ព័ត៌មានអន្ដរជាតិ

សិស្សប្រុសម្នាក់ត្រូវមិត្តរួមសាលាបង្ខំឱ្យបរិភោគលាមក នៅប្រទេសចិន (មានវីដេអូ)

បានផុស

២ years មុន

នៅ

ថ្ងៃពុធ ១ វិច្ឆិកា ២០២៣

ដោយ

សាលាមធ្យមសិក្សាមួយក្នុងទីក្រុង Longyan ខេត្ត Fujian ប្រទេសចិន បានបញ្ជាក់ថា សិស្សប្រុសម្នាក់ត្រូវមិត្តរួមសាលាបង្ខំឱ្យបរិភោគលាមកពីបង្គន់ ។

យោងតាមវីដេអូដែលបង្ហោះតាមប្រព័ន្ធអ៊ីនធឺណិត សិស្សវិទ្យាល័យ Longyan Qiaoyu បានបង្ខំក្មេងប្រុសម្នាក់ឱ្យញ៉ាំលាមក ពេលកំពុងថតវីដេអូ ។

ដំបូងឡើយគាត់បានបដិសេធ ព្រោះមានសិស្សផ្សេងទៀតនៅក្នុងបន្ទប់ទឹក ក្រោយសិស្សនោះចាកចេញទៅ ក្មេងប្រុសត្រូវបានបង្ខំឱ្យញ៉ាំវា ។ បញ្ហានេះដែរ បានក្លាយជាប្រធានបទយ៉ាងក្ដៅគគុកលើប្រព័ន្ធផ្សព្វផ្សាយ បណ្ដាលឲ្យមហាជនមានការខឹងសម្បារ និងទាមទារឲ្យចាប់សិស្សប្រព្រឹត្តិអំពើស្មោកគ្រោកមកពិន័យ ។

អ្នកនិយមលេងអ៊ីនធឺណិតម្នាក់បាននិយាយនៅលើប្រព័ន្ធផ្សព្វផ្សាយសង្គមចិន Sina Weibo ថា “រឿងនេះច្បាស់ជាបន្សល់ទុកស្លាកស្នាមអស់មួយជីវិតលើក្មេងប្រុស ហើយអ្នកណាដែលធ្វើបែបនេះគឺអាក្រក់ជាងសត្វទៅទៀត” ។ អ្នកផ្សេងទៀតបានសរសេរដែលថា “ការគំរាមកំហែងនៅសាលាគួរតែត្រូវបានដោះស្រាយឱ្យកាន់តែច្បាស់លាស់ និងឆាប់រហ័សជាដាច់ខាត” ។

ឥលូវនេះ សាលាកំពុងសហការជាមួយអាជ្ញាធរដើម្បីដោះស្រាយឧបទ្ទវហេតុខាងលើ ហើយបានផ្តល់ការប្រឹក្សាផ្លូវចិត្តដល់ក្មេងប្រុសរងគ្រោះផងដែរ ៕