សន្តិសុខសង្គម

ក្រុមគ្រួសារប្តឹងជនបែកថ្នាំ ដែលប៉ុនប៉ងវាយសម្លាប់ឪពុកម្តាយ

បានផុស

៤ years មុន

នៅ

ថ្ងៃសៅរ៍ ២៦ មីនា ២០២២

ដោយ

ភ្នំពេញ ៖ យុវជនបែកថ្នាំម្នាក់ត្រូវបានក្រុមគ្រួសារទូរសព្ទប្តឹងទៅឲ្យសមត្ថកិច្ចកងរាជអាវុធហត្ថខណ្ឌមានជ័យចាប់ខ្លួន ក្នុងពេលដែលជនបែកថ្នាំរូបនេះ ប៉ុនប៉ងវាយសម្លាប់ឪពុកម្តាយហើយថែមទាំងវាយបំផ្លិចបំផ្លាញទ្រព្យសម្បតិក្នុងផ្ទះទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងនៅវេលាម៉ោង១៣រសៀលថ្ងៃទី២៦ ខែមីនា នៅផ្ទះគ្មានលេខភូមិឫស្សីសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។

ជនបែកថ្នាំដែលក្រុមគ្រួសារបានប្តឹងឲ្យចាប់ខ្លួននេះមានឈ្មោះ បូផល ពុទ្ធិចេស្ដា ភេទប្រុស អាយុ១៧ឆ្នាំស្នាក់នៅចំណុចកើតហេតុ។ ដោយឡែកក្រុមគ្រួសារដែលប្តឹងទៅសមត្ថកិច្ចឲ្យធ្វើការចាប់ខ្លួននេះត្រូវជាបងបង្កើតជនបែកថ្នាំឈ្មោះហួន ចិឌន ភេទប្រុស អាយុ៤៣ឆ្នាំ។

យោងតាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានឲ្យដឹងថា ជនបែកថ្នាំខាងលើតែងតែបង្កហិង្សាវាយធ្វើបាបឪពុកម្តាយនិងបំផ្លិចបំផ្លាញទ្រព្យសម្បតិ្តអ្នកជិតខាងជាញឹកញាប់ពេក ទើបក្រុមគ្រួសារសម្រេចប្តឹងទៅមូលដ្ឋានអាវុធហត្ថខណ្ឌមានជ័យឲ្យចុះមកចាប់ខ្លួននេះ។