Connect with us

នយោបាយ

កូនស្រីលោកកឹម សុខា និងអតីតសមាជិកបក្សប្រឆាំង បរិហារលោកសម រង្ស៊ី ថា ដើរតែបោកប្រាស់ពលរដ្ឋខ្មែរ

បានផុស

នៅ

កូនស្រី លោកកឹម សុខា គឺកញ្ញា កឹម មនោវិទ្យា និងលោក យឹម ស៊ីណន អតីតប្រធានចលនាយុវជនអតីតគណបក្សសង្រ្គោះជាតិប្រចាំនៅប្រទេសកូរ៉េខាងត្បូង បានប្រើប្រាស់បណ្តាញសង្គមហ្វេសប៊ុកបរិហារលោកសម រង្ស៊ី និងក្រុមរបស់លោកថា បានដើរបំបែកបំបាក់ និងបោកប្រាស់តែប្រជាពលរដ្ឋខ្មែរ។ នេះ គឺជាការបរិហារថ្មីមួយទៀត បន្ទាប់ពីសម្ព័ន្ធភាពរវាងលោកសម រង្ស៊ី និងលោកកឹម សុខា បានដើរដល់ផ្លូវបំបែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីហ្វេសប៊ុកកាលពីយប់ថ្ងៃចន្ទ កញ្ញា កឹម មនោវិទ្យា បានអះអាងថា លោក សម រង្សី និង លោកអេង ឆៃអ៊ាង ព្រមទាំងក្រុមរបស់ពួកគេ បាន និងកំពុងបញ្ជាសកម្មជនសម រង្សី បើកការមួលបង្កាច់វាយប្រហាមកលើ លោក កឹម សុខា ជាង៤ឆ្នាំកន្លងមកនេះ ដោយមិនខ្មាស់អៀន។ មិនតែប៉ុណ្ណោះ កញ្ញា កឹម​ មនោវិទ្យា ក៏បានអះអាងទៀតថា លោកសម រង្ស៊ី លោកអេង ឆៃអ៊ាង និងក្រុម បានបញ្ជាឱ្យសកម្មជនសម រង្សី ត្រឡប់ទៅគណបក្សភ្លើងទៀនវិញ ដែលជាការបំបែកអតីតគណបក្សសង្គ្រោះជាតិ។ ជាមួយគ្នានេះ កូនស្រី លោកកឹម សុខា ក៏បានថាចំៗថា ប្រហែលជាលោក សម រង្សី និងលោក អេង ឆៃអ៊ាង នៅតែបន្តបោកប្រាស់ពលរដ្ឋខ្មែរ ដោយមើលងាយថា ពួកគាត់ តាមមិនទាន់នយោបាយស្មោគរោគនេះ។

បន្តពីកញ្ញា កឹម មនោវិទ្យា ពោល គឺនៅព្រឹកថ្ងៃអង្គារនេះ ហើយតាមរយៈគណនីហ្វេសប៊ុកដូចគ្នា លោកយឹម ស៊ីណន ក៏បានបរិហារលោកសម រង្ស៊ី និងលោកអេង ឆៃអ៊ាង ផងដែរ។ លោក យឹម ស៊ីណន បានលើកឡើ​ងថា ប្រហែលនៅមានអ្នកជឿក្រុមលោក សម រង្ស៊ី ហើយប្រហែលជាក្រុមនេះនៅតែអាចបោកគេបានទៀត​។ បើតាមអតីតសមាជិកបក្សប្រឆាំងរូបនេះ គឺ ៤ឆ្នាំមកនេះ ឃើញតែក្រុមលោក សម រង្ស៊ី ដើរបំបែកបំបាក់កម្លាំងបក្សគ្រប់ទីកន្លែង នៅអាមេរិក បារាំង កាណាដា អូស្ត្រាលី ថៃ និងកូរ៉េខាងត្បូង។ល។ លោក បានសង្កត់ធ្ងន់ថា ការ​ចាញ់របស់លោកសម រង្ស៊ី គឺដោយសារបញ្ញា មិនមែនដោយសារព្រហ្មលិខិតទេ។

ការបរិហាររបស់កញ្ញា កឹម មនោវិទ្យា និងលោកយឹម ស៊ីណននេះ គឺជាការឆ្លើយតបទៅនឹងការលើកឡើងរបស់លោកសម រង្ស៊ី ដែលបានអំពាវនាវឱ្យអ្នកគាំទ្រអតីតគណបក្សប្រឆាំងកុំឱ្យមកឈ្លោះនឹងគ្នាឯង។ លោកសម រង្ស៊ី ក៏ថែមទាំងអះអាងទៀតថា សត្រូវរបស់អ្នកប្រជាធិបតេយ្យខ្មែរ គឺសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាវិញ មិនមែនរូបលោក និងលោក កឹម សុខា នោះឡើយ។ ការលើកឡើងរបស់លោកសម រង្ស៊ី ទាំងនេះ ត្រូវបានលោកអេង ឆៃអ៊ាង យកមកសរសេរបង្ហោះនៅលើទំព័រហ្វេសប៊ុករបស់លោកកាលពីយប់ថ្ងៃទី០៦ ខែធ្នូ ឆ្នាំ២០២១។

ជាការកត់សម្គាល់ ការលើកឡើងរបស់លោកសម រង្ស៊ី នេះ គឺបន្ទាប់ពីអ្នកគាំទ្រនៃម្ខាងៗបាន​វាយប្រហារគ្នាទៅវិញទៅមកឥតឈប់ឈរ ដោយចោទប្រកាន់ និងលាបពណ៌គ្នាជាបន្តបន្ទាប់។ សកម្ម​ភាពទាំងនេះ គឺបន្ទាប់ពីលោកកឹម សុខា បានចេញមកបញ្ជាក់ពីការដើរដល់ទីបញ្ចប់នៃសម្ព័ន្ធភាពរវាងរូបលោក និងលោកសម រង្ស៊ី ក្រោយពីលោកបានឆ្អែតចិត្តនឹងសកម្មភាពរបស់លោកសម រង្ស៊ី និងក្រុមរបស់លោកដែលបានបំពានរូបលោកដោយកោតក្រែងនាពេលកន្លងមក៕

អត្ថបទ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតរដ្ឋមន្ត្រីហិរញ្ញវត្ថុម៉ាឡេស៊ី ត្រូវបានចោទប្រកាន់ពីបទ «មិនគោរពគោលការណ៍ ប្រកាសទ្រព្យសម្បត្តិ»

ព័ត៌មានអន្ដរជាតិ២ ម៉ោង មុន

បេសកជនសិទ្ធិមនុស្សអង្គការសហប្រជាជាតិ បង្ហាញថា ប្រសិនបើគ្មានអ្នកផ្ដល់សព្វាវុធ របបយោធានៅមីយ៉ាន់ម៉ា​នឹងទន់ខ្សោយ

សន្តិសុខសង្គម៣ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ៣ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម៣ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ១ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា១៥ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៥ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម