សន្តិសុខសង្គម

អធិការរងខណ្ឌដង្កោម្នាក់ ដកកាំភ្លើងបាញ់មេឃមួយគ្រាប់គំរាមយុវជនម្នាក់

បានផុស

១ year មុន

នៅ

ថ្ងៃអង្គារ ១ កក្កដា ២០២៥

ដោយ

អធិការរងខណ្ឌដង្កោម្នាក់ ទទួលបន្ទុកផ្នែកគ្រឿងញៀន បានដកកាំភ្លើងបាញ់មេឃមួយគ្រាប់ ដើម្បីគំរាមយុវជនម្នាក់ បង្កការភ្ញាក់ផ្អើលកាលពីវេលាម៉ោង ១០ យប់ ថ្ងៃទី ៣០ ខែមិថុនា ឆ្នាំ ២០២៥ ស្ថិតនៅតាមបណ្ដោយផ្លូវបេតុង ភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមយុវជនម្នាក់បានអះអាងថា មានបុរសម្នាក់ បានអង្គុយផឹកស៊ីនៅផ្ទះក្បែរហាងរបស់ខ្លួន ហើយក៏ដកកាំភ្លើងបាញ់ឡើងលើចំនួនមួយគ្រាប់ ដើម្បីគំរាមខ្លួន បន្ទាប់ពីជិះម៉ូតូកាត់កន្លែងខ្លួនផឹកស៊ី ហើយចោទប្រកាន់ខ្លួនថាជិះម៉ូតូលឿងក្នុងភូមិ។

បុរសដែលដកកាំភ្លើងបាញ់មេឃមួយគ្រាប់គំរាមយុវជនខាងលើ ត្រូវបានគេស្គាល់ថាជាកម្លាំងសមត្ថកិច្ច និងជាអធិការរងទទួលបន្ទុកផ្នែកគ្រឿងញៀន នៃអធិការដ្ឋាននគរបាលខណ្ឌដង្កោ រហស្សនាម ០២៥។

ជុំវិញករណីនេះ លោក ហុង ពិសិដ្ឋ អធិការនគរបាលខណ្ឌកំបូល បានឲ្យកម្ពុជាថ្មីដឹងថា ករណីខាងលើពិតជាមានមែន ហើយនៅព្រឹកថ្ងៃទី ១ ខែកក្កដា ឆ្នាំ ២០២៥ នេះ ជនសង្ស័យ កំពុងឃាត់ខ្លួននៅអធិការដ្ឋានខណ្ឌកំបូល និងកំពុងសួរនាំ ដើម្បីចាត់ការតាមនីតិវិធី៕

អត្ថបទ ៖ សុខា