ចង់ទៅរស់នៅជាមួយអ្នកផ្សេង នារីម្នាក់ប្រឌិតរឿងថាត្រូវឪពុកចុង និងម្តាយធ្វើបាបរាងកាយនិងផ្លូវចិត្ត

បន្ទាប់ពីមានអាខោនហ្វេសប៊ុកឈ្មោះ chhinamo chhinamo បានសរសេរបង្ហោះលើគណនីផ្ទាល់ខ្លួន និងដាក់ចូលហ្វេស​ប៊ុកសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដោយបានរៀបរាប់ថា នាងត្រូវឪពុកចុង និងម្តាយធ្វើបាបទាំងផ្លូវកាយនិងផ្លូវចិត្ត និងរងការគាបសង្កត់រួចមក កម្លាំងស្នងការនគរបាលខេត្តកំពង់ស្ពឺ បានចុះជួបផ្ទាល់ជាមួយជនរងគ្រោះ រួមទាំងឪពុកចុង និងម្តាយ ដែលស្ថិតនៅភូមិទី៦​ ឃុំយាយម៉ៅ​ពេជ្រ​និល​ ស្រុកភ្នំស្រួច​ ខេត្ត​កំពង់​ស្ពឺ​ ។

នៅថៃ្ងទី​១៧​ ខែមករា​ ឆ្នាំ២០២៣​ ជំនាញ​បានបញ្ជាឱ្យ​កំម្លាំងង​នគរបាល​ នៃអធិការដ្ឋាន​នគរបាល​ស្រុក​ភ្នំ​ស្រួ​ចចុះទៅកាន់ផ្ទះនារីរងគ្រោះ និងជួបជាមួយឪពុ​ក​ចុង​ ម្ដាយ​បង្កើត​រួមជាមួយ​អាជ្ញាធរ​មូលដ្ឋាន​ ដេី​ម្បី​ស្ដាប់​ការបកស្រាយ និងបំភ្លឺជុំវិញរឿងរ៉ាវដែល​នាង​ស្រីអន​ បានបង្ហោះ​សារដ៏កំសត់ និងស្នេីសុំកិច្ចអន្ដ​រាគមន៍អោយជួយនាងរួចផុតពីកណ្ដាប់ដៃបុរសជាប្ដី​តាមអំណាចបង្ខំលោកឪពុកចុង និងម្ដាយបង្កេីតដែ​លបង្ខំឲ្យកូនយកប្ដីដែលខ្លួនមិនពេញចិត្ដ និងចា​ប់ចិត្ដស្រឡាញ់​ ។

បើតាមការបំភ្លឺនារីរងគ្រោះឈ្មោះ​ ស្រី​អន​ ថា នាងមានម្ដាយបង្កេីត និងឪពុកចុងរស់នៅក្នុងផ្ទះជាមួយគ្នាដោយឪពុកចុង និងម្ដា​យបង្កេីតបានបង្ខំឲ្យនាងខ្ញុំរៀបការ និងមានស្វា​មីជាមួយបុរសម្នាក់ដែលនាងគឹតថាមិនបានស្រឡាញ់​ទាល់តែសោះ និងជាមនុស្សមានប្រវត្ដិកេីតរោគា​ទៀតផង​។ ក្រោយឪពុកចុង និងម្ដាយបង្ខំឱ្យរៀបការ​នាងប្រកែកមិនឈ្នះពិធីអាពាហ៍​ពិពាហ៍មួយបាន​កេីតឡេីងដោយបញ្ចប់ទៅវិញទាំងស្ថានភាពដ៏​សោះកក្រោះគ្មានទឹកតមរាត្រីទឹកឃ្មុំប្រែជាទឹកខ្មេះ​ ។

ក្រោយពេលរៀបការរួច ឪពុកចុង និងម្ដាយនាងប្រាប់ថា បេីនាងមិនយកទេ គឺ​គាត់នឹងសងបណ្ដាការគេច្រេីនណាស់ដូច្នេះនាង​មានជម្រេីសតែមួយគត់ គឺផ្ញេីសារសុំកិច្ចអន្ដរាគម​ន៍​ពីថ្នាក់ដឹកនាំ​ពិសេសសម្ដេចតេជោ។ នៅក្នុងនោះនាងបានបង្ហោះ​រូបដែលរងនូវអំពើហិង្សាពីសំណា​ក់បុរ​សជាឪពុកចុង​ ចូលទៅផេករបស់សម្ដេចតេជោដើម្បីសុំអន្តរាគមន៍ទៀត​ផង។

ទីបំផុត​រឿងរ៉ាវ​មិនដូចការពិតនោះទេ​ នាងឈ្មោះ​ ស្រីអន​ បានទទួល​ស្គាល់​ថា ប៉ុន្មាន​ថៃ្ង​នេះខ្លួនទេីបនឹងរៀបការរួចបាន​ចេ​ញទៅផ្ទះខាង​ប្ដីដេីម្បីសែនព្រេនជីដូនជីតាខាងប្ដី និងបានវិលត្រឡប់មកដល់ផ្ទះនៅភូមិទី៦ ឃុំយា​យម៉ៅ​ពេជ្រ​និល​ ស្រុកភ្នំស្រួច​ បានជម្រាបជូនសមត្ថកិច្ចថា​ ខ្លួនមិនមានបំណងប្ដឹងទៅឪពុក​ចុង និងម្ដាយបង្កេីតទេ​ តែមានបំណងសុំអោ​យ​សមត្ថកិច្ចជួយឱ្យ​នាង​បានលែងប្ដីដេីម្បីទៅរស់នៅជាមួយមនុស្សដែលរង់​ចាំនាង។ 

បន្ទាប់ពីស្ដាប់រៀបរាប់ពីស្ត្រីឈ្មោះ ស្រីអន កម្លាំងសមត្ថកិច្ចក៏បានណែនាំពីការបង្ហោះព័ត៌មានមិនពិត ដែលបញ្ហានេះធ្វើឲ្យមហាជន​មានការភ័យតក់ស្លុត និងធ្វើឲ្យមានការភ័ណច្រឡំ ហើយស្ត្រីឈ្មោះ ស្រីអន ក៏បានធ្វើការសុំទោសសមត្ថកិច្ច និងមហាជន ដោយមកពីនាងចង់ចាកចេញទៅរកក្ដីសុខជាមួ​យមនុស្សដែលអាចផ្ដល់ក្ដីស្រឡាញ់ជូននាង៕

អត្ថបទ៖ ភួង រដ្ឋ