នយោបាយ
មានបណ្តឹងចំនួន១៨ហើយ ភាគច្រើនស្នើសុំឲ្យដាក់ទោសបក្សភ្លើងទៀន ដែលធ្វើសកម្មភាពឃោសនាល្មើសច្បាប់
លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់កម្ពុជាថ្មីនៅល្ងាចថ្ងៃទី២៤ ខែឧសភា នេះថា ក្នុងរយៈពេល ៣ថ្ងៃនៃការឃោសនាបោះឆ្នោតនេះ មានបណ្ដឹងដាក់នៅគណៈកម្មការឃុំ សង្កាត់ រៀបចំការបោះឆ្នោត នៅតាមភូមិសាស្ត្រខេត្តចំនួន៦ ដែលមាន១៨បណ្ដឹង។
បើតាមលោក សោម សូរីដា បណ្តឹងទាំងនោះ មាននៅរាជធានីភ្នំពេញ នៅខេត្តកំពង់ស្ពឺ នៅខេត្តកំពត និងនៅខេត្តប៉ៃលិនជាដើម ហើយនៅក្នុងចំណោមបណ្ដឹងចំនួន១៨នេះ បណ្ដឹងភាគច្រើនពាក់ព័ន្ធ នឹងការស្នើសុំឲ្យដាក់ទោសខាងគណបក្សភ្លើងទៀន ដែលគណបក្សនេះ បានធ្វើសកម្មភាពឃោសនារំលោភលើមាត្រា៧១ នៃច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់។
លោកថា ជាគោលការណ៍គណបក្សនយោបាយ ដែលបានចុះបញ្ជីប្រកួតប្រជែង ត្រូវបានច្បាប់អនុញ្ញាតឲ្យផ្សព្វផ្សាយតែកម្មវិធីនយោបាយ និងគោលនយោបាយរបស់គណបក្សទាក់ទងទៅនឹងការអភិវឌ្ឍន៍ ឃុំ សង្កាត់ តែប៉ុណ្ណោះ ហើយតាមស្មារតីនៃមាត្រា៦៧ គណបក្សនយោបាយ ត្រូវធ្វើការប្រកួតប្រជែងទៅលើកម្មវិធីនយោបាយ និងគោលនយោបាយ ក្នុងការអភិវឌ្ឍន៍ឃុំ សង្កាត់ ប៉ុន្តែក្រុមការងារគណបក្សភ្លើងទៀន នៅពេលធ្វើការហែក្បួនបានផ្សព្វផ្សាយសារនយោបាយ បានប្រើផ្ទុយទៅនឹងមាត្រា៦៧ ដែលនៅក្នុងនោះមានការប្រមាថមើលងាយចោទប្រកាន់ទៅលើដៃគូប្រកួតប្រជែង ដូចជាចោទប្រកាន់ថា មេឃុំប្រព្រឹត្តអំពើពុករលួយ ឬត្រូវយកមេឃុំដែលប្រើបក្សចេញ ដាក់មេឃុំបម្រើរាស្ត្រជាដើម។
លោកអះអាងថា ការលើកឡើងនេះ គឺជាការប្រមាថមាក់ងាយ និងជាការចោទប្រកាន់ទៅលើគណបក្សនយោបាយ ទៅលើបេក្ខជន ទៅលើបុគ្គល ដែលនេះល្មើសនឹងមាត្រា៧១ នៃច្បាប់ស្តីពីការបោះឆ្នោតជ្រើសរើសក្រុមប្រឹក្សា ឃុំ សង្កាត់។
លោកសោម សូរីដា បញ្ជាក់ដែរថា មកដល់ពេលនេះមានបណ្ដឹងចំនួន៣ហើយ ត្រូវបានដោះស្រាយ (នៅខេត្តប៉ៃលិន) ហើយក្នុងនោះ ១បណ្ដឹង គូភាគីបានសះជា ហើយបណ្ដឹង២ទៀតមិនសះជា ដូច្នេះបណ្ដឹងនេះ នឹងត្រូវបន្តមកគណៈកម្មការរៀបចំការបោះឆ្នោតខេត្តប៉ៃលិន។
លោក សោម សូរីដា បានឲ្យដឹងដែរថា យន្តការនៃការដោះស្រាយបណ្ដឹងក្នុងដំណាក់កាលឃោសនាបោះឆ្នោតមាន៣ថ្នាក់ គឺថ្នាក់ដំបូង នៅគណៈកម្មការឃុំ សង្កាត់ រៀបចំការបោះឆ្នោត ហើយដំណាក់កាលនេះ ជាយន្តការសម្របសម្រួល ហើយប្រសិនបើគូរភាគីមិនសះជា ពួកគាត់អាចប្ដឹងបន្តទៅគណៈកម្មការរាជធានី ខេត្ត រៀបចំការបោះឆ្នោត ហើយយន្តការដោះស្រាយនៅគណៈកម្មការរាជធានី ខេត្ត រៀបចំការបោះឆ្នោតមាន២គឺ ផ្សះផ្សារ ហើយក្នុងករណីមិនសះជា គឺត្រូវបើកសវនាការដើម្បីដោះស្រាយបណ្ដឹង ហើយក្នុងករណីដែលគូភាគីណាមួយមិនសុខចិត្តចំពោះដំណោះស្រាយនោះទេ ពួកគាត់អាចប្ដឹងបន្តមកគណៈកម្មាធិការជាតិរៀបចំការបោះឆ្នោត (គ.ជ.ប) ដែលជាយន្តការទី៣ ហើយជាយន្តការដោះស្រាយបណ្ដឹងតវ៉ា និងបិទផ្លូវតវ៉ា។
សូមបញ្ជាក់ថា នៅក្នុងយុទ្ធនាការឃោសនាបោះឆ្នោតនេះ ជាទូទៅគណបក្សនយោបាយដែលបានដាក់បេក្ខជនចូលរួម បានធ្វើការផ្សព្វផ្សាយតែកម្មវិធីនយោបាយ និងគោលនយោបាយរបស់ខ្លួនតែប៉ុណ្ណោះ ប៉ុន្តែក៏មានគណបក្សខ្លះក៏បានឆ្លៀតវាយប្រហារលើគណបក្សផ្សេងៗទៀតខុសពីគោលការណ៍ច្បាប់៕
ដោយ ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ