សន្តិសុខសង្គម
ឃាតកម្មសម្លាប់ជនរងគ្រោះជាងមួយខែ សមត្ថកិច្ចស្រុកត្រាំកក់នៅមិនទាន់វែកមុខឃាតកឃើញ
អាណាព្យាបាលជនរងគ្រោះក្នុងករណីឃាតកម្មបណ្តាលឲ្យជនរងគ្រោះស្លាប់ បានធ្វើការសំណូមពរទៅសមត្ថកិច្ចជំនាញនៃស្នងការដ្ឋាននគរបាលខេត្តតាកែវ ពិសេសសមត្ថកិច្ចមូលដ្ឋានស្រុកត្រាំកក់ផ្ទាល់ ជួយពន្លឿនវែកមុខឃាតកយកមកផ្តន្ទាទោសតាមច្បាប់ផង ខណៈករណីនេះអូសបន្លាយពេលជាង១ខែទៅហេីយ។
ថ្លែងប្រាប់អ្នកសារព័ត៌មាននៅថ្ងៃទី ២៦ ខែកុម្ភៈ ឆ្នាំ២០២៣នេះ លោក សុខ សំអឿន អាយុ ៦២ ឆ្នាំ ត្រូវជាជីតាសពជនរងគ្រោះ រស់នៅភូមិស្រង៉ែ ឃុំឧត្តមសូរិយា ស្រុកត្រាំកក់ ខេត្តតាកែវ បញ្ជាក់ថា ចៅប្រុសរបស់គាត់ឈ្មោះ គង់ ចំរើន អាយុ២០ឆ្នាំរស់នៅក្នុងបន្ទុក ត្រូវបានឃាតករសម្លាប់នៅយប់ថ្ងៃទី២១ ខែមករា ឆ្នាំ២០២៣ នៅលើផ្លូវជាតិលេខ៣ ខាងត្បូងស្ពានស្លាគូ ចន្លោះគីឡូម៉ែត្រលេខ៦៧ ក្នុងឃុំឧត្តមសូរិយា ស្រុកត្រាំកក់។
ជីតាសពជនរងគ្រោះបន្តថា នៅយប់ថ្ងៃកេីតហេតុ វេលាម៉ោង ២ រំលងអធ្រាត្រ មានឈ្មោះ គី ជា រស់នៅភូមិជាមួយគ្នាបានដឹកសពចៅគាត់មក និងបានប្រាប់ថា មានគេគប់និងដុំថ្ម ត្រូវបណ្តាលឲ្យស្លាប់។
ក្រោយកើតហេតុ ប៉ូលីប៉ុស្តិ៍រដ្ឋបាលឃុំបានចុះធ្វើកំណត់ហេតុ ហើយគាត់ក៏បានដាក់ពាក្យបណ្តឹងទៅប៉ុស្តិ៍ដើម្បីស្រាវជ្រាវចាប់ជនដៃដល់ផងដែរ។ អាណាព្យាបាលជនរងគ្រោះនិយាយបន្ថែមទាំងអស់សង្ឃឹមថា មកដល់ថ្ងៃទី ២៦ កុម្ភៈនេះ សំណុំរឿងឃាតកម្មនេះស្ងាត់ឈឹង ហាក់គ្មានពន្លឺ សមត្ថកិច្ចមូលដ្ឋានដូចអត់ធ្វើការ ព្រោះអូសបន្លាយពេលជាង១ខែទៅហើយ។
ជុំវិញករណីឃាតកម្មខាងលើ លោក ស៊ី ណា មេប៉ុស្តិ៍រដ្ឋបាលនគរបាលឧត្តមសូរិយានៅព្រឹកថ្ងៃទី ២៧ ខែកុម្ភៈ ឆ្នាំ២០២៣ មិនបានបកស្រាយនោះទេ ដោយនិយាយថា គាត់កំពុងប្រជុំ។
ចំណែកលោក ឌុក ធីយ៉ា អធិការនគរបាលស្រុកត្រាំកក់ បានឲ្យដឹងនៅព្រឹកនេះដែរថា ករណីឃាតកម្មខាងលេីនេះ ហាក់បីដូចបាត់ឈឹងមិនទាន់កំណត់មុខសញ្ញាបាននៅឡើយបើទោះ មានការសង្ស័ងទៅលើជនសង្ស័យ៣នាក់ពិសេសអ្នកដែលដឹកសពជនរងគ្រោះយកមកដល់ផ្ទះក៏ដោយ តែពួកវាគ្រាន់តែជាជនសង្ស័យហើយពួកវាមិនបានសារភាពសោះ ដូច្នេះនីតិវិធីគឺលោកកំពុងស្រាវជ្រាវបន្ត៕
អត្ថបទ៖ វីរៈ
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម២២ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)
-
ព័ត៌មានអន្ដរជាតិ៦ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?