ព័ត៌មានជាតិ

ពលរដ្ឋសាទរ ក្រោយអាជ្ញាធរខណ្ឌដង្កោ ជួសជុលជង្ហុកសំបុកមាន់ នៅកំណាត់ផ្លូវជាតិលេខ ៣ បញ្ចៀសគ្រោះថ្នាក់ដល់អ្នកដំណើរ

បានផុស

២ ខែ មុន

នៅ

ថ្ងៃព្រហស្បតិ៍ ១២ មិថុនា ២០២៥

ដោយ

ប្រជាពលរដ្ឋ សាទរចំពោះអាជ្ញាធរខណ្ឌដង្កោ ដែលយកចិត្តទុកដាក់ចុះជួសជុលជង្ហុកសំបុកមាន់ ១ កន្លែង ខណៈ កន្លងមក ជង្ហុកនេះ តែងតែបង្កគ្រោះថ្នាក់ដល់អ្នកធ្វើដំណើរពេលរាត្រី ជាពិសេសមានទឹកដក់មើលមិនឃើញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងផ្លូវជង្ហុកសំបុកមាន់ដែលតែងតែបង្កគ្រោះថ្នាក់ដល់អ្នកដំណើរស្ថិតតាមបណ្ដោយផ្លូវជាតិលេខ ៣ កែងនឹងផ្លូវបត់មកសាលាសង្កាត់ពងទឹក ក្នុងសង្កាត់ពងទឹក ខណ្ឌដង្កោ រាជធានីភ្នំពេញ។

បើតាម លោក កុសល ជាប្រជាពលរដ្ឋ លើកឡើងថា ដំបូងឡើយជង្ហុកទាំងអស់នេះតូចៗ នោះទេ តែដោយសារមានភ្លៀងធ្លាក់ផង ក៏មានទឹកដក់កើតជាជង្ហុកធំទៅៗ។ ជង្ហុកទាំងនេះ តែងតែបង្កគ្រោះថ្នាក់ដល់អ្នកធ្វើដំណើរឆ្លងមើលមិនឃើញធ្លាក់ ហើយដួលផងដែរ។

លោកលើកឡើងបន្តថា នៅពេលដែលឃើញមានអ្នកដួលច្រើន គាត់ក៏បានយកដី ឬ កម្ទេចថ្ម ទៅចាក់បំពេញ ដើម្បីបញ្ចៀសមានអ្នកដួល តែមិនយូរប៉ុន្មាន ជង្ហុកមួយនេះ បានមកជាសភាពដើមវិញ។

ជាមួយនេះ លោក កុសល និងប្រជាពលរដ្ឋនៅខណ្ឌដង្កោ ក៏បានសាទរ និងសម្ដែងក្ដីសប្បាយរីករាយយ៉ាងខ្លាំងចំពោះការយកចិត្តទុកដាក់ពីអាជ្ញាធរមូលដ្ឋាន នៅពេលដែលលោក និងពលរដ្ឋ បានសំណូមពរសុំឲ្យជួសជុលជង្ហុកនេះ មិនយូរប៉ុន្មាន ក៏ឃើញមានការអ៊ុតកៅស៊ូបានយ៉ាងស្អាតងាយស្រួលក្នុងការធ្វើដំណើរ៕

អត្ថបទ ៖ ម៉េង