Connect with us

នយោបាយ

សម្ដេច ស ខេង លើកឡើងពីតួអង្គចំនួន ៤ ដែលមានតួនាទី ជះឥទ្ធិពលដល់សំឡេងឆ្នោត

បានផុស

នៅ

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សប្រជាជនកម្ពុជា បានលើកឡើងថា តួអង្គចំនួន ៤ ដែលមានតួនាទី ជះឥទ្ធិពលដល់សំឡេងឆ្នោត។ ការលើកឡើង របស់សម្ដេច​ក្រ​ឡា​​ហោម ស ខេង បានធ្វើឡើងក្នុងពិធីប្រកាសផ្ទេរភារកិច្ច អភិបាលខេត្តស្ទឹងត្រែងថ្មី នៅព្រឹកថ្ងៃទី៤ ខែតុលានេះ។

ក្នុងឱកាសនោះសម្ដេចក្រឡាហោម ស ខេង បានឲ្យដឹងថា​ តាមកាលបរិច្ឆេទរបស់ គ.ជ.ប គឺការពិនិត្យបញ្ជីឈ្មោះ និងចុះឈ្មោះបោះឆ្នោត នឹងត្រូវចាប់ផ្ដើមក្នុងខែតុលានេះហើយ។ ដូច្នេះសម្ដេច បានស្នើដល់អាជ្ញាធរគ្រប់លំដាប់​ថ្នាក់ ត្រូវចូលរួមសហការជាមួយមន្ត្រីពាក់ព័ន្ធ ដើម្បីឲ្យដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត បាន​ប្រព្រឹត្តទៅដោយរលូន និងទទួលបានជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ សម្ដេចអនុប្រធានគណបក្សប្រជាជនកម្ពុជា បានលើកឡើងដែរថា មានតួអង្គចំនួន ៤ មានតួនាទី ដែលអាចជះឥទ្ធិពលដល់សំឡេងឆ្នោត សម្រាប់ការបោះឆ្នោតនាពេលខាងមុខនេះ។ តួអង្គទាំង ៤នោះ រួម​មាន៖ មេឃុំ-ចៅសង្កាត់, ស្មៀនឃុំ-សង្កាត់, មេប៉ុស្ដិ៍នគរបាល, និងមេភូមិ។ ត្រង់ចំណុចនេះ សម្ដេចក្រឡាហោម ស ខេង បានស្នើដល់ក្រុមការងារគណបក្ស ក្រុមការងាររាជរដ្ឋាភិបាល ក៏ដូច​ជាថ្នាក់ដឹកនាំរាជធានី-ខេត្តគ្រប់​លំ​ដាប់ថ្នាក់ ធ្វើយ៉ាងណាលើកទឹកចិត្តឲ្យតួអង្គទាំង ៤ខាងលើនេះ ធ្វើការឲ្យបាន​​ល្អ​ជា​​មួយប្រជាពលរដ្ឋ។ ​

«ការពិតហើយ​! មូលហេតុ ដែលនាំឲ្យជោគជ័យ ឬមិនជោគជ័យ វាអាចថា​ វាមានកត្តាខាង​លើ​ដែរ មិនមែនអត់ទេ អាហ្នឹងយើងត្រូវខិតខំប្រឹងប្រែង ពីស្រុក ពីខេត្តអី ពីថ្នាក់កណ្ដាលអីខ្លះ ឧទាហរណ៍អញ្ចឹង ក៏ប៉ុន្តែខ្ញុំគិតថា ការ​បោះ​ឆ្នោតឃុំ គឺគាត់មើលហ្នឹងហើយ គាត់មើលមេភូមិ ធ្វើការបម្រើឲ្យគាត់បានល្អទេ គាត់ត្រូវ​ការ​អត្តសញ្ញាណប័ណ្ណ ត្រូវ​ការលិខិតកំណើត ឬមួយសេវាផ្សេងៗ មានការយឺតយ៉ាវទេ ឬមួយក៏ធ្វើឲ្យមានការលំបាក ប៉ុស្ដិ៍នៅក្នុងឃុំហ្នឹង មាន​ចោរលួច ចោរប្លន់ មិនបានគិតគូ មិនបានយកចិត្តទុកដាក់ ឬក៏បញ្ហាផ្សេងៗទៀត គាបសង្កត់ យកលុយ យកកាក់ ពីប្រជាពលរដ្ឋ មេឃុំក៏ដូចគ្នាអញ្ចឹង»។ នេះជាការលើកឡើងបន្ថែម ពីសម្ដេចក្រឡាហោម ស ខេង។

សម្ដេចឧបនាយករដ្ឋមន្ត្រី បានលើកឡើងពីមតិប្រជាពលរដ្ឋថា ពួកគាត់និយាយថា មិនមានការស្អប់ថ្នាក់ដឹក​នាំ​កំពូលៗ នោះទេ តែបើបោះឆ្នោតឲ្យអ្នកនៅថ្នាក់ក្រោមជាប់ នឹងនៅតែបន្តធ្វើបាបពួកគាត់ដដែល។ ដូច្នេះសម្ដេច​ក្រឡាហោម ស្នើឲ្យមានការប្រុងប្រយ័ត្ន ហើយស្នើឲ្យលើកទឹកចិត្តតួអង្គទាំង ៤ខាងលើ ឲ្យមានកម្លាំង មានទឹកចិត្ត ដើម្បីធ្វើល្អជាមួយប្រជាពលរដ្ឋ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា

សន្តិសុខសង្គម៧ ម៉ោង មុន

ស្លាប់​កម្មករ​ម្នាក់ របួសធ្ងន់​ស្រាល​៣​នាក់​ក្នុង​ករណី​បាក់​ជញ្ជាំង​អាង​ស្តុក​ទឹក នៅសង្កាត់​គោក​រកា

ព័ត៌មានជាតិ៧ ម៉ោង មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ៧ ម៉ោង មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម