សន្តិសុខសង្គម
ព្រះរាជអាជ្ញាខេត្តតាកែវ កោះហៅលោក សុវណ្ណ រិទ្ធី ចូលបំភ្លឺករណីផ្សព្វផ្សាយព័ត៌មានមិនពិត
លោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ នៅព្រឹកថ្ងៃទី១៦ ខែមីនា ឆ្នាំ២០២៣នេះ បានកោះហៅ លោក សុវណ្ណ រិទ្ធី និងតំណាងអង្គភាពសារព័ត៌មាន TVFB មកបំភ្លឺជុំវិញករណីដែលបានបង្ហោះចែកចាយនូវព័័ត៌មានមិនពិតដែលធ្វើឲ្យមហាជនមានការយល់ច្រឡំជាខ្លាំង។
បើតាមការឱ្យដឹងពីលោកព្រះរាជអាជ្ញាអមសាលាដំបូងខេត្តតាកែវ ការកោះហៅតំណាងអង្គភាពសារព័ត៌មាន TVFB Online ជាពិសេសលោក សុវណ្ណ រិទ្ធី ផ្ទាល់មកពេលនេះ គឺដើម្បីចង់ឱ្យបំភ្លឺជុំវិញករណីមានគណនីឈ្មោះ Sovann Rithy-សុវណ្ណ រិទ្ធី និងប្រើប្រាស់រូបភាពលោកចុះផ្សាយលើបណ្ដាញសង្គមដែលមានខ្លឹមសារថា «សូមបងប្អូនចែករំលែកព័ត៌មាននេះផង «ម្ដុំផ្សារសម្រោងយោង ខេត្តតាកែវ» 14/03/2023» ដោយមានភ្ជាប់ជាមួយរូបភាពពូថៅជាប់កញ្ចក់រថយន្ដ ដែលព័ត៌មាននេះជាព័ត៌មានចាស់កើតឡើងជាយូរមកហើយ ហើយក៏មិនមែនកើលឡើងនៅក្នុងទឹកដីខេត្តតាកែវដែរ។
ឆ្លើយតបទៅនឹងករណីនេះ តំណាងអង្គភាពសារព័ត៌មាន TVFB Online ជាពិសេសលោក សុវណ្ណ រិទ្ធី បានធ្វើការបកស្រាយថា ចំពោះករណីគណនី Facebook មានឈ្មោះ និងរូបភាព រូបលោកនោះ មិនមែនជារបស់លោកទេ គឺមានជនឆ្លៀតឱកាសមួយចំនួនបានយកទៅបង្កើតដាក់រូបថតរបស់លោក ដើម្បីប្រើប្រាស់ក្នុងគោលបំណងទុច្ចរិត ដែលបណ្ដាលឱ្យប៉ះពាល់ដល់កិត្តិយស កេរ្ដិ៍ឈ្មោះ អង្គភាព ក៏ដូចជារូបលោកផ្ទាល់ដែរ រូបលោកសូមបដិសេធ និងសូមប្រកាសជូនដំណឹងដល់ថ្នាក់ដឹកនាំក្រសួងស្ថាប័នពាក់ព័ន្ធ ក៏ដូចជាប្រិយមិត្តអ្នកលេងបណ្តាញសង្គមឱ្យបានជ្រាបថា គណនី ឈ្មោះ Sovann Rithy – សុវណ្ណ រិទ្ធី (Sovann Rithy News) គឺមិនមែនជារបស់លោកទេ។
បន្ទាប់ពីធ្វើការបកស្រាយ តំណាងអង្គភាពសារព័ត៌មាន TVFB Online ក៏ដូចជាលោក សុវណ្ណ រិទ្ធី ក៏បានធ្វើការសុំទោសជាសាធារណៈចំពោះថ្នាក់ដឹកនាំគ្រប់លំដាប់ថ្នាក់ ក្រសួងស្ថាប័នពាក់ព័ន្ធទាំងអស់ ជាពិសេសឯកឧត្តមអភិបាលខេត្តតាកែវ ឯកឧត្តមព្រះរាជអាជ្ញាអមសាលាដំបូងខេត្ត កងកម្លាំងប្រដាប់អាវុធទាំងបី ក៏ដូចជាបងប្អូនប្រជាពលរដ្ឋទូទាំងខេត្តតាកែវទាំងមូល ចំពោះជនខិលខូចមិនស្គាល់អត្តសញ្ញាណ បានយករូបភាព និងឈ្មោះរបស់លោកបង្កើត ហើយផ្សព្វផ្សាយព័ត៌មានមិនពិតបែបនេះ។
លោក សុវណ្ណ រិទ្ធី និងតំណាងឱ្យអង្គភាពសារព័ត៌មាន TVFB Online ក៏បានសំណូមពរដល់សមត្ថកិច្ចជំនាញជួយស្វែងរកបុគ្គលដែលប្រើប្រាស់គណនីខាងលើយកមកផ្តន្ទាទោស តាមផ្លូវច្បាប់។
គួររំលឹកថា កាលពីយប់ថ្ងៃទី១៤ ខែមីនា ឆ្នាំ២០២៣កន្លងទៅ គណនីហ្វេសប៊ុកឈ្មោះ Sovann Rithy – សុវណ្ណ រិទ្ធី បានបង្ហោះចែកនូវព័ត៌មានមួយដែលមានខ្លឹមសារថា សូមបងប្អូនចែករំលែកព័ត៌មាននេះផង «ម្ដុំផ្សារសម្រោងយោង ខេត្តតាកែវ» 14/03/2023 ដោយមានភ្ជាប់ជាមួយរូបភាពពូថៅជាប់កញ្ចក់រថយន្ដ ដែកករណីនេះធ្វើឲ្យមហាជនមានការភ័នឡំជាខ្លាំង និងមានការចែករំលែកបន្តបន្ទាប់ជាច្រើនផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង