ព័ត៌មានជាតិ
ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%
លោក សោម ពិសិដ្ឋ អភិបាលខេត្តកែប បានថ្លែងថា បានបញ្ចប់ការវាស់វែងចុះបញ្ជីដីធ្លីនៅទូទាំងខេត្តកែប ដែលមានលក្ខណៈជាប្រព័ន្ធជូនបងប្អូនប្រជាពលរដ្ឋបានរួចរាល់១០០% នៅសល់តែការបិទផ្សាយជាសាធារណៈ និងដំណាក់កាលចែកវិញ្ញាបនបត្រសម្គាល់អចលនវត្ថុប៉ុណ្ណោះ។ ដោយឡែកសម្រាប់ការចែកប័ណ្ណកម្មសិទ្ធិថ្ងៃនេះ ជាការចែកលើកទី១៤ហើយ ក្នុងចំណោមភូមិទាំង១៨ នៃខេត្តកែបទាំងមូល។
លោក សោម ពិសិដ្ឋ អភិបាលខេត្តកែប បានលើកឡើងបែបនេះនៅក្នុងពិធីចែកវិញ្ញាបនបត្រសម្គាល់អចលនវត្ថុ និងមោឃភាពបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬប័ណ្ណសម្គាល់សិទ្ធិកាន់កាប់អចលនវត្ថុជូនម្ចាស់ ក្បាលដីស្ថិតនៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប កាលពីថ្ងៃទី ២៣ ខែមីនា ឆ្នាំ២០២៤។
លោក សោម ពិសិដ្ឋ អភិបាលខេត្តកែបបាបន្តថា នៅទូទាំងខេត្តកែប នៅសល់ភូមិចំនួន ៤ ទៀត ដែលនៅមិនទាន់ចែកប័ណ្ណមាន ភូមិទូលសាងាំ ភូមិអង្កោល នៃឃុំអង្កោល ភូមិចំការបី នៃឃុំពងទឹក ក្នុងស្រុកដំណាកចង្អើរ និងភូមិថ្មី ក្រុងកែប។ បន្ថែមពីនេះ លោកសង្កត់ធ្ងន់ថា បណ្ណកម្មសិទ្ធិនេះជាភស្តុតាងបញ្ជាក់ពីភាពស្របច្បាប់ ដែលត្រូវបានការពារ ដោយច្បាប់ និងធានាដោយរដ្ឋ។
ទោះជាយ៉ាងណា អភិបាលខេត្តកែប បានណែនាំទៅដល់មន្ត្រីជំនាញ នៃមន្ទីររៀបចំដែនដីនគរូបនីយកម្ម និងសំណង់ សុរិយោដី ខេត្តកែប ត្រូវធ្វើឲ្យបាននូវការចុះបញ្ជីដីធ្លី សាធារណៈរបស់រដ្ឋ និងដីឯកជនរបស់រដ្ឋ ដែលនាធាថា ផែនទី និងផែនដី ត្រូវតែបន្ស៊ីគ្នា ការធ្វើដូចនេះគឺដើម្បីឈានទៅបញ្ចប់ឲ្យបាន នូវជម្លោះផ្សេងៗដែលកើតមានពាក់ព័ន្ធបញ្ហាដីធ្លីនេះ។ លោក សោម ពិសិដ្ឋ អភិបាលខេត្តកែបបានបញ្ជាក់ឱ្យដឹងទៀតថា ខេត្តកែប គឺមានតិចតួចណាស់ ដែលកើតមានទំនាស់ដោយសារបញ្ហារឿងដីធ្លីមួយនេះ៕
ដោយ៖ សឹង រ៉ាត់
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)