Connect with us

សន្តិសុខសង្គម

បំបែក​សំណុំ​រឿង​ឃាត់​ខ្លួន​ជនសង្ស័យ២នាក់​ ករណី​ឃាតកម្ម​សម្លាប់​មនុស្ស​នៅខេត្តកំពង់ស្ពឺ

បានផុស

នៅ

កំពង់ស្ពឺ ​៖ កម្លាំង​នគរបាល​នាយកដ្ឋាន​ព្រហ្មទណ្ឌ​ក្រសួងមហាផ្ទៃ សហការ​ជាមួយ​ស្នងការ​នគរបាល​ខេត្តកំពង់ស្ពឺ បាន​បំបែក​សំណុំ​ឃាត់​កម្ម​សម្លាប់​ជនរងគ្រោះ​ម្នាក់ នៅ​ស្រុក​បរសេដ្ឋ កាលពី​១០​ថ្ងៃមុន​ដោយ​ឃាត់ខ្លួន​ជនសង្ស័យ ចំនួន​០២​នាក់ ជា​អ្នកសមគំនិត និង​លាក់បាំង​បទល្មើស​។

មន្ត្រីនគរបាល​ព្រហ្មទណ្ឌ​នៃ​ស្នងការ​នគរបាល​ខេត្តកំពង់ស្ពឺ បានឱ្យដឹង​នៅ​ថ្ងៃទី​២៣ ខែមីនា ឆ្នាំ​២០២៣ នេះ​ថា ករណី​ឃាតកម្ម​មួយ​ដែល​បានកើត​ឡើង កាលពី​ថ្ងៃទី​២២ ខែមីនា ឆ្នាំ​២០២៣ កន្លង​មកនេះ នៅ​ចំណុច​ភូមិ​ព្រះ​ម្លប់ ឃុំ​ភា​រី​មានជ័យ ស្រុក​បសេដ្ឋ ខេត្តកំពង់ស្ពឺ ត្រូវបាន​សមត្ថកិច្ច​ជំនាញ​បំបែក​ដោយ​ឃាត់​ជនសង្ស័យ​០២​នាក់​។

ក្នុង​ប្រតិបត្តិការ​នេះ​កម្លាំង​នគរបាល​ខេត្ត អធិការដ្ឋាន​ស្រុក​បរសេដ្ឋ សហការ​ជាមួយ​នាយកដ្ឋាន​នគរ​បាល​ព្រហ្មទណ្ឌ​ស បាន​បើក​ការស៊ើបអង្កេត និង​ស្រាវជ្រាវ​យក​យកចិត្តទុកដាក់​អស់​រយៈពេល​ជាច្រើន​ថ្ងៃ​ទើប​ឈានដល់​កំណត់​បាន​មុខសញ្ញា​រហូត​ឃាត់​ខ្លូន​តែម្តង​។

សូម​រំឭកថា កាលពី​ថ្ងៃទី​១១ ខែមីនា ឆ្នាំ​២០២៣ កន្លងមកនេះ ជនល្មើស​មិន​ស្គាល់​មុខ​បានធ្វើ​សកម្មភាព​សម្លាប់​ជនរងគ្រោះ​ឈ្មោះ ភឿង សៅ​រឿ ភេទ​ប្រុស អាយុ ៣២​ឆ្នាំ នៅ​ចំណុច​ភូមិ​ចាស ឃុំ​បសេដ្ឋ ស្រុក​បសេដ្ឋ ខេត្តកំពង់ស្ពឺ​ រួច​រត់គេចខ្លួន​បាត់ស្រមោល​។

ក្រោម​ការចង្អុលបង្ហាញ​ផ្ទា​ល់ពី​នាយ​ឧ​ត្ត​ម​សេនីយ៍ សន្ដិ​បណ្ឌិត នេ​ត សាវឿន អគ្គស្នងការ​នគរបាល​ជាតិ និង​បញ្ជា​ដឹកនាំ​ដោយ​ឧ​ត្ត​ម​សេនីយ៍​ឯក ង៉េ​ង ជួ ប្រធាន​នាយកដ្ឋាន​នគរបាល​ព្រហ្មទណ្ឌ បាន​បើក​ការស្រាវជ្រាវ​ជាបន្ទាន់ ដឹកនាំ​ដោយ​លោក​ឧ​ត្ត​ម​សេនីយ៍​ត្រី ហ៊ុន មុន្នី​រ័ត្ន អនុប្រធាននាយកដ្ឋាន​នគរ​បាល​ព្រហ្មទណ្ឌ និង​លោក​វរសេនីយ៍ឯក ហែម បូ​ណា អនុប្រធាននាយកដ្ឋាន​នគរ​បាល​ព្រហ្មទណ្ឌ​ក្រសួងមហាផ្ទៃ បាន​ដឹកនាំ​សហការ​ជាមួយ​នគរបាល​ជំនាញ​ព្រហ្មទណ្ឌ នៃ​ស្នងការដ្ឋាន​នគរបាល​ខេត្តកំពង់ស្ពឺ និង​អធិកា​រដ្ឋា​នគរបាល​ស្រុក​បសេដ្ឋ បានធ្វើការ​ស្រាវជ្រាវរ​ហូត​ឈានដល់​ការកំណត់​មុខសញ្ញា សមគំនិត និង​អ្នក​លាក់កំបាំង​បទល្មើស​បាន ចំនួន​០២​នាក់​។

ចំពោះ​ជនសង្ស័យ​សមគំនិត និង​លាក់កំបាំង​បទល្មើស ចំនួន​០២​នាក់ រួមមាន​៖ ទី​១- ឈ្មោះ យ៉ា សុជាតិ ភេទ​ប្រុស អាយុ ២៣​ឆ្នាំ ស្នាក់នៅ​ភូមិ​ចាស់ ឃុំ​បសេដ្ឋ ស្រុក​បសេដ្ឋ ខេត្តកំពង់ស្ពឺ និង​ទី​២- ឈ្មោះ អៀម សំណាង ភេទ​ប្រុស អាយុ​១៧​ឆ្នាំ ស្នាក់នៅ​ភូមិ​ចាស់ ឃុំ​បសេដ្ឋ ស្រុក​បសេដ្ឋ ខេត្តកំពង់ស្ពឺ អ្នក​ទាំងពីរ​នាក់​បាន​លាក់កំបាំង​បទល្មើស​។

បច្ចុប្បន្ន​កម្លាំង​នាយកដ្ឋាន​ព្រហ្មទណ្ឌ​កំពុង​បន្ត​ស្វែងរក​បក្ខពួក​ម្នាក់ទៀត ដែលជា​ជនដៃដល់​ឈ្មោះ ផា​និ​ន ហៅ​អា​ត្នោត ភេទ​ប្រុស យកមក​ផ្ដន្ទាទោស​តាមច្បាប់​៕

ដោយ ៖ ភួង រដ្ឋា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣៧ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៤ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

Sokha Hotels

ព័ត៌មានពេញនិយម