ព័ត៌មានជាតិ

មន្ត្រីជាន់ខ្ពស់ក្រសួងអប់រំថាកាសែត២របស់សៀមកំពុងប្រើយុទ្ធសាស្ត្រវាយប្រហារដើម្បីប្រមូលព័ត៌មាន

បានផុស

១០ ខែ មុន

នៅ

ថ្ងៃអង្គារ ២៦ សីហា ២០២៥

ដោយ

អនុរដ្ឋលេខាធិការក្រសួងអប់រំលោក សោម រតនា បានលើកឡើងថាថៃកំពុងប្រើយុទ្ធសាស្ត្រប្រមូលព័ត៌មានដោយការវាយប្រហារ ហើយលោកបានកត់សម្គាល់កាសែតចំនួន២របស់ថៃគឺ Khoasod និង The Nation។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សោម រតនា បានសរសេរនៅលើហ្វេសបុករបស់លោកនៅព្រឹកថ្ងៃទី២៦ ខែសីហា ឆ្នាំ២០២៥នេះ បានអំពាវនាវដល់ពលរដ្ឋមានការប្រុងប្រយ័ត្នក្នុងការឆ្លើយតបលើព័ត៌មានដែលសរសេរមួលបង្កាច់លើកម្ពុជាដោយការសែតទាំងពីរខាងលើ។ លោកថាវិធីសាស្ត្រនៃការមូលបង្កាច់ និងវាយប្រហារដោយកាសែតទាំងនេះគឺដើម្បីរកចំណុចប្រតិកម្មរបស់ពលរដ្ឋឱ្យនិយាយផ្ដេសផ្ដាស តាមការមួលបង្កាច់នោះ។

លោកសរសេរថា៖ «ហេតុអីបានជាកាសែតទាំងពីរនេះ យើងអាចមើលឃើញយ៉ាងងាយស្រួល ខណៈដែលកាសែតវិជ្ជាជីវៈរបស់សៀមផ្សេងទៀត ត្រូវបានគេបំបិទ ដើម្បីយកទៅលួង និងបញ្ចុះបញ្ចូលបរទេស? ក្នុងន័យនេះ សូមបងប្អូន មានការប្រុងប្រយ័ត្ន នូវរាល់ចម្លើយតបរបស់យើងទៅកាសែតនោះ។ គិតហើយ ត្រូវគិតទៀតមុនពេលចុច»។

ការវាយប្រហារនិងប្រមូលព័ត៌មាន “Attack and Collect”ក្នុងសង្គ្រាមព័ត៌មាន គឺជាយុទ្ធសាស្ត្រមួយក្នុងការបង្កើតព័ត៌មានមិនពិត លាបព័ណ៌ប្រឆាំងគូប្រជែង ដូចជាការលាតត្រដាងរឿងអាស្រូវ ពង្រីករឿងអវិជ្ជមានដើម្បីបំផ្លាញភាពជឿជាក់របស់ភាគីម្ខាងទៀត។

ក្រោយការវាយប្រហារដោយព័ត៌មានមិនពិតនេះ គេនឹងចាំប្រមូលយកប្រតិកម្មរបស់សាធារណជនដើម្បីវាស់វែង និងប្រមូលភស្ភុតាង ឬការភ្លាត់ស្នៀតដើម្បីបង្កើតរឿងបន្ថែមទៀត ថែមទាំងអាចទទួលបានការគាំទ្រ ការអាណិតអាសូរពីអន្តរជាតិចំពោះភាគីដែលបង្កើតរឿងមួលបង្កាច់បានថែមទៀត៕

អត្ថបទដោយ ហ៊ុន សិរីវឌ្ឍន៍

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា