ព័ត៌មានជាតិ

ធនាគារ វឌ្ឍនៈ ឧបត្ថម្ភអាល់កុល និងម៉ាស់ជូនខេត្តត្បូងឃ្មុំ

បានផុស

៥ years មុន

នៅ

ថ្ងៃសៅរ៍ ២៧ មីនា ២០២១

ដោយ

ធនាគារ វឌ្ឍនៈបានឧបត្ថម្ភអាល់កុលចំនួន៦០០លីត្រ និងម៉ាស់ចំនួន៧៥,០០០ម៉ាស់ជូនសាលាខេត្តត្បូងឃ្មុំ នៅព្រឹកថ្ងៃទី២៧ ខែមីនា ឆ្នាំ២០២១ ដើម្បីចូលរួមទប់ស្កាត់ការរីករាលដាលវីរុសកូវីដ១៩ក្នុងខេត្ត។

ឯកឧត្តម ហាក់ សុខមករា អភិបាលរង នៃគណៈអភិបាលខេត្តត្បូងឃ្មុំ បានថ្លែងអំណរគុណ ដល់ធនាគារវឌ្ឍនៈ ដែលបានគិតគូរ និងរួមចំណែកជាមួយរាជរដ្ឋាភិបាល ក្នុងយុទ្ធនាការទប់ស្កាត់ការរីករាលដាលនៃវីរុសនេះ។

ឯកឧត្តម បានមានប្រសាសន៍ថា «ការឧបត្ថម្ភអាល់កុល និងម៉ាស់ទាំងនេះ គឺចំពេលដែលខេត្តកំពុងត្រូវការ ដើម្បីទប់ស្កាត់ការរីករាលដាលក្នុងសហគមន៍ ទាំងនៅក្នុងខេត្ត និងនៅទូទាំងប្រទេសកម្ពុជា។» ក្នុងខេត្តត្បូងឃ្មុំ ក្នុងពេលថ្មីៗនេះ មន្ត្រីប៉ូលិស២រូបបានរកឃើញមានផ្ទុកវីរុសកូវីដ១៩ ហើយការឆ្លងទាំងពីរករណីនេះ គឺសុទ្ធតែពាក់ព័ន្ធទៅនឹងការព្រឹត្តិការណ៍ឆ្លងក្នុងសហគមន៍២០កុម្ភៈ។

គួរបញ្ជាក់ផងដែរថា នេះមិនមែនជាលើកទី១ទេ ដែលធនាគារ វឌ្ឍនៈបានចូលរួមជាមួយរាជរដ្ឋាភិបាលកម្ពុជាក្នុងការទប់ស្កាត់ការរីករាលដាលវីរុសកូវីដ១៩។ កាលពីខែធ្នូ ឆ្នាំ២០២០ ធនាគារ វឌ្ឍនៈបានឧបត្ថម្ភទឹកប្រាក់ចំនួន១លានដុល្លារជូនដល់រាជរដ្ឋាភិបាល ដើម្បីប្រមូលថវិកា ទិញវ៉ាក់សាំងកូវីដ១៩ ចាក់ជូនប្រជាជនកម្ពុជាដោយឥតគិតថ្លៃ។ លើសពីនេះ ធនាគារ វឌ្ឍនៈ ក៏បានប្រមូលថវិកាបរិច្ចាគបន្ថែម ប្រហែល ១៦៧,០០០ដុល្លារ ពីសប្បុរសជននានា និងបានប្រគល់ថវិកានេះជូនរាជរដ្ឋាភិបាលកម្ពុជាផងដែរ៕