ព័ត៌មានជាតិ
មន្ត្រីសុខាភិបាលចុះបាញ់ថ្នាំសម្លាប់មេរោគក្នុងផ្សារពង្រក្រោយពីមានអ្នកវិជ្ជមានកូវីដ១៩
ក្រោយពីបិទផ្សារពង្រក្នុងឃុំពង្រស្រុករលាប្អៀរមិនឲ្យអាជីវករលក់ដូរ៣ថ្ងៃកន្លងទៅនេះ ដោយសារតែមានប្ដីប្រពន្ធ២នាក់មានវិជ្ជមានកូវីដ១៩ មកពីរាជធានីភ្នំពេញចូលក្នុងផ្សារមួយនេះ នៅរសៀលថ្ងៃទី២៦ ខែមីនា ឆ្នាំ២០២១ មន្ត្រីមន្ទីរសុខាភិបាលខេត្តកំពង់ឆ្នាំង សហការជាមួយអាជ្ញាធរមូលដ្ឋាន បានចុះធ្វើការបាញ់ថ្នាំសម្លាប់មេរោគនៅក្នុងផ្សារ ដើម្បីធានាសុវត្ថិភាពសម្រាប់អាជីវករពេលបើកការលក់ដូរក្នុងសារនេះឡើងវិញ ។
លោកវេជ្ជបណ្ឌិត គង់ ចាន់ធា ប្រធានការិយាល័យបង្ការ និងគ្រប់គ្រងជំងឺឆ្លងនៃមន្ទីរសុខាភិបាលខេត្តកំពង់ឆ្នាំងបាននិយាយថា ក្រោយពីមាន២នាក់ប្ដីប្រពន្ធមកពីរាជធានីភ្នំពេញ មកខេត្តកំពង់ឆ្នាំងមានការប៉ះពាល់ដោយប្រយោលនិងផ្ទាល់ ជាមួយក្រុមអ្នកលក់ដូរក្នុងផ្សាពង្រ ទើបអាជ្ញាធរខេត្តកំពង់ឆ្នាំងសម្រេចបិទការលក់ដូរផ្សារជាបណ្ដោះអាសន្ន។ ហើយថ្ងៃនេះឯកឧត្តមអភិបាលខេត្ត បានស្នើដល់មន្ត្រីនៃមន្ទីរសុខាភិបាលខេត្តកំពង់ឆ្នាំងចុះបាញ់ថ្នាំសម្លាប់មេរោគជុំវិញបរិវេណផ្សារនេះផងដែរ ដើម្បីផ្ដល់សុវត្ថិភាពដល់អាជីវករយើងក្នុងពេលបើកការលក់ដូរឡើងវិញ។
ដោយឡែកលោក ខែក សុផល មេឃុំពង្រ បានលើកឡើងថា ក្រោយពីមានបាតុភាពនៃជំងឺកូវីដ១៩ ផ្សារពង្រត្រូវបានបិទចាប់ពីថ្ងៃទី២៤ ខែមីនា មកដល់ពេលនេះមានរយៈពេល៣ថ្ងៃហើយ គឺពុំមានអាជីវករចេញចូលនោះទេ លើកលែងតែ អ្នកមានផ្ទះល្វែងនៅក្នុងផ្សារ បានចេញចូលបន្តិចបន្តួចតែប៉ុណ្ណោះ ដែលធ្វើឱ្យក្នុងផ្សារស្ងប់ស្ងាត់និងមានការព័ទ្ធខ្សែផងដែរ ។
អាជ្ញាធរឃុំពង្រក៏សូមថ្លែង អំណរគុណដល់អាជ្ញាធរខេត្តដែលមានចំណាត់ការក្នុងការបិទផ្សារពង្រទាន់ពេលវេលា ដើម្បីទប់ស្កាត់ការរីករាលដាលនៃជំងឺកូវីដ១៩។
ដូច្នេះតាមការចង្អុលបង្ហាញពីឯកឧត្តមអភិបាលខេត្ត មន្ត្រីជំនាញក៏បានចុះមកបាញ់ថ្នាំសម្លាប់មេរោគនៅក្នុងផ្សារពង្រក្នុងការធានាឲ្យមានប្រសិទ្ធភាពក្នុងការសំលាប់មេរោគ នឹងអាចឈានវិលត្រឡប់ទៅរកការលក់ដូរដូច ធម្មតាវិញ ក្នុងពេលឆាប់ៗខាងមុខនេះ ៕
អត្ថបទ ៖ ឈៀងផារិទ្ធ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore