Connect with us

នយោបាយ

អគ្គលេខាធិការ គ​.​ជ​.​ប ប្រាប់​ពី​មូលហេតុ ដែល​ត្រូវ​រៀបចំ​ការបោះឆ្នោត​ក្រុមប្រឹក្សា ឃុំ សង្កាត់ រយៈពេល​៥​ឆ្នាំ​ម្តង

បានផុស

នៅ

​ថ្លែង​នៅក្នុង​ឱកាស​បើក​វគ្គ​បណ្តុះបណ្តាល​ស្តីពី “​ការបោះឆ្នោត ការរាប់​សន្លឹកឆ្នោត និង​ការប្រកាស​លទ្ធផល នៃ​ការបោះឆ្នោត​” សម្រាប់​ការបោះឆ្នោត​ជ្រើសរើស​ក្រុមប្រឹក្សា ឃុំ សង្កាត់ អាណត្តិ​ទី​៥ ឆ្នាំ​២០២២ នា​ព្រឹក​ថ្ងៃ​ចន្ទ ទី​០២ ខែឧសភា ឆ្នាំ​២០២២ នេះ លោក ទេព នីថា អគ្គលេខាធិការ​គណៈកម្មាធិកា​រ​ជាតិ​រៀបចំ​ការបោះឆ្នោត (​គ​.​ជ​.​ប​) ពន្យល់​ពី​មូលហេតុ​មួយចំនួន ដែល​ត្រូវ​រៀបចំ​ការបោះឆ្នោត​ជ្រើសរើស​ក្រុមប្រឹក្សា ឃុំ សង្កាត់ រយៈពេល​៥ ឆ្នាំ​ម្តង យ៉ាង​ទៀងទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទេព នីថា ថ្លែងថា ចាប់តាំងពី​ឆ្នាំ​២០០២​មក រាជរដ្ឋាភិបាល​កម្ពុជា​បានធ្វើ​កំណែទម្រង់​ការគ្រប់គ្រង​រដ្ឋបាល​នៅ​ថ្នាក់ ឃុំ សង្កាត់ តាមបែប​វិមជ្ឈការ ហើយ​ចាប់ពីពេលនោះ​មក កម្ពុជា​បានរៀបចំ​ការបោះឆ្នោត​ជាស​កល ដើម្បី​ជ្រើសរើស​ក្រុមប្រឹក្សាឃុំ សង្កាត់ យ៉ាង​ទៀងទាត់​រៀងរាល់​៥ ឆ្នាំ​ម្តង បាន​ចំនួន​៤ លើក​រួចមកហើយ​។ បច្ចុប្បន្នកំពុង​រៀបចំ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ដែល​នឹង​ប្រព្រឹត្តទៅ​នៅ​ថ្ងៃអាទិត្យ ទី​៥ ខែមិថុនា ឆ្នាំ​២០២២ ខាងមុខនេះ​។ លោក​ថា ការគ្រប់គ្រង​រដ្ឋបាល​ឃុំ សង្កាត់ តាមបែប​វិមជ្ឈការ​បាន​ផ្តល់ឱ្យ​ប្រជាពលរដ្ឋនៅក្នុង ឃុំ សង្កាត់​នីមួយៗ​មាន​សិទ្ធិ​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់ របស់ខ្លួន និង​បានផ្តល់​សិទ្ធិ និង​ការទទួលខុសត្រូវ​ជូន​ប្រជាពលរដ្ឋ​ក្នុង​ការចូលរួម​យ៉ាងសកម្ម​ក្នុង​ដំណើរការ​អភិវឌ្ឍ​មូលដ្ឋាន ឃុំ សង្កាត់ របស់ខ្លួន​ផងដែរ​។

បើតាម​លោក ទេព នីថា យោង​ច្បាប់​ស្តីពី​ការគ្រប់គ្រង​រដ្ឋបាល ឃុំ សង្កាត់ ឆ្នាំ​២០០១ ឃុំ សង្កាត់ ជា​នីតិបុគ្គល ដោយ​ត្រូវ​គ្រប់គ្រង​តាម​ប្រព័ន្ធ​អភិបាលកិច្ច​មូលដ្ឋាន ហើយ​អំណាច​ដឹក នាំ​គ្រប់គ្រង ឃុំ សង្កាត់ បានមក​ដោយ​ការបោះឆ្នោត​ជាទូទៅ​ជាស​កល ដោយ​សេរី ត្រឹមត្រូវ និង​យុត្តិធម៌ ដោយ​ស្មើភាព ដោយ​ចំពោះ ដោយ​សម្ងាត់ ស្របទៅតាម​នីតិវិធី​ដូច​មានចែង​ក្នុង​ច្បាប់​ស្តីពី​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ ។ លោក​ថា នេះ​ជា​ហេតុផល ដែល​យើង​ត្រូវ​រៀបចំ​ការបោះឆ្នោត​ជ្រើសរើស​ក្រុមប្រឹក្សា ឃុំ សង្កាត់ រៀងរាល់​៥ ឆ្នាំ​ម្តង​។

ទាក់ទង​ដល់​ការបណ្តុះបណ្តាល លោក ទេព នីថា បាន​រំឭក​ដល់​គ្រូឧទ្ទេស​ទាំងអស់​ឲ្យ​យកចិត្តទុកដាក់​ធ្វើ​បទ​បង្ហាញ ពន្យល់ បកស្រាយ​ចំណុច​នីមួយៗ​ឱ្យបាន​ច្បាស់លាស់ ក្បោះក្បាយ និង​តាម វិធីសាស្ត្រ​ងាយៗ ដើម្បីឱ្យ​សិក្ខាកាម​ឆាប់​យល់ និង​ឆាប់​ចាំ​។ ជាមួយគ្នា​នោះ លោក​លើកទឹកចិត្ត​ដល់​សិក្ខាកាម​ទាំងអស់ ចូលរួម​ក្នុង​វគ្គ​បណ្តុះបណ្តាល​នេះ​ឱ្យបាន​ពេញលេញ និង​ត្រូវ​យកចិត្តទុកដាក់​ត្រង់ត្រាប់​ស្តាប់ និង​កត់ត្រា​នូវ​រាល់​ចំណុច​សំខាន់ៗ​មេរៀន​នីមួយៗ ព្រមទាំង​លើក​ជា​សំណួរ​ចំពោះ​ចំណុច​ណា ដែលមាន​ភាពមិនច្បាស់លាស់​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១១ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១៤ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១៤ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១៤ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម