សន្តិសុខសង្គម
មុខសញ្ញាលួចម៉ូតូរបស់ប្រជាពលរដ្ឋ២នាក់ ត្រូវសមត្ថកិច្ចនគរបាលស្រុកកំរៀងតាមក្របួចជាប់
បាត់ដំបង ៖ ជនសង្ស័យជាមុខសញ្ញា(លួចម៉ូតូ)២នាក់ ត្រូវបានសមត្ថកិច្ចស្រាវជ្រាវនិងក្របួចបានត្រឹមរយៈពេល១ថ្ងៃ ក្រោយពីជនរងគ្រោះបានដាក់ពាក្យបណ្តឹងទៅសមត្ថកិច្ចនគរបាលស្រុកកំរៀងកាលពីថ្ងៃទី២៥ ខែកុម្ភៈ ឆ្នាំ២០២២។
សមត្ថកិច្ចបានឲ្យដឹងថា ករណីខាងលើបានកើតឡើងកាលពីវេលាម៉ោង២៣និង១០នាទីនៅថ្ងៃខែខាងលើនៅតាមចំណុចផ្លូវជាតិលេខ៥៩ក្រុមទី០៦ភូមិដូង ឃុំបឹងរាំង ស្រុកកំរៀង ខេត្តបាត់ដំបងថាមានករណីលួចមានស្ថានទម្ងន់ទោស(លួចម៉ូតូ)មួយបានកើតឡើងដែលករណីនេះប្រព្រឹត្តដោយជនសង្ស័យមិនស្គាល់អត្តសញ្ញាណបានធ្វើសកម្មភាពលួចយកម៉ូតូមួយគ្រឿងម៉ាកហុងដាឌ្រីមសេ125 ពណ៌ខ្មៅ លេខម៉ាស៊ីន6219183 គ្មានស្លាកលេខជារបស់ជនរងគ្រោះឈ្មោះហ៊ី .សុភា ភេទប្រុសអាយុ៤៨ឆ្នាំ រស់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង មានមុខរបរលក់ដូរ។
លោកវរសេនីយ៍ទោ គឹម ចត់ អធិការនគរបាលស្រុកកំរៀងបានឲ្យដឹងដែរថា ក្រោយពីបានទទួលពាក្យបណ្ដឹងពីជនរងគ្រោះលោកបានដឹកនាំកម្លាំងជំនាញធ្វើការស្រាវជ្រាវស៊ើបអង្កេតរហូតឈានដល់កំណត់មុខសញ្ញាជនសង្ស័យទាំង២នាក់បាន។ ហើយនៅថ្ងៃទី២៦ ខែកុម្ភៈ ឆ្នាំ២០២២ វេលាម៉ោង០៨និង១០នាទីព្រឹក ដោយបានការសម្របសម្រួលលើនីតិវិធីពីលោកកែវ .សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះ សមត្ថកិច្ចនគរបាលស្រុកកំរៀងសម្រេចធ្វើការឃាត់ខ្លួនមុខសញ្ញាជាជនសង្ស័យទាំង២នាក់តែម្តង។
ជនសង្ស័យទាំង២នាក់ រួមមាន១,ឈ្មោះណន ចន្ថា ហៅហ៊ុប ភេទប្រុស អាយុ២០ឆ្នាំ រស់នៅភូមិបឹងរាំង ស្រុកកំរៀង ខេត្តបាត់ដំបង។ ២,ឈ្មោះកែ សំរួល ហៅអូន ភេទប្រុស អាយុ៣៥ឆ្នាំ រស់នៅភូមិដូង ឃុំបឹងរាំង ស្រុកកំរៀង ខេត្តបាត់ដំបង(ជាមុខសញ្ញាចាស់ធ្លាប់ជាប់ពន្ធនាគារពីបទលួចមានស្ថានទម្ងន់ទោស)នាពេលកន្លងមកដោយនាំយកមកសាកសួរនៅអធិការដ្ឋាននគរបាលស្រុកកំរៀង។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ពួកគេទាំងពីរនាក់ពិតជាបានធ្វើសកម្មភាពលួចយកម៉ូតូដែលមានភិនភាគដូចខាងលើរបស់ជនរងគ្រោះប្រាកដមែន។ សមត្ថកិច្ចដកហូតម៉ូតូមួយគ្រឿងជារបស់ជនរងគ្រោះនោះមកប្រគល់ជូនម្ចាស់វិញ។ នៅពេលនេះនគរបាលស្រុកបានកសាងសំណុំរឿង ដើម្បីបញ្ជូនមកការិយាល័យជំនាញនៃស្នងការខេត្តដើម្បីចាត់ការបន្តតាមនីតិវិធី៕
ដោយ ៖ សៅ សារិទ្ធ
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ