Connect with us

សន្តិសុខសង្គម

ធ្វើស្រែរាប់ឆ្នាំ ឆ្នាំនេះភ្ជួរពង្រីកស្រែ កសិករប្រទះឃើញគ្រាប់យុទ្ធភ័ណ្ឌមិនផ្ទុះ ១៨ គ្រាប់

បានផុស

នៅ

កសិកររស់នៅខេត្តបន្ទាយមានជ័យ ខណៈពេលទៅភ្ជួរស្រែ​ បានប្រទះឃើញគ្រាប់យុទ្ធភ័ណ្ឌមិនផ្ទុះចំនួន ១៨ គ្រាប់ ។ គ្រាប់យុទ្ធភ័ណ្ឌដែលបានប្រទះឃើញទាំងនោះរួមមានប្រភេទ DK ៨២ ចំនួន ១៥ គ្រាប់, ប្រភេទមីន ៦៩ ចំនួន ១ គ្រាប់ និងប្រភេទ ៦០ mm ចំនួន ២ គ្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ជា ស្លូញ អធិការនគរបាល ស្រុកស្វាយចេក បានឱ្យដឹងនៅថ្ងៃទី ២៦ ខែ មករានេះថា ប្រជាពលរដ្ឋជាម្ចាស់ស្រែឈ្មោះ ស៊ាំង ចាយ ភេទប្រុស អាយុ ៣៥ ឆ្នាំ រស់នៅភូមិតាដួល ឃុំផ្គាំ ស្រុកស្វាយចេក ខេត្តបន្ទាយមានជ័យ។ កសិកររូបនោះបានភ្ជួរដី ក៏ប្រទះឃើញគ្រាប់ទាំងនោះ ដោយជាសំណាងល្អ ប្រសិនបើភ្ជួរចំគ្រាប់ទាំងនេះអាចបង្កឱ្យផ្ទុះ និងអាចបាត់បង់ជីវិត។ លោកបានឱ្យដឹងថា បន្ទាប់ពីទទួលបានដំណឹងនេះ លោកបានផ្តល់ព័ត៌មានទៅក្រុមអង្គភាពស៊ីម៉ាក ដើម្បីពិនិត្យ និងយកទៅកម្ទេចចោល។

បើតាមការបំភ្លឺពីប្រជាពលរដ្ឋជាម្ចាស់ស្រែបានឱ្យដឹងថា ស្រែដែលបានភ្ជួរស្រែនោះ គាត់ធ្វើជារៀងរាល់ឆ្នាំ ប៉ុន្តែឆ្នាំនេះដោយមានបំណងចង់ពង្រីកដីស្រែ គាត់បានយកត្រាក់ទ័រមកភ្ជួរដីដំបូកក្នុងស្រែដើម្បីពង្រីកដីកាន់តែធំ ក៏ប្រទះឃើញគ្រាប់ទាំងនោះ រួចបានរាយការណ៍ទៅនគរបាលប៉ុស្តិ៍ឃុំផ្គាំ៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម