Connect with us

ព័ត៌មានជាតិ

ត្រឹម១៦ថ្ងៃកម្ពុជាមានអ្នកស្លាប់ក្នុង “ព្រឹិត្តិការណ៍សហគមន៍២០កុម្ភៈ” ៩នាក់

បានផុស

នៅ

ចាប់ពីថ្ងៃទី១១ រហូតមកដល់រសៀលថ្ងៃទី២៧ ខែមីនា ឆ្នាំ២០២១នេះ ប្រទេសកម្ពុជាមានអ្នកបាត់បង់ជីវិតដោយសារជំងឺកូវីដ-១៩ ចំនួន៩នាក់ហើយក្នុង “ព្រឹត្តិការណ៍សហគមន៍២០កម្ភៈ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងសុខាភិបាលបានឱ្យដឹងថា អ្នកស្លាប់ទី១ជា បុរសជនជាតិខ្មែរ អាយុ៥០ឆ្នាំ បានស្លាប់នៅមន្ទីរមិត្តភាពខ្មែរ-សូវៀត កាលពីថ្ងៃទី១១ ខែមីនា ឆ្នាំ២០២១។ ទី២ ស្រ្តីជនជាតិខ្មែរ ឈ្មោះ ងឿន សុថានី អាយុ៦២ឆ្នាំ បានស្លាប់នៅមន្ទីរពេទ្យមិត្តភាពខ្មែរ-សូវៀត នៅថ្ងៃទី១៩ ខែមីនា ឆ្នាំ២០២១ (ភរិយា លោក ហួរ ឡាវី)។ ទី៣ បុរសជនជាតិខ្មែរ ឈ្មោះ គឹម ឃីស៊ុន អាយុ៤៦ឆ្នាំ បានស្លាប់នៅមន្ទីរពេទ្យមិត្តភាពខ្មែរ-សូវៀត នៅថ្ងៃទី១៩ ខែមីនា ឆ្នាំ២០២១។

ទី៤ បុរសជនជាតិខ្មែរ អាយុ៧៥ឆ្នាំ ឈ្មោះ ស្តើង ជា បានស្លាប់នៅមន្ទីរពេទ្យមិត្តភាពខ្មែរ-សូវៀត ថ្ងៃទី២១ ខែមីនា ឆ្នាំ២០២១។ ទី៥ ស្រ្តីជនជាតិខ្មែរ ឈ្មោះ អ៊ិន ម៉ានីតា ភេទស្រី អាយុ៦២ឆ្នាំ (ជាម្តាយតារាកំប្លែងស្រីពីន) រស់នៅក្រោយផ្សារសឡា ខណ្ឌមានជ័យ រាជធានីភ្នំពេញ។ ទី៦ បុរសជនជាតិខ្មែរ ឈ្មោះ ឈាន ប៊ុនធឿន អាយុ៣៨ឆ្នាំ ស្នាក់នៅភូមិកណ្តាល ឃុំមានជ័យ ស្រុកឧដុង្គ ខេត្តកំពង់ស្ពឺ។

ទី៧ បុរសជានជាតិចិន Wu Jiannan អាយុ៤៣ឆ្នាំ ជាបុគ្គលិកកាស៊ីណូ នៅស្រុកកោះធំ ខេត្តកណ្តាល។ ទី៨ ឈ្មោះ ថន ចាន់ធឿន អាយុ៥៥ឆ្នាំ មន្រ្តីនគរបាលចរាចរណ៍ ស្រុកកំណើត នៅស្រុកខ្សាច់កណ្តាល ខេត្តកណ្តាលបានស្លាប់កាលពីរសៀលថ្ងៃទី២៦ ខែមីនា ឆ្នាំ២០២១ និងទី៩ ជាស្ត្រីមានឈ្មោះ ហូ ហួយ(Hou Houy) អាយុ៧២ ឆ្នាំ រស់នៅខណ្ឌឬស្សីកែវ បានស្លាប់នៅថ្ងៃទី២៧ ខែមីនា ឆ្នាំ២០២១ វេលាម៉ោង១ និង៤៤នាទីរសៀលនេះ។

ចំណែកស្ត្រីជនជាតិខ្មែរ ឈ្មោះ ប៉ែន ស៊ីណុន អាយុ៤៣ឆ្នាំ នៅខេត្តព្រះសីហនុដែលថាស្លាប់ដោយសារកូវីដ-១៩នោះ ក្រសួងសុខាភិបាលបានប្រកាសហើយថា ស្លាប់ដោយសារមូលហេតុបាត់បង់ឈាមច្រើនយ៉ាងគំហុក មិនមែនដោយសារកូវីដ-១៩ ទេ បើទោះបីជាអ្នកជំងឺមានតេស្តវិជ្ជមានក៏ដោយ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម