ព័ត៌មានជាតិ

រថយន្តយីឌុបដឹកផ្លែឈើ បើកលឿនជ្រុលបុករថយន្តកុងតឺន័រពីចំហៀង និងជ្រុលបុករបងសាលារងការខូចខាត

បានផុស

៥ years មុន

នៅ

ថ្ងៃពុធ ៧ មេសា ២០២១

ដោយ

រថយន្តដឹកផ្លែឈើមួយគ្រឿងបើកបរក្នុងល្បឿនលឿន ខណៈមកដល់ផ្លូវបំបែកជាបួនមិនបន្ថយល្បឿនក៏ជ្រុលបុករថយន្តកុងតឺន័រពីចំហៀងរួចបន្តទៅបុករបងសាលារៀងមួយកន្លែងទៀត បណ្តាលឲ្យរងការខូចខាតនិងរបួសស្រាលម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ នេះបានកើតឡើងកាលពីវេលាម៉ោង២និង១០នាទីរំលងអាធ្រាត្រ ឈានចូលថ្ងៃទី៧ ខែមេសា ឆ្នាំ២០២១ នៅចំណុចស្តុបរតនាស្រីម៉ៅ តាមបណ្តោយផ្លូវលេខ២៨៩ កែងផ្លូវ៥១៦ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីម្ចាស់រថយន្តយីឌុបបានឲ្យដឹងថា មុនពេលកើតហេតុរូបគាត់បានបើករថយន្តម៉ាកយីឌុបពណ៌ស ពាក់ស្លាកលេខបាត់ដំបង 3A 2786 ធ្វើដំណើរតាមបណ្តោយផ្លូវលេខ

២៨៩ ក្នុងទិសដៅពីត្បូងទៅជើង ដែលទើបនិងចេញពីផ្សារនាគមាសបំណងដឹកផ្លែឈើទៅខេត្តបាត់ដំបង ដោយក្នុងនោះមានមនុស្សរួមដំណើរសរុប៧នាក់ ខណៈមកដល់ចំណុចកើតហេតុដែលជាកន្លែងផ្លូវបំបែកជាបួន ភ្លាមនោះក៏មានរថយន្តកុងតឺន័រមួយគ្រឿងមិនចាំស្លាកលេខធ្វើដំណើរតាមបណ្តោយផ្លូវលេខ៥១៦ ក្នុងទិសដៅពីលិចទៅកើតកាត់ពីមុខរថយន្តគាត់ដោយចាប់ហ្វ្រ័ងមិនទាន់ក៏ជ្រុលបុកចំហៀងនៃរថយន្តកុងតឺន័រពេញទំហឹង ហើយបានរេចង្កូតមកខាងស្តាំដៃបន្តបុករបងសាលារៀនមួយកន្លែងទៀតរងការខូចខាតយ៉ាងដំណំ។

ក្រោយពេលកើតហេតុរថយន្តកុងតឺន័របានបន្តដំណើរទៅមុខបាត់ទៅ បន្សល់ទុករថយន្តយីឌុបនៅកន្លែងកើតហេតុត្រូវបានសមត្ថកិច្ចមូលដ្ឋានចុះទៅដល់ចំណុចកើតហេតុនិងទំនាក់ទំនងទៅជំនាញមកធ្វើការវាស់វែងយករថយន្តខាងលើរង់ចាំដោះស្រាយពេលក្រោយ៕

អត្ថបទ៖ សុខា

សូមចុចអាន៖ ភស្តុតាងពីវិដេអូ មុនបាញ់ស្លាប់ជនរងគ្រោះ កាន់កាំបិតដើរទៅវាយប្រហារសន្តិសុខ ABA

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា