សន្តិសុខសង្គម

អាជ្ញាធរក្រុងព្រះសីហនុ ចុះដកហូតម៉ូតូទឹកដែលចាក់ប្រេងសាំងហូរលើឆ្នេរខ្សាច់បង្កប៉ះពាល់ដល់បរិស្ថានឆ្នេរ

បានផុស

១ នាទី មុន

នៅ

ថ្ងៃចន្ទ ២៣ មករា ២០២៣

ដោយ

ព្រះសីហនុ ៖ រដ្ឋបាលក្រុងព្រះសីហនុប្រកាសថា នឹងចាត់វិធានការដកហូតម៉ូតូទឹកយកទៅរក្សាទុកជាបណ្ដោះអាសន្នប្រសិនបើម្ចាស់អាជីវកម្មជួលម៉ូតូទឹកនៅតែមិនប្រយ័ត្នហើយធ្វើឲ្យលិចប្រេងហូរចូលនៅឆ្នេរខ្សាច់និងទឹកសមុទ្រ។ ការព្រមាននេះបានធ្វើឡើងនៅថ្ងៃទី២២ ខែមករា ម្សិលមិញនេះបន្ទាប់ពីមានការសំណូមពរពីបងប្អូនជាភ្ញៀវទេសចរណ៌ដែលមកលេងកម្សាន្តនៅឆ្នេរសមុទ្រអូរឈើទាលថា នៅលើផ្ទៃទឹកសមុទ្រមានក្លិនប្រេងដែលសង្ស័យហូរចេញពីម៉ូតូទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ដ្រីរដ្ឋបាលក្រុងបានឲ្យដឹងថា ក្រោយទទួលបានព័ត៌មាននេះភ្លាម រដ្ឋបាលក្រុងក៏បានចាត់ក្រុមការងារបានចុះពិនិត្យ និងបានរកឃើញថា មានម្ចាស់អាជីវកម្មម៉ូតូទឹក បានចាក់ប្រេង-សាំងម៉ូតូទឹកនៅលើឆ្នេរខ្សាច់ បង្កឱ្យប៉ះពាល់ដល់បរិស្ថាននៅតាមបណ្តោយឆ្នេរ។ បញ្ហានេះបើតាមមន្ត្រីក្រុមការងារថា នៅព្រឹកថ្ងៃទី២៣ ខែមករា ឆ្នាំ២០២៣នេះ អាជ្ញាធរក្រុងបានចាត់វិធានការដកហូតម៉ូតូទឹកយកមករក្សាទុកនៅសាលាក្រុងព្រះសីហនុ។