សន្តិសុខសង្គម

បុរសវ័យចំណាស់ម្នាក់ សង្ស័យខ្យល់គរ កំពុងជិះម៉ូតូសុខៗ ដួលស្លាប់បាត់បង់ជីវិត

បានផុស

២ years មុន

នៅ

ថ្ងៃពុធ ២៦ មិថុនា ២០២៤

ដោយ

បុរសវ័យចំណាស់ម្នាក់ សង្ស័យខ្យល់គរ ជិះម៉ូតូសុខៗ ស្រាប់តែដួល បង្កការភ្ញាក់ផ្អើលដល់ប្រជាពលរដ្ឋតាមផ្លូវជួយសង្គ្រោះបឋម តែជាអកុសលជនរងគ្រោះបានស្លាប់បាត់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១២ និង ៣០ នាទីថ្ងៃត្រង់ ថ្ងៃទី ២៦ ខែមិថុនា ឆ្នាំ ២០២៤ ស្ថិតតាមបណ្ដោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ជនរងគ្រោះឈ្មោះ ព្រំ សំអាង មានជំងឺប្រចាំកាយ អាយុ ៥៩ ឆ្នាំ ស្នាក់នៅសង្កាត់បឹងរាំង ខណ្ឌដូនពេញ រាជធានីភ្នំពេញ។

យោងតាមប្រភពពីកន្លែងកើតហេតុបានឲ្យដឹងថា គេបានឃើញបុរសវ័យចំណាស់ម្នាក់ ជិះម៉ូតូ Honda click ពណ៌សលាយក្រហម ពាក់ស្លាកលេខ ភ្នំពេញ 1CB-9169 ធ្វើដំណើរតែម្នាក់ឯង ក្នុងទិសដៅត្បូងមកជើង។ លុះមកដល់កន្លែងកើតហេតុ កំពុងតែជិះម៉ូតូសុខៗ បុរសខាងលើបានដួលម៉ូតូតែម្នាក់ឯង បង្កមានការភ្ញាក់ផ្អើលដល់អ្នកធ្វើដំណើរតាមផ្លូវចុះជួយលើកម៉ូតូ និងសង្គ្រោះបឋម ហើយក៏បានទាក់ទងទៅរថយន្តសង្គ្រោះបន្ទាន់ ដើម្បីមកយកជនរងគ្រោះ។ ប៉ុន្តែជាអកុសល ពេលក្រុមគ្រូពេទ្យមកដល់ បានប្រាប់ថា ជនរងគ្រោះបានស្លាប់បាត់ហើយ។ ភ្លាមៗ នោះដែរ ក្រុមគ្រូពេទ្យ បានទាក់ទងទៅកាន់សាច់ញាតិមកកាន់ទីតាំងកើតហេតុ ដើម្បីទទួលសពផងដែរ។

ក្រោយកើតហេតុ សមត្ថកិច្ចមូលដ្ឋាន រួមនឹងសមត្ថកិច្ចជំនាញចក្ខុ និងកោសល្យវិច័យ បានមកដល់ទីតាំងខាងលើពិនិត្យលើសាកសព រួចប្រគល់សពជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណីនៅវត្តព្រះពុទ្ធមានបុណ្យ៕

អត្ថបទ ៖ ហេង អ៊ឹងម៉េង