ព័ត៌មានជាតិ
ស្ពៃជើងទាមានហាងឆេងឡើងវិញ នៅលើទីផ្សារ ធ្វើឲ្យកសិករមានទឹកមុខស្រស់ថ្លា
ស្ពៃជើងទា ដែលប្រជាជនខ្មែរយើងនិយមយកទៅធ្វើជ្រក់ឬស្លម្ជូរនោះ ចាប់ផ្តើមមានហាងឆេង គួរសមវិញហើយ ដែលធ្វើឲ្យម្ចាស់ចំការមួយចំនួននៅស្រុកងកំរៀង ខេត្តបាត់ដំបងរីករាយ ដោយសារអាចផ្តល់ផលចំណេញខ្លះ និង អាចផ្តល់ការងារដល់ពលករដែលទើបត្រឡប់មកពីថៃ។
លោក វ៉ាន់ ដេត ជាម្ចាស់ចំការស្ពៃជើងទាប្រមាណជិត៣០រ៉ៃក្នុងភូមិអំពិល ឃុំអូរដា ស្រុកកំរៀង ខេត្តបា ត់ដំបងបាននិយាយថា បច្ចុប្បន្នគាត់កំពុងមមាញឹកប្រមូលផលស្ពៃជើងទាមួយកន្លែងសិនដែលមានទំហ៊ំ១៤រ៉ៃ ដែលអាចប្រមូលផលបានជាង១០០តោន។
ម្ចាស់ចំការស្ពៃជើងទារូបនេះបន្តថា បញ្ជាក់ថា១សប្តាហ៍មកនេះស្ពៃ ជើងទា បានហក់ឡើង មួយគីឡូ៥០០រៀលវិញហើយ ខណៈកន្លងទៅបានតែ២០០ទៅ៣០០រៀលប៉ុណ្ណោះ។ លោកថាតម្លៃ៥០០រៀលមួយគីឡូ អាចផ្តល់ផលចំណេញបានខ្លះ ក្រៅពីចំណាយ លើកម្មករដែលធ្វើការជា ប្រចាំ ក្នុងចំការរបស់គាត់ ជិត២០នាក់ដែលភាគច្រើនទើបត្រឡប់មកពីថៃ។
អតីតពលករដែលទើបត្រឡប់មកពីប្រទេសថៃ លោក រដ្ឋា បាននិយាយថា ក្រុមខ្លួនមានគ្នា ៨ នាក់ រួមកម្លាំងគ្នាស៊ីឈ្នួលប្រមូលផលស្ពៃជើងទា ក្នុងមួយថ្ងៃបាន៥តោន ដោយក្នុងមួយតោនតម្លៃ ១០ម៉ឺនរៀល ។ ប្អូននិយាយថាក្នុងមួយថ្ងៃពួកគេអាចរកបានម្នាក់៥ម៉ឺនរៀលដែរ បើប្រៀប ធៀបធ្វើការនៅថៃមិនខុសគ្នានោះទេ ។
ក្រុមពលករដែលកំពុងស៊ីឈ្នួលប្រមូលផលស្ពៃជើងទាបាននិយាយថាបើសិនជាមានការងារក្នុងស្រុកធ្វើរាល់ថ្ងៃពួកគាត់មិនត្រឡប់ទៅប្រទេសថៃវិញនោះទេ ដូច្នេះពួកគាត់សំណូមពរ ដល់រាជរដ្ឋាភិបាលជម្រុញ ទីផ្សារបន្លែក្នុងស្រុកអោយថ្លៃគួរសម ដើម្បីអោយម្ចាស់ចំការបន្តដាំកាន់តែច្រើន នឹងផ្តល់ការងារ ច្រើនថែម ទៀតដល់ ពលករដែលទើបត្រឡប់មកពីប្រទេសថៃបានធ្វើការ ដើម្បីចិញ្ចឹមជីវិត៕
អត្ថបទ៖ សោ និយមរដ្ឋ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន