សន្តិសុខសង្គម
លម្អិត អគ្គិភ័យអតីតខារ៉ាអូខេ ជាន់ទី៤ បណ្តាលស្លា ប់មនុស្ស ៦នាក់
មនុស្សប្រុសស្រីចំនួន ៦នាក់ បានជាប់គាំងចេញមិនរួចស្លាប់យ៉ាងអាណោចអាធ័មក្នុងហេតុការណ៍គ្រោះអគ្គិភ័យឆេះទីតាំងអតីតខារ៉ាអូខេមួយកន្លែង កាលពីវេលាម៉ោង ៥រសៀល ថ្ងៃទី១ ខែកក្កដា ឆ្នាំ២០២៣ ស្ថិតនៅតាមបណ្ដោយផ្លូវលេខ២០៦ កែងផ្លូវលេខ២១៥ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានប្រាប់ឱ្យដឹងថា មុនពេលកើតហេតុ គេបានឃើញផ្សែងចេញពីអតីតខារ៉ាអូខេ មិនមានស្លាកយីហោនោះយ៉ាងសន្ធោសន្ធៅ នៅជាន់ទី៣ និងទី៤ ហើយក្នុងនោះមានមនុស្សមួយចំនួនបានជាប់គាំងនៅក្នុងបន្ទប់មួយនៅជាន់ទី៤ ចេញមិនរួចដោយសារស្ថានភាពភ្លើងឆាបឆេះខ្លាំងពេក។ ទើបប្រជាពលរដ្ឋបានរាយការណ៍ទៅកម្លាំងសមត្ថកិច្ចជំនាញ នៃការិយាល័យបង្ការ និងពន្លត់អគ្គិភ័យដើម្បីជួយអន្តរាគមន៍។
លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានឱ្យដឹងថា ក្រោយពីទទួលបានព័ត៌មានពីប្រជាពលរដ្ឋភ្លាម លោកបានបញ្ចេញរថយន្តពន្លត់អគ្គិភ័យ របស់ការិយាល័យជាច្រើនគ្រឿង រួមទាំងរថយន្តជំនួយផ្សេងទៀត បានចេញមកអន្តរាគមន៍ និងប្រើប្រាស់ជួយបាញ់ពន្លត់ភ្លាមៗ ជៀសវាងបង្កការរាលដាលដល់ផ្ទះប្រជាពលរដ្ឋ ឬបង្កគ្រោះថ្នាក់ដល់មនុស្ស។
ក្នុងប្រតិបត្តិការណ៍សង្គ្រោះនេះ កម្លាំងសមត្ថកិច្ចបានយករថយន្តពន្លត់អគ្គិភ័យរបស់ ការិយាល័យបង្ការ និងពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ ចំនួន ២២គ្រឿង ប្រេីប្រាស់ទឹកអស់ចំនួន ៨៨ឡាន, រថយន្តទីក្រុងអូឡាំព្យាចំនួន ២គ្រឿង ប្រើប្រាស់ទឹកអស់ចំនួន ៦ឡាន, រថយន្តទីក្រុងជ្រោយចង្វារចំនួន ៥គ្រឿង ប្រើប្រាស់ទឹកអស់ចំនួន ១៥ឡាន និងរថយន្តក្រុមហ៊ុនស្រាបៀរកម្ពុជាចំនួន ១គ្រឿង ប្រើប្រាស់ទឹកអស់ចំនួន ៣ឡាន ទើបអគ្គីភ័យបានរលត់ជាស្ថាពរ ដោយប្រើរយៈពេល ៣ និង៣០នាទី។
សូមបញ្ជាក់ថា ចំពោះមនុស្សប្រុស្រី ៦នាក់ ដែលបានជាប់គាំងនៅក្នុងហេតុការណ៍គ្រោះអគ្គិភ័យនេះ កម្លាំងសមត្ថកិច្ចបានព្យាយាមជួយសង្គ្រោះដែរ តែស្ថានភាពខាងក្នុងមានភាពលំបាក និងផ្សែងខ្លាំងពេក ធ្វើឱ្យជនរងគ្រោះថប់ដង្ហើមស្លាប់តែម្តង។ សមត្ថកិច្ចបានបញ្ជាក់បន្តថា ចំពោះមូលហេតុ កម្លាំងជំនាញកំពុងស្រាវជ្រាវ។ ចំណែកសពជនរងគ្រោះទាំង៦ កម្លាំងសមត្ថកិច្ច យកទៅតម្កល់ទុកនៅវត្តអារាម ដើម្បីស្វែងរកសាច់ញាតិយកទៅធ្វើបុណ្យតាមប្រពៃណី៕
អត្ថបទ៖ សុខា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ