ព័ត៌មានជាតិ
មន្ត្រីក្រសួងការបរទេស ប្រាប់និស្សិតដែលទៅរៀននៅជប៉ុន ត្រូវជួយផ្សាយពីវប្បធម៌របស់ជាតិ
នៅក្នុងជំនួបជាមួយនិស្សិតជ័យលាភី ដែលប្រឡងជាប់អាហារូបករណ៍របស់រដ្ឋាភិបាលជប៉ុន MEXT Scholarship ២០២៤ មន្ត្រីជាន់ខ្ពស់ក្រសួងការបរទេស បានប្រាប់និស្សិតកម្ពុជាដែលត្រៀមចេញទៅសិក្សានៅប្រទេសជប៉ុនត្រូវខិតខំសិក្សារៀនសូត្រ និងរួមចំណែកជួយផ្សព្វផ្សាយអំពីវប្បធម៌ដ៏សម្បូណ៌បែបរបស់ជាតិ។
នៅថ្ងៃទី២៥ ខែមីនា ឆ្នាំ២០២៤ លោកស្រី ទួត បញ្ញា រដ្ឋលេខាធិការក្រសួងការបរទេស ដែលជាតំណាងលោក សុខ ចិន្តាសោភា ឧបនាយករដ្ឋមន្រ្តី រដ្ឋមន្រ្តីការបរទេស បានទទួលជួបនិស្សិតកម្ពុជាជ័យលាភីចំនួន ១២រូប ដែលប្រឡងជាប់អាហារូបករណ៍របស់រដ្ឋាភិបាលជប៉ុន MEXT Scholarship ២០២៤ ទៅសិក្សានៅប្រទេសជប៉ុន សម្រាប់ឆ្នាំសិក្សា២០២៤-២០២៦ នៅតាមសាកលវិទ្យាល័យនានាក្នុងប្រទេសជប៉ុន លើមុខជំនាញដូចជា វិស្វកម្ម អប់រំ សេដ្ឋកិច្ច សុខាភិបាល និងវិទ្យាសាស្រ្ត។
លោកស្រី ទូត បញ្ញា បានសម្ដែងការអបអរសាទរ និងកោតសរសើរដល់និស្សិតទាំងអស់ដែលបានជាប់អាហារូបករណ៍ទៅសិក្សានៅប្រទេសជប៉ុន នាឆ្នាំនេះ ដោយលោកស្រី បានលើកឡើងអំពីកិច្ចប្រឹងប្រែងរបស់រាជរដ្ឋាភិបាលកម្ពុជា ក្នុងការអភិវឌ្ឍធនធានមនុស្ស រួមទាំងការស្វែងរកអាហារូបករណ៍ពីបណ្តាប្រទេសជាមិត្ត រួមទាំងប្រទេសជប៉ុន ជូនដល់និស្សិតកម្ពុជា។
លោកស្រីរដ្ឋលេខាធិការ បានផ្តល់អនុសាសន៍ដល់និស្សិតទាំងនោះ ត្រូវខិតខំសិក្សារៀនសូត្រ បង្កើតទំនាក់ទំនងល្អជាមួយនិស្សិតជប៉ុន ក៏ដូចជានិស្សិតបរទេសដទៃទៀត ព្រមទាំងត្រូវរួមចំណែកផ្សព្វផ្សាយអំពីប្រពៃណី វប្បធម៌ដ៏សម្បូណ៌បែបរបស់កម្ពុជា ជាដើម។ លោកស្រីរដ្ឋលេខាធិការ បានជូនពរក្រុមនិស្សិតកម្ពុជាឱ្យទទួលបានជោគជ័យក្នុងការសិក្សា និងស្នាក់នៅក្នុងប្រទេសជប៉ុន។
ក្រុមនិស្សិតជ័យលាភី បានថ្លែងអំណរគុណដល់លោកឧបនាយករដ្ឋមន្រ្តី សុខ ចិន្តាសោភា ព្រមទាំងថ្នាក់ដឹកនាំក្រសួងការបរទេស ដែលបានយកចិត្តទុកដាក់ និងបានអនុញ្ញាតឱ្យក្រុមនិស្សិតបានចូលជួបសម្តែងការគួរសមប្រកបដោយបរិយាកាសរីករាយនៅពេលនេះ៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល