សន្តិសុខសង្គម
ប្ដីប្រពន្ធពីរនាក់ ឌុបគ្នាបើកម៉ូតូវ៉ាជែងត្រាក់ទ័រមិនផុត ត្រូវរថយន្តធុនធំបើកបុកកិនស្លាប់
បុរសម្នាក់ស្លៀកពាក់អាវទាហានបើកម៉ូតូឌុបប្រពន្ធវ៉ាជែងត្រាក់ទ័រមិនផុត ត្រូវរថយន្តធំបើកល្បឿនលឿនបុកម៉ូតូពីក្រោយខ្ទាតចូលក្រោមរថយន្តស្លាប់ទាំង២នាក់គួរឲ្យរន្ធត់។
ហេតុការណ៍នេះ បានកើតឡើងនៅវេលាម៉ោង ៣ និង១៥ នាទីរសៀលថ្ងៃទី ១៦ ខែវិច្ឆិកា ស្ថិតនៅផ្លូវជាតិ ៥៩ ភូមិអូរសំព័រ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ។
លោកវរសនីយ៍ឯក បេន សំអាត អធិការនគរបាលស្រុកម៉ាឡៃ បានប្រាប់ថា បុរសជនរងគ្រោះ ឈ្មោះ ហ៊ត់ ហាត អាយុ ៥៧ឆ្នាំ រស់នៅភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ជាអ្នកបើកម៉ូតូម៉ាកហុងដាឌ្រីមពណ៌ក្រហម និងប្រពន្ធ មាន ឈ្មោះ ដោក កាន់ អាយុ៥៤ឆ្នាំ។
មុនពេលកើតហេតុ ជនរងគ្រោះបានជិះម៉ូតូឌុបប្រពន្ធ ដល់កន្លែងកើតហេតុស្រាប់តែជិះឡើងវ៉ាជែងត្រាក់ទ័រ ស្របពេលនោះមានរថយន្តធំម៉ាកហ៊ីយ៉ាន់ដាយដឹកទំនិញធុនធំ បើកស្របទិសគ្នា ក្នុងល្បឿនលឿនស្រាប់តែបើកទៅបុក
ម៉ូតូពីក្រោយបណ្តាលឲ្យជនរងគ្រោះ២នាក់ ប្តីប្រពន្ធខ្ទាតចូលក្រោមរថយន្តត្រូវកង់រថយន្តកិន ស្លាប់ទាំង២នាក់នៅនឹងកន្លែងកើតហេតុតែម្តង អ្នកបើករថយន្តធំក្រោយពីបុកគេហើយបានចុះពីរថយន្តរត់គេចខ្លួនបាត់បន្សល់ទុកតែរថយន្តនៅកន្លែងកើតហេតុ។
លោកវរសនីយ៍ឯក បេន សំអាតបានបញ្ជាក់ឲ្យដឹងបន្តថា វត្ថុតាងម៉ូតូនិងរថយន្ត នគរបាលយកមករក្សាទុកនៅអធិការដ្ឋាននគរបាលស្រុកម៉ាឡៃ ដើម្បីស្រាវជ្រាវរកអ្នកបើកមកចាត់ការតាមនិតិវិធី។ ចំណែកសពជនរងគ្រោះទាំង២នាក់ប្តីប្រពន្ធ ប្រគល់ជូនសាច់ញាតិចាត់ចែងធ្វើបុណ្យតាមប្រពៃណី៕
អត្ថបទៈ វ៉ាន់ ណាង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង