សន្តិសុខសង្គម

ជនសង្ស័យប្រុស-ស្រី ៥ នាក់ ត្រូវអាវុធហត្ថក្រុងបានលុង ឃាត់ខ្លួនពាក់ព័ន្ធករណីគ្រឿងញៀន

បានផុស

៣ years មុន

នៅ

ថ្ងៃព្រហស្បតិ៍ ៣០ មិថុនា ២០២២

ដោយ

កម្លាំងកងរាជអាវុធហត្ថក្រុងបានលុង បានបង្ក្រាបជនសង្ស័យប្រុស-ស្រី ៥ នាក់ ពាក់ព័ន្ធករណីចែកចាយជួញដូរ និងប្រើប្រាស់សារធាតុញៀនខុសច្បាប់ នៅវេលាម៉ោង ១៣ និង ០០ នាទី កាលពីថ្ងៃទី ២៩ ខែមិថុនា ឆ្នាំ ២០២២ ស្ថិតនៅក្នុងភូមិជ័យ ជំនះ សង្កាត់ ឡាបានសៀក ក្រុងបានលុង ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអាវុធហត្ថក្រុងបានលុង ក៏ឃាត់ខ្លួនជនសង្ស័យបាន ៥ នាក់ ទី១-ឈ្មោះ អឿន មនោរម្យ ភេទប្រុស អាយុ ៣៣ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី, ទី២-ឈ្មោះ ឡិច សេងហ៊ុយ ភេទប្រុស អាយុ ៣៥ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី, ទី៣-ឈ្មោះ តឹង ទឹម (ហៅ ធំ) ភេទប្រុស អាយុ ៣៣ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ន ភូមិភ្នំស្វាយ សង្កាត់បឹងកន្សែង ខេត្តរតនគិរី, ទី៤-ឈ្មោះ ហេង សៀវត្រា ភេទប្រុស អាយុ ១៩ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ន ភូមិជ័យជំនះ សង្កាត់បឹងកន្សែង ក្រុងបានលុង ខេត្តរតនគិរី និងទី៥-ឈ្មោះ ប៉ែន ស្រីមុំ ភេទស្រី អាយុ ៣២ ឆ្នាំ ជនជាតិខ្មែរ មុខរបរនៅផ្ទះ មានទីលំនៅបច្ចុប្បន្ន ភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។

របាយការណ៍បានបញ្ជាក់ថា ក្រោយឃាត់ខ្លួនបានដកហូតវត្ថុតាង ម្សៅក្រាមពណ៌សថ្លា ២ កញ្ចប់ (ធំ.តូច) ទម្ងន់ ៥៤.៤៥ក្រាម, ទូរស័ព្ទដៃ ៤ គ្រឿង, ម៉ូតូ ១ គ្រឿង, ម៉ាស៊ីន ថ្លឹងថ្នាំញៀន ១ គ្រឿង, អត្តសញ្ញាណប័ណ្ណ ១សន្លឹក, ប័ណ្ណបើកបរ ១, កាតវីង ១, ប្រាក់រៀលចំនួន ៥,០០០ រៀល។