ព័ត៌មានជាតិ
UNICEF៖ កុមារជាង២០០នាក់ក្នុងតំបន់សង្គ្រាម នៅស៊ូដង់ រងគ្រោះដោយសារការលោភ
កុមារក្នុងប្រទេសស៊ូដង់រាប់រយនាក់ត្រូវបានចាប់រំលោភដោយបុរសប្រដាប់អាវុធមកពីទាំងពីរភាគីជម្លោះក្នុងសង្គ្រាម ចាប់តាំងពីដើមឆ្នាំ២០២៤។ នេះជាអំពើហិង្សាផ្លូវភេទកំពុងត្រូវបានប្រើប្រាស់ជាយុទ្ធសាស្ត្រនៃសង្គ្រាម។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី០៤ខែមីនានេះ។
បើយោងតាមកំណត់ត្រាដែលចងក្រងដោយអ្នកផ្តល់ព័ត៌មានអំពើហិង្សាផ្អែកលើយេនឌ័រនៅក្នុងប្រទេសស៊ូដង់ មានកុមារចំនួន២២១នាក់ រួមទាំងក្មេងប្រុសត្រូវបានចាប់រំលោភដោយបុរសប្រដាប់អាវុធដែលជាគូជម្លោះក្នុងសង្គ្រាម។
នៅថ្ងៃអង្គារនេះ ទីភ្នាក់ងារកុមាររបស់អង្គការសហប្រជាជាតិ(UNICEF) ក៏បានរាយការណ៍ពីករណីដែលទាក់ទងនឹងកុមារដែលត្រូវបានគេចាប់រំលោភអំឡុងពេលវាយប្រហារលើទីក្រុងនានាក្នុងប្រទេសស៊ូដង់ ថា មានច្រើនជាង៣០% នៃជនរងគ្រោះនៃការរំលោភកុមារគឺជាក្មេងប្រុស។
ជនរងគ្រោះរួមមានកុមារអាយុក្រោម៥ឆ្នាំ១៦នាក់ និងទារក៤នាក់។ ករណីនេះត្រូវបានរាយការណ៍នៅក្នុងរដ្ឋ Gedaref, Kassala, Gezeira, Khartoum, River Nile និងរដ្ឋភាគខាងលិចដូចជា South Kordofan, North Darfur និង West Darfur ។
អ្នកនាំពាក្យរបស់ UNICEF បានប្រាប់សារព័ត៌មាន The Associated Press ថា ក្នុងចំណោមកុមារចំនួន២២១ នាក់ដែលត្រូវបានរំលោភនោះ មាន៧៣ករណីទាក់ទងនឹងជម្លោះនិង៧១ករណីទៀតមិនត្រូវបានបញ្ចេញអត្តសញ្ញាណនោះទេ។ អ្នកដែលរស់រានមានជីវិតពីការរំលោភជាធម្មតាមានការស្ទាក់ស្ទើរក្នុងការរាយការណ៍ថា ពួកគេទទួលរងអំពើហិង្សាផ្លូវភេទដោយសារតែខ្លាចការមាក់ងាយពីសង្គម និងការភ័យខ្លាចការសងសឹកពីក្រុមប្រដាប់អាវុធ និងការស្ដីបន្ទោសពីក្រុមគ្រួសារ។
នាយកប្រតិបត្តិអង្គការ UNICEF លោកស្រី Catherine Russell បាននិយាយនៅក្នុងរបាយការណ៍ថា អំពើហិង្សាផ្លូវភេទ រួមទាំងការរំលោភសេពសន្ថវៈ កំពុងត្រូវបានប្រើប្រាស់ជាយុទ្ធសាស្ត្រនៃសង្គ្រាម ដោយបំពានលើច្បាប់អន្តរជាតិ និងច្បាប់ការពារកុមារ។
ជាមួយគ្នានេះបណ្តាញ SIHA ដែលជាអង្គការមិនរកប្រាក់ចំណេញដែលចងក្រងឯកសារអំពីអំពើហិង្សាលើស្ត្រី និងកុមារី ក៏បានឲ្យដឹងកាលពីខែមុនដែរថាប្រហែល២៣%នៃអំពើហិង្សាផ្លូវភេទទាក់ទងនឹងជម្លោះចាប់តាំងពីសង្រ្គាមបានចាប់ផ្តើម។
សង្រ្គាមនៅក្នុងប្រទេសស៊ូដង់បានផ្ទុះឡើងក្នុងខែមេសា ឆ្នាំ២០២៣ រវាងយោធា និងកងកម្លាំងគាំទ្ររហ័សដែលជាគូប្រជែងរបស់ខ្លួនប្រយុទ្ធគ្នានៅក្នុងទីក្រុង Khartoum និងនៅជុំវិញប្រទេស។ ចាប់តាំងពីពេលនោះមក មនុស្សយ៉ាងហោចណាស់២ម៉ឺននាក់ត្រូវបានសម្លាប់។
សង្គ្រាមបានបង្ខំមនុស្សជាង១៤លាននាក់បោះបង់ចោលផ្ទះសម្បែង និងរុញច្រានផ្នែកខ្លះនៃប្រទេសឱ្យធ្លាក់ក្នុងភាពអត់ឃ្លាន។ អំពើឃោរឃៅ រួមទាំងអំពើហិង្សាផ្លូវភេទ និងការបង្ខំឱ្យកុមាររៀបការ ត្រូវបានប្រព្រឹត្តដោយភាគីទាំងពីរ៕
អត្ថបទ៖ ប៊ុន សុភាព
នាយករដ្ឋមន្ត្រីថៃអរគុណកម្ពុជាដែលបានរួមប្រយុទ្ធប្រឆាំងអំពើឆបោកតាមអនឡាញ
អ្នកគាំទ្រ Kim Soo Hyum បង្កើតបណ្តាញការពារតារាសំណព្វ ដោយគំរាមប្តឹងតាមផ្លូវច្បាប់
ស្អែកនេះ ក្រុមប្រឹក្សាជាតិភាសាខ្មែរ ធ្វើសិក្ខាសាលាពី បទពិសោធនៃការរៀបចំសុសវែរពិនិត្យអក្ខរាវិរុទ្ធភាសាខ្មែរ
ពលរដ្ឋរស់នៅជាប់របងវត្តទឹកថ្លា ស្នើអាជ្ញាធរ ស្ថាបនាផ្លូវមួយខ្សែប្រវែងជាង១០០ម៉ែត្រ
កុំខកខាន! ភ្នំពេញក៏អាចមើលឃើញ បាតុភូត «មេឃញញឹម» ដ៏កម្រ នៅថ្ងៃ២៥នេះដែរ
លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
ត្រាំ បន្ទន់ជំហរដាក់ចិនដោយប្រកាសពីការទម្លាក់ពន្ធ ក្រោយចិនសម្ដែងភាពមិនរុញរា
ឆ្លងចរន្តអគ្គិសនីឆេះសាលាអន្តរជាតិមួយកន្លែង នៅខណ្ឌជ្រោយចង្វារ
Update៖ ករណីគ្រោះថ្នាក់ចរាចរណ៍លើផ្លូវព្រលានយន្ដហោះសៀមរាបអង្គរ កើតឡើងដោយសារការបើកបរមិនប្រកាន់ស្ដាំ
-
ចរាចរណ៍១ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម១ សប្តាហ៍ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៦ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៦ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព២ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៦ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ៤ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៦ ថ្ងៃ agoសង្ក្រាន្ត៥ថ្ងៃនៅថៃ គ្រោះថ្នាក់ចរាចរណ៍ សម្លាប់មនុស្ស ១៧១នាក់