ព័ត៌មានជាតិ

អាជ្ញាធរនិងគ្រូពេទ្យចុះយកសំណាកពីជាងជួសជុលរថយន្តជាប់ក្រសួងកិច្ចការនារីពាក់ព័ន្ធមានវិជ្ជមានកូវីដ

បានផុស

៤ years មុន

នៅ

ថ្ងៃពុធ ១០ មីនា ២០២១

ដោយ

ភ្នំពេញ ៖ មន្ត្រីសុខាភិបាលបានសហការជាមួយអាជ្ញាធរខណ្ឌមានជ័យរាជធានីភ្នំពេញ បានចុះទៅយកសំណាកពីបុគ្គលិកជាងជួសជុលរថយន្តចំនួន២២នាក់ សង្ស័យមានវិជ្ជមានកូវីដ១៩ ខណៈដែលមានជនជាតិចិនម្នាក់ដែលធ្លាប់រស់នៅយានដ្ឋាននេះហើយបានធ្វើដំណើរទៅកំពង់សោមមានវិជ្ជមានកូវីដ១៩។

យោងតាមប្រសាសន៍លោក អ៊ុ ហឿង ចៅសង្កាត់ស្ទឹងមានជ័យទី៣បានប្រាប់កម្ពុជាថ្មីថា នៅរសៀលថ្ងៃទី១០ខែមីនានេះ ក្រុមគ្រូពេទ្យបានចុះមកយកសំណាកពីបុគ្គលិកនិងជាងជួសជុលរថយន្តនៅយានដ្ឋានមួយកន្លែងជាប់ក្រសួងកិច្ចការនារីផ្លូវទ្រុងមាន់ភូមិដំណាក់ធំ៣សង្កាត់ស្ទឹងមានជ័យ៣ខណ្ឌមានជ័យរាជធានីភ្នំពេញ ចំនួន២២នាក់សង្ស័យពាក់ព័ន្ធអ្នកជំងឺកូវីដ១៩ ខណៈដែលមានជនជាតិចិនម្នាក់ធ្លាប់រស់នៅក្នុងយានដ្ឋានខាងលើមានផ្ទុកជំងឺកូវិដ១៩នៅពេលទៅដល់ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅសង្កាត់បានបញ្ជាក់ថា ក្នុងចំនួនមនុស្សទាំង២២នាក់ខាងលើមានស្រី៩នាក់។ យានដ្ឋាននេះមានយីហោ(មជ្ឈមណ្ឌលថែទាំរថយន្តJK)ដែលមានម្ចាស់ឈ្មោះ ឆុង ចុង ភេទប្រុសអាយុ ៤៥ឆ្នាំមានទីលំនៅស្នាក់នៅបុរីអូគីដេ ផ្លូវ២០០៤ សង្កាត់ទឹកថ្លាខណ្ឌសែនសុខរាជធានីភ្នំពេញ។

ក្នុងនោះអ្នករស់នៅក្នុងយានដ្ឋានខាងលើមិនត្រូវបានអនុញ្ញាតឲ្យចេញពីយានដ្ឋានរង់ចាំលទ្ធផលពិនិត្យសំណាកដែលចេញដោយមន្ទីរពិសោធន៍៕

ដោយ ៖ នរា