Connect with us

សន្តិសុខសង្គម

ផ្គររន្ទះ បាញ់សម្លាប់មនុស្ស២នាក់កាលពីម្សិលមិញ

បានផុស

នៅ

បុរស និងស្ត្រី២នាក់ត្រូវរន្ទះបាញ់ស្លាប់នៅកន្លែងកើតហេតុ ខណៈចូលជ្រកក្រោមដើមឈើពេលមេឃកំពុងភ្លៀង ។

ហេតុការណ៍នេះបានកើតឡើងនៅវេលាម៉ោង៥និង៤៥នាទី ថ្ងៃទី១០ ខែឧសភា ឆ្នាំ២០២២ ស្ថិតក្នុងភូមិទួលទទឹង ឃុំតាលោ ស្រុកតាលោសែនជ័យ ខេត្តពោធិសាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកវរសេនីយ៍ឯក ហ៊ុល ហៃ អធិការនៃអធិការដ្ឋាននគរបាលស្រុកតាលោសែនជ័យ បានប្រាប់ឲ្យដឹងថា ជនរងគ្រោះទាំង២ ទី១មានឈ្មោះ ឈន ចាន់ ភេទស្រីអាយុ៥៥ឆ្នាំ រស់នៅភូមិកើតហេតុ (មុខរបជាអនុភូមិទួលទទឹង) ទី២ឈ្មោះ អេង ណី ភេទប្រុសអាយុ៣៧ឆ្នាំ រស់នៅភូមិកើតហេតុជាមួយគ្នា(មុខរបកសិករម្ចាស់ត្រាក់ទ័រ)។

លោកអធិការបានបន្តទៀតថា មុនពេលកើតហេតុជនរងគ្រោះជាម្ចាស់ដី បានជិះកង់ទៅហៅម្ចាស់ត្រាក់ទ័រមកភ្ជួរដីស្រែហើយជ្រកម្លប់ក្រោមដើមឈើ ខណ:ពេលម្ចាស់ត្រាក់ទ័រកំពុងភ្ជួរដីបានពាក់កណ្ដាលហើយ មេឃក៏ចាប់ផ្ដើមមានពពកខ្មៅហើយធ្លាក់ភ្លៀង។ ពេលនោះម្ចាស់បើកត្រាក់ទ័រក៏បានផ្អាក់ភ្ជួរដី ហើយចុះរត់មកជ្រកទឹកភ្លៀងក្រោមដើមឈើជាមួយស្រ្តីម្ចាស់ដីនោះ ស្រាប់តែមានផ្គររន្ទះបាញ់មួយគ្រាប់ចំអ្នកទាំងពីរ បណ្ដាលឲ្យស្លាប់នៅកន្លែងក្រោមដើមឈើនោះទាំងពីរនាក់ភ្លាមៗ ហើយខាងនគរបាលយើងក៏បានមកពិនិត្យសពជនរងគ្រោះ និងប្រគល់ជូនក្រុមគ្រួសាររៀងខ្លួនដើម្បីយកទៅធ្វើបុណ្យតាមប្រពៃណី៕

អត្ថបទ៖ លាន គ្រន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម