ព័ត៌មានជាតិ

រាជរដ្ឋាភិបាលកំណត់យកថ្ងៃទី០៥ ខែមិថុនា ឆ្នាំក្រោយ ដើម្បីបោះឆ្នោតជ្រើសរើសក្រុមប្រឹក្សា ឃុំ សង្កាត់

បានផុស

៥ years មុន

នៅ

ថ្ងៃពុធ ៣ មីនា ២០២១

ដោយ

so pon

រាជរដ្ឋាភិបាលកម្ពុជា ចុះហត្ថលេខាដោយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានកំណត់យកថ្ងៃទី០៥ ខែមិថុនា ឆ្នាំ២០២២ ជាកាលបរិច្ឆេទនៃការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្ដិទី៥ នេះបើយោងតាមសេចក្តីសម្រេច ដែលទើបទទួលបាន នាល្ងាចថ្ងៃទី០៣ ខែមីនា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេច ស្តីពីការប្រកាសកាលបរិច្ឆេទ នៃការបោះឆ្នោតជ្រើសរើសក្រុមប្រឹក្សា ឃុំ សង្កាត់ អណត្តិទី៥ ប្រការ១បានបញ្ជាក់ថា ត្រូវបានកំណត់យកថ្ងៃទី០៥ ខែមិថុនា ឆ្នាំ២០២២ ជាកាលបរិច្ឆេទនៃការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ ហើយប្រការ៣ បានបញ្ជាក់ថា រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងមុខងារសាធារណៈ រដ្ឋមន្ត្រីគ្រប់ក្រសួង និងប្រធានគ្រប់ស្ថាប័ន ដែលពាក់ព័ន្ធត្រូវទទួលបន្ទុកអនុវត្តសេចក្តីសម្រេចនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខានេះតទៅ។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ ប្រព្រឹត្តទៅនៅថ្ងៃអាទិត្យ ទី៤ ខែមិថុនា ឆ្នាំ២០១៧។ មានប្រជាពលរដ្ឋចំនួន៧០៤០៥៩៤ ដែលស្មើនិង៨៩,៥២ បានទៅបោះឆ្នោត ហើយក្នុងនោះ មានគណបក្សចំនួន១២ បានចូលរួម។

គណបក្សទាំង១២នោះរួមមាន ១- គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធាន ២- អតីតគណបក្សសង្គ្រោះជាតិ របស់លោក កឹម សុខា ៣- គណបក្សសម្ព័ន្ធដើម្បីប្រជាធិបតេយ្យ របស់លោក ខឹម វាសនា ៤- គណបក្សសំបុកឃ្មុំសង្គមប្រជាធិបតេយ្យ របស់លោក ម៉ម សូណង់ដូ ៥- គណបក្សប្រជាធិបតេយ្យមូលដ្ឋាន របស់លោក យ៉េង វីរៈ ៦- គណបក្សសញ្ជាតិកម្ពុជា របស់លោក សេង សុខេង ៧- គណបក្សហ្វ៊ិនស៊ិនប៉ិច របស់សម្តេចក្រុមព្រះ នរោត្តម រណឫទ្ធិ ៨- គណបក្សខ្មែររួបរួមជាតិ របស់លោក ញឹក ប៊ុនឆៃ ៩- គណបក្សអំណាចខ្មែរ របស់លោក សួន សេរីរដ្ឋា ១០- គណបក្សសាធារណរដ្ឋប្រជាធិបតេយ្យកម្ពុជា របស់លោកស្រី សុខ រ័ត្នសុវណ្ណបច្ចៈសីលា ១១- គណបក្សជនជាតិដើមប្រជាធិបតេយ្យកម្ពុជា របស់លោក ប្លាង ស៊ីន ១២- គណបក្សយុវជនកម្ពុជារបស់លោក ពេជ្រ ស្រស់។ តែសម្រាប់អាណត្តិនេះ គេមិនទាន់ដឹងថា មានគណបក្សណាខ្លះអាចចូលប្រគួតបាននោះទេ៕ កោះកែវ

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា