្តិការផ្ដល់ព័ត៌មាន បានបង្ហាញឱ្យដឹងថា ប្រព័ន្ធ Call Center ១២៨៦ និង១២៩៧ សម្រាប់ខែឧសភានេះ ការហៅចូលមានកើនឡើង បើធៀបនឹងខែមេសាកន្លងទៅ ទន្ទឹមជាមួយនឹងហៅចូលកើនឡើងនេះ ការខកខានការទទួលមានការថយចុះ ដោយសារក្រុមការងារព្យាយាមក្នុងការឆ្លើយតបឱ្យបានឆាប់រហ័ស ច្បាស់លាស់ និងទាន់ពេលវេលា។
លោក កត្តា អ៊ន សូមសំណូមពរដល់សាធារណជន ដែលទំនាក់ទំនងមកកាន់ប្រព័ន្ធ Call Center ១២៨៦ និង១២៩៧ សូមព្យាយាមអត់ធ្មត់ក្នុងការរង់ចាំក្រុមការងារផ្ដល់ព័ត៌មានជូន សូមកុំចាកចេញមុនពេលទទួលបានព័ត៌មានពាក់ព័ន្ធនឹងវិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ព្រោះការហៅមកកាន់លេខទូរស័ព្ទ ១២៩៧ និង ១២៨៦ ពុំមានគិតថ្លៃពីគ្រប់ប្រព័ន្ធទូរស័ព្ទ៕
អត្ថបទ ៖ សំអឿន
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ