Connect with us

សន្តិសុខសង្គម

ចាញ់បាល់ ​និងជំពាក់លុយ​គេ ជាដើម​ចមនាំឱ្យអធិការង​ខណ្ឌឬស្សីកែវ​បាញ់សម្លាប់ខ្លួន​

បានផុស

នៅ

ករណីលោក ចន្ថា វ៉ាន់ឌី អធិការរងខណ្ឌឬស្សីកែវបាញ់សម្លាប់ខ្លួន បង្កការភ្ញាក់ផ្អើល​នៅរសៀល​ថ្ងៃទី ៤ ខែកក្កដា ២០២២ នេះ ពេលនេះដឹងការពិតហើយ ដោយសារតូចចិត្តរឿងយកលុយ​ឪពុកម្ដាយ​ក្មេក​ទៅលេងល្បែងចាក់បាល់ចាញ់ និងជំពាក់ប្រាក់មិត្តភក្ដិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំបុត្របន្សល់ទុក ២ សន្លឹក រកឃើញក្រោយអត្តឃាត បុរសជនរងគ្រោះបានសរសេរ​សុំទោស​ឪពុក​ម្ដាយបង្កើត និងឪពុកម្ដាយក្មេក ចំពោះកំហុសកុហកឪពុកម្ដាយក្មេកថា យកលុយទៅចងការប្រាក់​ តែការពិតលុយដែលខ្លួន យកទៅនោះ គឺយកទៅចាក់បាល់ចាញ់អស់ហើយ។

ជនរងគ្រោះក៏សុំការអហោសិកម្មពីអ្នកដែលខ្លួនជំពាក់ប្រាក់ ខណៈឱ្យមិត្តម្នាក់ជួយទាលុយ ២ ៥០០០ ដុល្លារ ពីឈ្មោះ មាស រិទ្ធី ដែលសន្យាយកសាច់ញាតិខ្លួនចូលប៉ូលិស។

សូមជំរាបថា លោក​ ចន្ថា​ វ៉ាន់ឌី​ អធិការរងខណ្ឌឫស្សីកែវ​ បានបាញ់សម្លាប់ខ្លួននៅលេីផ្ទះរបស់ខ្លួន ស្ថិតក្នុងភូមិក្បាលកោះ ឃុំកោះឧកញ៉ាតី​ ស្រុកខ្សាច់កណ្តាល ខេត្តកណ្ដាល នៅរសៀលថ្ងៃទី ៤ ខែក្កដានេះ។

សមត្ថកិច្ចបានបញ្ជាក់ថា មុនពេលកើតហេតុលោក​ ចន្ថា​ វ៉ាន់ឌី​ អធិការរងខណ្ឌឫស្សីកែវ​ បានធ្វើដំណើរទៅផ្ទះ រួចក៏ជិះម៉ូតូចេញ បន្តិចក្រោយមកក៏មកប្រាប់ម្តាយថា ភ្លេចកាបូបនៅក្នុងផ្ទះ។ ពេលឡើងទៅយកកាបូប ស្រាប់តែបាញ់សម្លាប់ខ្លួនឯងតែម្ដង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម