Connect with us

សន្តិសុខសង្គម

ប្រដេញកាប់គ្នាតាមដងផ្លូវ គប់កាំបិតធ្លុះកញ្ចក់រថយន្ដអ្នកដំណើរ

បានផុស

នៅ

យុវជនចំនួន៧នាក់ ត្រូវបានកម្លាំងនគរបាល នៃអធិការដ្ឋាននគរបាលស្រុកព្រះនេត្រព្រះ ធ្វើការឃាត់ខ្លួន បន្ទាប់ពីបង្កភាពអនាធិបតេយ្យតាមដងផ្លូវសាធារណៈ និងធ្វើឲ្យខូចខាតទ្រព្យសម្បត្តិប្រជាពលរដ្ឋ ខណៈ​ប្រដេញវាយតប់គ្នាហើយគប់កាំបិតប៉័ងតោត្រូវរថយន្ដអ្នកដំណើរមួយគ្រឿង។

ការឃាត់ខ្លួនយុវជនទាំង៧នាក់នេះ បានធ្វើឡើងកាលពីថ្ងៃទី២២ ខែវិច្ឆិកា ឆ្នាំ២០២១ ក្រោយពីបង្កហេតុ​នៅល្ងាចថ្ងៃទី២១ ខែវិច្ឆិកា ឆ្នាំ២០២១ តាមបណ្ដោយផ្លូវលេខ៥៦អា ភូមិស្រេះលិច ស្រុកព្រះនេត្រព្រះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគណនីហ្វេសប៊ុកឈ្មោះ Tithya Thoeurng បានលើកឡើងថា កាលពី​ម្សិលមិញ​ខ្ញុំ​បាន​បង្ហោះ​ទាក់ទង​ហ្នឹង​ក្រុម​ក្មេង​ទំនើង​មួយក្រុម​ដែល​បាន​គប់​កាំបិត​ចូលមកក្នុង​ឡាន​របស់ខ្ញុំ ហើយ​ពេលនេះ​សមត្ថ​កិច្ច​បានធ្វើការ​ឃាត់ខ្លួន​ជនបង្ក​បាន​ហើយ ខ្ញុំបាទ​និង​ក្រុមគ្រួសារ​សូម​អរគុណ​ចំពោះ​កងកម្លាំង​នគរបាល ស្រុក​ព្រះនេត្រព្រះ​ ដែល​បាន​ព្យាយាម​បំពេញ​នូវ​តួនាទី ប្រឹងប្រែង​ស្វែងរក​ក្រុមក្មេង​ទំនើង ដែល​ដេញ​វាយ​គ្នា គប់​កាំបិតពេញ​ផ្លូវ ដែល​បណ្ដាលអោយ​គ្រោះថ្នាក់​ដល់​ពួក​ខ្ញុំ​ជា​អ្នកដំណើរ តាមផ្លូវ​វាល​ស្រមោច កាត់​ពី​បាត់ដំបង មកកាន់​ខេត្តសៀមរាប​យ៉ាងខ្លាំង​! សូម​អរគុណ សូម​ជូនពរ​ពូៗ​សមត្ថកិច្ចមាន​សុខ​ភាពល្អ សម្រេច​គ្រប់​ភារកិច្ច។

បើតាមសមត្ថកិច្ចស្រុកព្រះនេត្រព្រះ បានបញ្ជាក់ថា ករណីនេះ​មិនមែនជា​ករណី​ប៉ុនប៉ង​គប់​កញ្ចក់​រថយន្ត​ទេ គឺជា​ករណី​ក្មេង​២​ក្រុម​ឈ្លោះ​ដេញ​គប់គ្នា​តាមផ្លូវ​លេខ​៥៦​អា ភូមិ​ស្រេះ​លិច ស្រុក​ព្រះ​នេត្រ​ គាប់​ជួន​ពេលនោះ​មាន​រថយន្ត​ធ្វើដំណើរ​ឆ្លងកាត់ ប​ណ្តាល​ត្រូវបែក​កញ្ចក់​មុខតែ​ម្តង។​

ជនសង្ស័យទាំង៧នាក់ ត្រូវបានឃាត់ខ្លួនសួរនាំ និងកសាងសុំណុំរឿងចាត់ការតាមផ្លូវច្បាប់៕

​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម