ព័ត៌មានជាតិ

ក្រុមការងារប្រតិបត្តិការផ្ដល់ព័ត៌មានក្រសួងការងារ ផ្តល់ព័ត៌មានជូនពលរដ្ឋបានរហ័ស ច្បាស់លាស់ និងពេញចិត្ត

បានផុស

២ years មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

រយៈពេល ៥ ខែ ឆ្នាំ ២០២៤ កន្លងមកនេះ ក្រុមការងារឆ្លើយតប និងផ្តល់ព័ត៌មានពាក់ព័ន្ធនឹងសេវាសាធារណៈ (Call Center) នៃក្រសួងការងារ និងបណ្ដុះបណ្ដាលវិជ្ជាជីវៈ បានឆ្លើយតប និងផ្តល់ព័ត៌មានជូនសាធារណជនចំនួនជិត ១១ ម៉ឺន ៦ ពាន់ដង ដោយ រហ័ស ច្បាស់លាស់ និងពេញចិត្ត តាមរយៈការហៅទូរសព្ទចូល (Hot Line) លេខ ១២៨៦ និង ១២៩៧។ នេះបើតាមការបញ្ជាក់ពី លោក កត្តា អ៊ន រដ្ឋលេខាធិការ និងជាប្រធានក្រុមការងារឆ្លើយតប និងផ្តល់ព័ត៌មានពាក់ព័ន្ធនឹងសេវាសាធារណៈ នៃក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃទី ៥ ខែមិថុនា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កត្តា អ៊ន គូសបញ្ជាក់បន្ថែមថា ជាការកត់សម្គាល់ក្នុងរយៈពេល ៥ ខែ ឆ្នាំ ២០២៤ នេះ ក្រុមការងារឆ្លើយតប និងផ្តល់ព័ត៌មានពាក់ព័ន្ធនឹងសេវាសាធារណៈ បានធ្វើការយ៉ាងសកម្ម និងមានប្រសិទ្ធភាពក្នុងការឆ្លើយតបមតិយោបល់ សំណួរ និងបញ្ហារបស់សាធារណជនបានទាន់ពេលវេលា និងឆាប់រហ័ស។ ទន្ទឹមនឹងការកើនឡើង នៃចំនួនការហៅទូរសព្ទចូលពីសាធារណជន ក្រុមការងារ បានអនុវត្តភារកិច្ចប្រកបដោយក្រមសីលធម៌ វិជ្ជាជីវៈ និងមានកិច្ចសហការយ៉ាងល្អជាមួយអង្គភាពពាក់ព័ន្ធ ដើម្បីឆ្លើយតបបញ្ហា សំណូមពរ និងសំណួររបស់ប្រជាពលរដ្ឋប្រកបដោយប្រសិទ្ធភាព។

លោកលើកឡើងថា ក្រុមការងាររង់ចាំទទួលការហៅទូរសព្ទចូលរបស់សាធារណជន ២៤ ម៉ោង លើ ២៤ ម៉ោង និង ៧ ថ្ងៃ ក្នុងមួយសប្ដាហ៍ តាមរយៈប្រព័ន្ធទូរសព្ទ Hotline ទាំងពីរខ្សែ គឺ ១២៨៦ និង១២៩៧ ដែលរួមមាន លើសេវាបញ្ជិកា និងភាគទានបេឡាជាតិសន្តិសុខសង្គម(ប.ស.ស), សេវាពាក់ព័ន្ធវិស័យការងារ, កម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស (TVET 1.5M), វិវាទការងារ, មុខរបរ និងការងារ (NEA), តាវកាលិក ប.ស.ស, សេវាមូលដ្ឋានសុខាភិបាលដៃគូ ប.ស.ស, ប្រាក់ឧបត្ថម្ភរាជរដ្ឋាភិបាល រួមនឹងសេវាផ្សេងៗ ទៀត របស់ក្រសួង។

ទន្ទឹមនេះ លោក កត្តា អ៊ន ក៏បានអំពាវនាវដល់សាធារណជន ក្នុងករណីមានចម្ងល់ ឬតម្រូវការអ្វីមួយ សូមធ្វើការទាក់ទងមកកាន់ក្រុមការងារ ដែលនេះជាកិច្ចសហការរវាងក្រុមការងារ និងសាធារណជន ក្នុងកិច្ចការបម្រើសេវាសាធារណៈ។

លើសពីនេះទៀត លោក ក៏លើកទឹកចិត្តដល់មន្ត្រី បុគ្គលិក នៃក្រុមការងារ បន្តអនុវត្តតួនាទីភារកិច្ចរបស់ខ្លួន ធ្វើយ៉ាងណាបម្រើសេវាសាធារណៈជូនដល់ប្រជាពលរដ្ឋឱ្យបាន រហ័ស ច្បាស់លាស់ និងពេញចិត្ត៕

Related Topics:លោក កត្តា អ៊ន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា