ខែមីនា Cha Eun Woo ជាប់លេខ១ ជាតារាប្រុសមានមុខលើយីហោល្បីៗច្រើនជាង Taeyeon និង Jennie

នៅខែមីនា ឆ្នាំ ២០២៤ វិទ្យាស្ថានស្រាវជ្រាវកេរ្តិ៍ឈ្មោះសាជីវកម្មកូរ៉េខាងត្បូងបានធ្វើការវិភាគលើកេរ្តិ៍ឈ្មោះយីហោផ្ទាល់ខ្លួនរបស់តារាល្បីៗ ដោយបង្ហាញឲ្យឃើញថា Cha Eun Woo សមាជិកក្រុម ASTRO, Taeyeon សមាជិកក្រុម Girls’ Generation និង Jennie សមាជិក BLACKPINK ជាកំពូលទាំងបីនាពេលនេះ។

យោងតាមការចុះផ្សាយពី Allkpop បានបញ្ចាក់ឲ្យដឹងថា លទ្ធិផលនេះដោយប្រើទិន្នន័យចាប់ពីថ្ងៃទី ២៦ ខែកុម្ភៈ ឆ្នាំ ២០២៤ ដល់ថ្ងៃទី ២៦ ខែមីនា ឆ្នាំ ២០២៤ វិទ្យាស្ថានបានប្រមូលទិន្នន័យចំនួន ៦០,៨៦៥,៥០៦ ពីម៉ាកយីហោផ្ទាល់ខ្លួនរបស់តារាចំនួន១,៧២០ ដែលសម្គាល់បានការថយចុះ ៥.១៤% បើធៀបនឹងខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ យោងតាមសន្ទស្សន៍កេរ្តិ៍ឈ្មោះម៉ាកយីហោ ការវាស់ស្ទង់ការចូលរួមរបស់អ្នកប្រើប្រាស់ ចំណាប់អារម្មណ៍ប្រព័ន្ធផ្សព្វផ្សាយ ការទំនាក់ទំនង និងការចូលរួមក្នុងសហគមន៍ ផ្តល់ការយល់ដឹងអំពីការវាយតម្លៃវិជ្ជមាន និងអវិជ្ជមាននៃម៉ាកយីហោ idol រួមជាមួយនឹងការត្រួតពិនិត្យ និងការវាយតម្លៃហានិភ័យ ទើបអាចសរុបជាលទ្ធិផលបង្ហាញជូនដល់អ្នកគាំទ្រ។

កំពូលតារាទាំង៣០ សម្រាប់ខែមីនា ឆ្នាំ ២០២៤ រួមមាន Cha Eun Woo សមាជិកក្រុម ASTRO, Taeyeon សមាជិកក្រុម Girls’ Generation, Jennie សមាជិក BLACKPINK និងអ្នកផ្សេងទៀត ដោយ Cha Eun Woo នាំមុខគេក្នុងបញ្ជី ជាមួយនឹងសន្ទស្សន៍កេរ្តិ៍ឈ្មោះ ៥,០៤១,៧២៨ ។

Taeyeon និង Jennie តាម​ពីក្រោយ​យ៉ាង​ប្រកៀក​ក្នុង​ចំណាត់​ថ្នាក់​លេខ ២ និង​ទី ៣ រៀង​គ្នា​ដោយ​សន្ទស្សន៍​កេរ្តិ៍ឈ្មោះ​គឺ ៣ ១៨១ ៩៦៩ និង ៣ ០៤៥ ០៤៧។ ការវិភាគក៏បានលើកឡើងពីទិដ្ឋភាពវិជ្ជមាននៃម៉ាកយីហោរបស់តារានិមួយៗ ជាមួយនឹងពាក្យគន្លឹះដូចជា ‘សង្ហា’ ‘ពិភពលោកដ៏អស្ចារ្យ’ និង ‘ដំណើរកម្សាន្តរបស់អ្នកគាំទ្រ’ ដែលទាក់ទងនឹងម៉ាករបស់ Cha Eun Woo ។​ សរុបមក ការវិភាគបង្ហាញពីនិន្នាការវិវត្តន៍ និងអារម្មណ៍របស់អ្នកប្រើប្រាស់នៅក្នុងឧស្សាហកម្មតារា ដែលដឹកនាំយុទ្ធសាស្ត្រ និងការអភិវឌ្ឍន៍នាពេលអនាគត៕

អត្ថបទ៖​ សាង​ ស្រីល័ក្ខ

ចុចអាន៖Han So Hee បដិសេធ​​ថា​​ ការបាត់​បង់​អ្នកគាំទ្រ​ និងយីហោល្បីៗផ្ដាច់កុងត្រា មិនមែនមកពីស្នេហា​ត្រីកោណ