ព័ត៌មានជាតិ
ណែនាំតំបន់ដើរលេង ៨ កន្លែង នៅខេត្តរតនគិរី កម្រឮឈ្មោះ ទេសចរទៅហួសមកហួស
ខេត្តរតនគិរី ត្រូវបានគេចាត់ទុកថា ជាខេត្តមួយដែលមានសក្ដានុពលផ្នែកទេសចរណ៍ សម្បូរដោយរមណីយដ្ឋានទេសចរណ៍ដ៏ទាក់ទាញ ទេសភាពដ៏ខៀវស្រងាត់ និងស្រស់ស្អាត បូករួមទាំងរមណីយដ្ឋានវប្បធម៌ រមណីយដ្ឋានធម្មជាតិ និងរមណីយដ្ឋានកែច្នៃជាច្រើនកន្លែង។
នៅថ្ងៃនេះ «កម្ពុជាថ្មី» នឹងលើកយកនូវទីតាំងទេសចរណ៍ដ៏ទាក់ទាញក្នុងខេត្តរតនគិរីទាំង ០៨ កន្លែងមកបង្ហាញ ដើម្បីឱ្យមហាជន បានស្គាល់កាន់តែច្បាស់ និងងាយស្រួលទៅលេងកម្សាន្ត។
តំបន់សក្ដានុពលទាំង ០៨ កន្លែង នោះរួមមាន៖
១. បឹងយក្សាម៉ាយ ជាបឹងធម្មជាតិ សម្បូរដោយព្រៃឈើ និងសត្វព្រៃជាច្រើនប្រភេទ ដែលគ្រប់គ្រងដោយអាជ្ញាធរស្រុកលំផាត់។ បឹងយក្សាម៉ាយ ស្ថិតនៅក្នុឃុំសេដា ស្រុកលំផាត់ មានចម្ងាយប្រមាណ ៧២ គីឡូម៉ែត្រពីទីប្រជុំជនក្រុងបានលុង។
២. អូរធម្មជាតិ គ្រប់គ្រងដោយអាជ្ញាធរស្រុកបរកែវ ស្ថិតនៅឃុំកិះចុង ស្រុកបរកែវ មានចម្ងាយ ៣២ គីឡូម៉ែត្រ។ នៅអូរធម្មជាតិ នេះដែរ គឺសម្បូរដោយ ទឹកអូរ និងថ្មផ្ទាំងធំៗ។
៣. ទឹកធ្លាក់អូរយ៉ាណាយ ភ្ញៀវទេសចរអាចលេងកម្សាន្តនូវទឹកជ្រោះដ៏ស្រស់ស្អាត ក៏ដូចជាទស្សនាព្រៃឈើ នៅទីនោះ។ ទឹកធ្លាក់អូរយ៉ាណាយ មានទីតាំងស្ថិតនៅក្នុងឃុំម៉ាលិក ស្រុកអណ្ដូងមាស មានចម្ងាយប្រមាណ ៥៩គីឡូម៉ែត្រ និងគ្រប់គ្រងដោយអាជ្ញាធរស្រុកអណ្តូងមាស។
៤. កោះសាំង គ្រប់គ្រងដោយស្រុកអូរយ៉ាដាវ។ កោះសាំង មានទីតាំងស្ថិតនៅឃុំសេសាន ស្រុកអូរយ៉ាដាវ មានចម្ងាយប្រមាណ ៧០គីឡូម៉ែត្រ។ នៅទីនោះ មានទីកន្លែងឱ្យទស្សនា និងលេងកម្សាន្តដូចជា កោះទន្លេ វាលខ្សាច់លាយថ្មអាចម៍ផ្កាយធម្មជាតិ។
៥. កោះគ្រាំ គ្រប់គ្រងដោយស្រុកអូរយ៉ាដាវ ដែលមានទីតាំងស្ថិតនៅឃុំសេសាន ស្រុកអូរយ៉ាដាវ និងមានចម្ងាយប្រមាណ ៧០ គីឡូម៉ែត្រ។ នៅទីនោះមានកន្លងទស្សនាដូចជា កោះ ទន្លេ ព្រៃឈើ សត្វព្រៃ និងទឹកជ្រោះធម្មជាតិ ជាដើម។
៦. កោះកំប្រាច គ្រប់គ្រងដោយស្រុកវើនសៃ ស្ថិតនៅក្នុងឃុំកាចូន ស្រុកវើនសៃ ចម្ងាយប្រមាណជា ៤០ គីឡូម៉ែត្រ ដែលមានទីកន្លែងកន្សាន្តដូចជា កោះទន្លេ វាលខ្សាច់ និងថ្មធំៗជាដើម។
៧. ទំនប់អូរភ្លេង ស្ថិតនៅក្នុងស្រុកកូនមុំ មានចម្ងាយផ្លូវ ៣៤ គីឡូម៉ែត្រ។ ទំបន់អូរភ្លេង ត្រូវបានគ្រប់គ្រងដោយស្រុកកូនមុំ មានកន្លែងលេងកម្សាន្តដូចជា ទំបន់ទឹក និងការកែច្នៃ ផងដែរ។
៨. តំបន់សក្តានុពលអូរឡាឡៃ គ្រប់គ្រងដោយស្រុកវើនសៃ ដែលមានទីតាំងស្ថិតនៅស្រុកវើនសៃ មានចម្ងាយផ្លូវ ៤៥គីឡូម៉ែត្រ។ អូរឡាឡៃ មាន ណាម ង៉ាម ណាម ខ្លាង និងទឹកវឹល ផងដែរ សម្រាប់ទស្សនា និងលេងកម្សាន្ត។
បើតាមប្រធានមន្ទីរទេសចរណ៍ខេត្តរតនគិរី ក្នុងខេត្តរតនគីរីមានរមណីយដ្ឋានទេសចរណ៍សរុប ៣០កន្លែង ក្នុងនោះរមណីយដ្ឋានបែបធម្មជាតិមានចំនួន ២២កន្លែង រមណីយដ្ឋានបែបវប្បធម៌ មានចំនួន ០២កន្លែង និងរមណីយដ្ឋានបែបកែច្នៃមាន ០៦កន្លែង៕
ពលរដ្ឋរងគ្រោះដោយខ្យល់កន្ត្រាក់១០គ្រួសារ ទទួលអំណោយពីកាកបាទក្រហមកម្ពុជាខេត្តបន្ទាយមានជ័យ
លោក សួស យ៉ារ៉ា ៖ ការទូតសន្តិភាពសភាកម្ពុជាមានបទពិសោធន៍កសាងសន្តិភាពជាក់ស្តែង និងផ្អែកលើគោលការណ៍ទាំង៥
កម្ពុជាកំពុងរៀបចំនីតិវិធីពិសេស សម្រាប់ការនាំចេញទំនិញទៅទីផ្សារអាមេរិក
រដ្ឋមន្ត្រីក្រសួងការងារ ចុះហត្ថលេខាលើឯកសារចំនួន៣ ជាមួយថៃ ក្រោមអធិបតីភាព សម្តេចធិបតី ហ៊ុន ម៉ាណែត
ខាត់ សុឃីម កាន់តែទទួលបានប្រជាប្រិយភាព ក្រោយចាប់គូចម្រៀងជាមួយតារាជាច្រើនដួង អបអរបុណ្យធំជាតិ
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់
ត្រាំ បន្ទន់ជំហរដាក់ចិនដោយប្រកាសពីការទម្លាក់ពន្ធ ក្រោយចិនសម្ដែងភាពមិនរុញរា
កុំខកខាន! ភ្នំពេញក៏អាចមើលឃើញ បាតុភូត «មេឃញញឹម» ដ៏កម្រ នៅថ្ងៃ២៥នេះដែរ
-
ចរាចរណ៍១ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម១ សប្តាហ៍ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៦ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៧ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
ព័ត៌មានជាតិ៥ ម៉ោង agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព២ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៧ ម៉ោង agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៦ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា