សន្តិសុខសង្គម
អាវុធហត្ថខេត្តកែបបង្រ្កាបបានសាច់គោបង្កកជាង៣០០គីឡូក្រាម
កម្លាំងកងរាជអាវុធហត្ថខេត្តកែប កាលពីយប់ថ្ងៃទី២៨ ខែសីហា ឆ្នាំ២០២៣ បានសហការជាមួយអធិការដ្ឋានស្រុកដំណាក់ចង្អើរ ចុះបង្រ្កាបករណីដឹកទំនិញខុសច្បាប់ចាប់បានរថយន្តសាំយ៉ុងមួយគ្រឿង និងសាច់គោបង្កកចំនួន៣២៣ គីឡូក្រាម ខណៈទូកពីរគ្រឿងដែលដាក់ទំនិញបានបើកគេចតាមផ្លូវសមុទ្របាត់។
ប្រតិបត្តិការណ៍ចុះបង្ក្រាបនេះបានធ្វើឡើងកាលពីយប់ថ្ងៃទី២៨ ខែសីហា ឆ្នាំ២០២៣ ស្ថិតក្នុងភូមិអង្កោល ឃុំអង្កោល ស្រុកដំណាក់ចង្អើរ ដឹកនាំដោយលោកវរៈសេនីយឯក អ៊ុក រិទ្ធីស័ក្ក មេបញ្ជាការរងកងរាជអាវុធហត្ថខេត្តកែប ជំនួយដោយលោកវីរៈសេនីយត្រី គឹម សូដា អនុប្រធានមន្ទីរស្រាវជ្រាវ និងបង្រ្កាបបទល្មើស នៃកងរាជអាវុធហត្ថខេត្តកែប និងមានការចូលរួមពីអធិការដ្ឋាននគរបាលស្រុកដំណាក់ចង្អើរ និងភាគីពាក់ព័ន្ធផ្សេងទៀត។
បើយោងតាមរបាយការណ៍របស់លោកវរៈសេនីយ៍ត្រី គឹម សូដា អនុប្រធានមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកែប បានបញ្ជាក់ឱ្យដឹងថា បានឃើញជាក់ស្តែងមានការដឹកជញ្ជូនទំនិញល្មើសពីទូកមកផ្ទុកក្នុងរថយន្តសាំយ៉ុង ពណ៌បៃតងចាស់ ពាក់ស្លាកលេខកណ្តាល 2A 4366 ដោយកម្លាំងចម្រុះបានសុំការអនុញ្ញាតពីលោក ខាន់ សុផល ព្រះរាជអាជ្ញានៃសាលាដំបូងខេត្តកែប ដើម្បីធ្វើការត្រួតពិនិត្យទំនិញនោះ ពេលនោះម្ចាស់ទំនិញដែលមានគ្នាសរុបចំនួន៦នាក់ ពុំបានឈប់ដើម្បីសហការនោះទេ ដោយបានរត់គេចខ្លួន និងបានបន្សល់ទុកវត្ថុតាងមួយចំនួននៅកន្លែងជាក់ស្តែងតែម្ដង គឺមានសាច់គោបង្កកចំនួន៩កេស ទម្ងន់៣២៣គីឡូក្រាម និងរថយន្តសាំយ៉ុងមួយគ្រឿង។
ក្រោយពីកម្លាំងសមត្ថកិច្ចកងរាជវុធហត្ថបានធ្វើការឃាត់ទុក និងត្រួតពិនិត្យនៅមូលដ្ឋានកងរាជអាវុធហត្ថស្រុកដំណាក់ចង្អើររួចរាល់ វត្ថុតាងទាំងនោះត្រូវបានប្រគល់ជូនសមត្ថកិច្ចគយ និងសាខាគយ និងរដ្ឋាករខេត្តកែប ដើម្បីចាត់ចែងបន្តទៅតាមនីតិវិធី។
មន្ត្រីកងរាជអាវុធហត្ថបានដាក់ការសង្ស័យថា ករណីសាច់បង្កកនេះ គឺជាការនាំចូលមកពីប្រទេសជិតខាងចូលមកកម្ពុជាតាមផ្លូវសមុទ្រ ហើយក៏មានជាប់ពាក់ព័ន្ធនឹងការដឹកឈើខុសច្បាប់នោះដែរ។ ទោះជាយ៉ាងណាអាវុធហត្ថបាននឹងកំពុងកំណត់មុខសញ្ញាអ្នកជាប់ពាក់ព័ន្ធបានមួយចំនួនហើយនោះដែរ៕
អត្ថបទ៖ សឹង រ៉ាត់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល