ព័ត៌មានជាតិ

ខេត្តបន្ទាយមានជ័យ ប្រជុំវេទិកា កម្មវិធីវិនិយោគ បីឆ្នាំរំកិល

បានផុស

៥ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

លោក អោម ចន្ថា អភិបាលរង ខេត្តបន្ទាយមានជ័យ បានរំពឹងថា វេទិកាពិគ្រោះយោបល់ ស្ដីពីការរៀបចំកសាងកម្មវិធីវិនិយោគ បីឆ្នាំរំកិល ឆ្នាំ២០២១ ដល់ឆ្នាំ ២០២៣ នឹងជាប្រយោជន៍ដល់ការរៀបចំកសាង ប្រកបដោយតម្លាភាព។

ថ្លែងក្នុងពិធីដែលរៀបចំនៅសាលប្រជុំសាលាខេត្តបន្ទាយមានជ័យ នាព្រឹក ថ្ងៃទី៦ ខែវិច្ឆិកា ឆ្នាំ២០២០នេះ លោក អោម ចន្ថា ជាអភិបាលរងខេត្ត បានមានប្រសាសន៍ថា ការរៀបចំវេទិការពិគ្រោះយោបល់ ស្តីពីកម្មវិធីវិនិយោគបីឆ្នាំរំកិល នៅថ្នាក់ខេត្ត គឺចង់បង្ហាញអំពីតម្រូវការអភិវឌ្ឍន៍មូលដ្ឋានទូទាំងខេត្ត និងសម្របសម្រួលការអភិវឌ្ឍជាមួយគម្រោង និងធនធានរបស់ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងអ្នកពាក់ព័ន្ធនានា ដើម្បីឆ្លើយតបនឹងតម្រូវការរបស់ប្រជាពលរដ្ឋក្នុងខេត្ត ប្រកបដោយប្រសិទ្ធិភាពខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានមានប្រសាសន៍ទៀតថា វេទិកាពិគ្រោះយោបល់ ស្តីពីកម្មវិធីវិនិយោគបីឆ្នាំរំកិលខេត្ត រដ្ឋបាលខេត្ត ក្រុង ស្រុក ត្រូវព្យាយាមត្រង់ត្រាប់ស្ដាប់ និងកត់ត្រានូវព័ត៌មានសំខាន់ៗ ពិសេសពាក់ព័ន្ធទៅនឹងឈ្មោះមន្ទីរ អង្គភាព ដៃគូអភិវឌ្ឍន៍ អង្គការ សង្គមស៊ីវិល និងអ្នកពាក់ព័ន្ធនានា ដើម្បីអនុវត្តគម្រោងក្នុងដែនដីរបស់ខ្លួន ប្រព្រឹត្តទៅប្រកបដោយភាពរលូន និងឲ្យមានប្រសិទ្ធិភាពខ្ពស់៕

អត្ថបទ ៖ វ៉ាន់ ណាង