សន្តិសុខសង្គម

អភិបាលខណ្ឌព្រែកព្នៅ ជិះម៉ូតូអត់ពាក់មួកសុវត្ថិភាព បានចូលខ្លួនទៅធ្វើការផាកពិន័យតាមច្បាប់ហើយ

បានផុស

៤ សប្តាហ៍ មុន

នៅ

ថ្ងៃអាទិត្យ ២៥ សីហា ២០២៤

ដោយ

កាលពីថ្ងៃទី ២៣ ខែសីហា ឆ្នាំ ២០២៤ ថ្មីៗ នេះ លោក ធឹម សំអាន អភិបាលខណ្ឌព្រែកព្នៅ និងមន្ត្រីក្រោមឱវាទ បានចូលខ្លួនទៅធ្វើការផាកពិន័យតាមច្បាប់ចរាចរណ៍ផ្លូវគោកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា កន្លងមក ខណៈចុះសួរសុខទុក្ខអនុប្រធានសណ្ដាប់ធ្នាប់ដែលសម្រាកព្យាបាលជំងឺ នៅភូមិគ្រួស សង្កាត់សំរោង លោកអភិបាលបានជិះម៉ូតូមិនបានពាក់មួកសុវត្ថិភាពទេ។

គួររំលឹកដែរថា ពាក់ព័ន្ធនឹងការជិះម៉ូតូមិនពាក់មួកសុវត្ថិភាពនេះ កាលពីថ្ងៃទី ២៧ ខែតុលា ឆ្នាំ ២០២១ លោក ឃួង ស្រេង អភិបាលរាជធានីភ្នំពេញ និងលោក ស ថេត អតីតស្នងការក្រុងភ្នំពេញ ធ្លាប់ចូលខ្លួនទៅបង់ប្រាក់ពិន័យ ៦ ម៉ឺនរៀល ករណីលោកទាំង ២ បានបើកម៉ូតូត្រួតពិនិត្យស្ថានភាពទឹកជំនន់នៅខណ្ឌដង្កោ មិនបានពាក់មួកសុវត្ថិភាព។ នេះជាគំរូល្អមួយដល់មន្ត្រីទូទៅ ដើម្បីរួមចំណែកគោរពច្បាប់ចរាចរណ៍ទាំងអស់គ្នា៕

អត្ថបទ ៖ សុភា